我看殺破狼

發佈日期 : 2005年 11月22日

劇情

如果打算看這電影的話，千萬不要看下去，因為會影響到你他日欣賞這電影的趣味性。

這電影有很多很多不合情理的地方，我不想一 一講出了，因為太多地方了，相信有入場看的朋友都應該知到我想講乜了，

其實我自己都不介意劇情不合理，看這類電影，是不應該帶個腦入場的。

最最最最離譜就係原來偷錢係為養個細路女，真係人都顛，四個警察，月薪加埋幾多錢?

個個都無負擔，養個細路女都養唔到?就算係都有社會福利處啦。

不如話兄弟當中欠賭好或者話他們一時貪念，仲有說服能力吧。

唉~~~~或者你唔講點解偷錢仲好添。

雖然我不滿沒有心目中的打鬥，但全片和悶字一點都接不上關係。

丫~~~~~~~反而係唔知何解，片中的各人都有一些為遺 :

例如 : 

Danny Summer 最後都唔知個女送乜野比佢。

廖啟智一直都話好想父親死，但到最後知到他死左，先知道自己錯。

任達華到最後都係照顧唔到個細路女。

殷子凡打傻犯人，感到內疚。

洪金寶最後都係無仔，仲連個太太都死埋.........

以上都是死不眼閉的下場。

講返打鬥和緊張的場面了，對巴斯個人來講，一共有四段和大家講講。

第一段

唔講你唔知，有一幕無打鬥，反而是我看得最最最最緊張的，就是在尖沙咀東部，百人圍著三名警員時，

啊~~~~~~~~我看得好緊張，拍得非常有氣紛，我真是有血脈沸騰的感覺，我很喜歡這一段。

尤其係華哥叫一名壞人脫鞋，脫襪，行後一步，再行後一步.....

每一句和每一句之間又有適當的空位，型到佢呢!!!

後來洪金寶出來，在三警面前打破酒樽都好有氣勢。

第二段

拉隊在洪金寶的兒子滿月捉洪金寶的一段，

充份表現到洪金寶力的表現，要三個人先可以制服他，可惜這一段打鬥比較短一點。

第三段

第三段我最喜歡的是殷子丹和吳京的對打，在宣傳上也早有講到這兩位演員，

因為功夫兩家都有咁上下，所以雙方同意之下，唔設計招式，一試真打，

出來的效果我覺得殷子丹在打鬥時表現非常非常之型，所有微細動作都不但有型，而且很自然，我很喜歡這一段。

吳京雖然四度成為全國武術冠軍，但在電影內打鬥的動作，我個人都是覺得殷子丹的動作最好看。

可能真打和拍電影始終有所分別。

第四段

結尾的打鬥，由於之前打得不夠多又不夠好，所以我個人又以為來到這個尾場，會打得好堅，

但這段打鬥，動作也不是我幻想的好看，只是有點像柔道一樣的對打。

而且我見到有不少替身的出現，有時還見到就算是替身，都見到他們身上都有厚厚的保護氈。

就以殷子丹的菱空連環腿，硬食的就是一名替身。

當然，如果你問我，你比幾十蚊入場睇戲，係唔係想收買人命，問我係唔係心理變態的話，

我真係答你唔到，因為以前的成龍和現在的 Tony jaa都很少見到替身或身上見到厚厚的保護氈。

工業安全就當然係要保護氈啦，工業安全就當然要避免危險啦，替身都有屋企人，替身都係搵兩餐吧。

主角都要錫身，否則埋唔到尾，邊個負責呢?所以如果你係咁樣同我講的話，我真係答你唔到的。

不過當我真係見到替身，真係見到身上有保護氈，就投入唔到嘛。

可能有朋友問點解唔提球場吳京殺警的一段?其實個警察都無乜反抗，所以無乜持別。

宣傳上話這段是貓玩老鼠，但我Feel唔到囉。

雖然這片我個人覺得不滿意，但美高梅電影公司早把這套殺破狼購入了版權，可想而之，覺得不滿，只是我一個人的問題。

看完這片，但殷子丹依然是我心目中最喜歡的打星。

現在殷子丹依然在拍攝期間的龍虎門，我依然對他有信心，必定是我下一次入場看殷子丹的電影。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。