陳潔麗天與地推出了

　發佈日期 : 2007年 7月26日

昨日是陳潔麗最新專輯天與地，在香港推出的大日子，正如陳潔麗上星期六所講，

她的碟會在這一日推出的，果然係準時呢。

為了打擊水貨，頭幾日，香港先來大貨出售，連中國大陸都未有售，所以香港的水貨店應該見唔到Lily的天與地，

我昨日下午去過旺角幾間專門出售水貨CD店，但都找不到，最後我在專門出售行貨的威威店，以$46買到。

透過以下短片，可以見到陳潔麗新專輯天與地的包裝和印刷內容。

請雙擊正中的播放鍵開始。

以下我們採訪了市民對天與地的看法。

減肥中的May : 我一邊聽天與地，一邊做運動，消脂比平時多左一倍呀。

我依家條腰係24啊。大家努力變靚D丫~~

放暑假的明仔 : 我以前好怕醜架，買左陳潔麗天與地之後，

個人明顯高左，自信心返埋來，依家我有四個女朋友呀，我唔同你地講喇，我約左女友睇變型金剛啊Bye!!

老人中心四號床陳伯 : 我買左陳潔麗天與地之後，唔知點解，覺得我年輕左，膽大左，

我家陣過馬路唔需睇紅綠燈，去金沙賭場係咁過關，驚都未驚過。

係呢後生仔，你可唔可以借幾蚊比我搭車呀，因為我剛由澳門返來，買完張船票就無錢坐車喇~~~

灣仔蘇文峰相士 : 拿!!屬虎，羊，豬，狗，兔埋同埋龍的朋友，今年屬於九宮飛星局，屬於犯太歲，

近日會有血光之災，想化解呢個劫的話，立即去買一隻陳潔麗天與地，封套放在東南面，CD一邊聽天與地，

一邊念經，念七七四十九日就可以解到呢個劫。

蜜運中的Simon : 我買左天與地CD，我和女友帶金一起行沙灘，一邊聽歌，一邊談心，

後來聽到第十二首歌，我向佢求婚，佢居然一口答應左我，

你知唔知我今次係兩年內，第24次向佢求婚呀，一直都被她拒絕，今次成功，真係多得天與地喇。

大角咀聰媽 : 我個仔四個月大，一向晚上都睡得唔好，後來有人介紹我買陳潔麗的天與地，

有除痰定驚的功效，我比佢聽左之後，丫.....

個衰仔依家晚晚睡得不知幾甜，仲間唔鐘聽到佢發開口夢笑添。

嘻.......我係Lily Fans，我唔知點樣同大家介紹呢隻碟，所以只好攪下笑，因為要我介紹Lily的碟，真係唔公平，

我喜歡Lily，一定會話好，不會話差，所以碟評係無意思的。

我個人當然好喜歡今次天與地這隻碟啦，我最最最喜歡係天與地。

你地仲記得我在旺角朗豪坊所拍到的Lily現場演出嗎?

雖然我拍到好似雷霆救兵搶灘咁，但我勝在有Heart，我好有信心會拿到今年最佳攝影獎架呢。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。