diehard 4 虎膽龍威 4

虎膽龍威 4

　發佈日期 : 2007年 6月29日

虎膽龍威第四集，昨日上畫了，第一時間在電影院收看，

選擇了圖中這個位置欣賞這套電影，正式入場時，啊~~~入座率達 95%。

Bruce Willis演的John McClane果然利害。

片長 129 分鐘，超過兩個小時，所以大家緊記開場前一定要先去洗手間呢，

因為這片，由頭到尾都無冷場，一點都不會悶，

因為去洗手間而錯過某一些劇情就好唔值得了，而且仲騷擾到其他人呢。

今年三月步入52歲的Bruce Willis ，在電影內一點老態都未有，

不過今集的 John McClane ，比之前的有所不同，就係少了自己同自己講野的情節，

以前的他，不停的自言自語，可能今集有第二男主角貼身一起，所以少了這些情節吧。

拿，呢個就係第二男主角，由演員 Justin Long 演 Matt Foster 這個角色。

演技一般啦，而且唔係靚仔囉。

大家當然最關心係代表我們香港的 Maggie Q 呢，今次她演 Mai 這個角色，

她是壞人來的，正!!女人不壞，男人不愛。^_^

片中她是一個好打得的美女，仲同 John McClane 打鑊金呢。

她今次演這個角色一般啦，如果可以再壞一點會好一些呢。

唔知係咪因為化粧關係，在片中的 Maggie Q 樣子有少少不同，尤其係雙眼，

唔識講啊，你入場就睇到同平時她有少少分別。

角色當中，有一個叫做 Lucy McClane，單係見到個姓McClane，妳就知道同男主角關係密切啦，

無錯，就係由死神再三來了的女主角Mary Elizabeth演 John McClane 的女，尾段係講 John McClane 救他的女呢。

圖中座在她前面的是今集的大奸角，兩位的表現都是一般。

片中的她靚唔靚 ? 我覺得唔靚囉。

片中係就係有不羅輯的地方，不過電影用來娛樂，不是用來求真，

只是不要太過份，太過理智對自己沒有好處呢。

今集有一些位置都加入少少幽默，使人會心微笑。

我自己就好滿意今集的整體表現，片中落了不少濾鏡，運用得不錯，

他日推出高清碟的話，我一定支持，何況這電影屬於Fox，Blu-Ray版我喜歡呢。

虎膽龍威第四集係近期不可不看的電影啊，無論你是否覺得好看，都要看啊，

因為你不看的話，邊有話題同你的朋友講呢?

片中動作場面，以129分鐘的長片來講，真係算多了。

今次如果要看預告片的話，可以去Yahoo收看，他們提供兩段不同內容的高解像預告片給我們欣賞，

不過大家今次真係要特別留意，在兩段預告片當中，有一段係和以前的不一樣，

今次呢一段係把其中一段入屋槍戰的片段，完完整整的播出來，

足本八分鐘，內容係由入屋傾計，到壞人開槍狂掃，男主角開槍還擊，逃走.............

整個過程收錄在呢八分鐘的頂告片，仲要係高清檔，一定要收集，不能錯過。

如果你是 Quick Time Pro版的朋友，還可把預告片收集下來保存呢。

當然你都可以去官方網頁收看有關內容。

提提大家，如果有打算入場看的話，可想想重溫之前三集來增加趣味性呢。

係呢，你們手上又是否有前三集的DVD或LD呢?

這個長假期，不能錯過欣賞這電影啊，網上訂票啦，排好長隊架~~~

◆ avbuzz.com精神，人人毒我，我毒人人 ◆

　謝謝收看這篇文章，你是第個收看這篇文章的讀者。