Robocop 鐵甲威龍藍光碟

發佈日期 : 2007年 11月16日

潮流興集體回憶，在店鋪見到在LD年代大受歡迎的鐵甲威龍推出了藍光碟，售港幣$199。

打著DTS -Master Audio 5.1 和 廣東話中文字幕。

當年非常受歡迎的這套電影我也擁有過LD，DVD年代我忘記了他的存在，

今日好想用藍光技術再播放，但我忘記了第一集好看，還是第二集好看，

想得幾想我就放棄了購買的念頭，改為租看，等看過後再作決定。

圖中是鐵甲威龍藍光碟的主頁菜單。

有一段很長的時間沒有再接觸這電影了，滿以為鐵甲威龍藍光格式之下會有很好的畫面質素。

天啊~~~~畫面質素只能用比較好的DVD碟相比，無法給我自己個人口味被列入高清格式。

點......解.......會咁樣的? 我點解無想過是屬於舊片的質素 ?畫面色彩很淡而且一睇就看得出係舊片。

在我24隻藍光碟收藏品當中，這碟畫質和聲效屬最差的一隻。比起我最差的藍光碟收藏品當中的十面埋伏，更差幾條街。

大家還記得這個機械人嗎?當年我覺得好有型的，點解............點解今日我覺得佢好低能?

步行的時候看得出是一格一格的拍攝，我見到咁樣真係想哭出來啊~~~~

我點解當年會覺得佢有型架~~~

自己手上無對應 DTS-Master Audio器材，只能用碟內所提供的 DD 4.0聲軌來收聽，大家留意係DD 4.0啊~~~~

喂大佬，唔係Die Hard 4.0啊~~~~係DD4.0啊.~~~

家庭影院無低音炮欣賞動作電影?你話我係咪神經有問題丫。

畫面射到開花爆到九彩，但聲音都係像收音機一樣，唉~~~

你點可能想像呢幕佢的表情之下，開炮係濕水炮杖呢?

真係可用慘絕人環來形容，我好後悔看這碟啊。

最後我係高速飛來看完這碟就算了，鐵甲威龍由這一刻開始，在我腦海中劃上句號。仲要係立即果隻播。

今後再有人同我提起鐵甲威龍的話我就鑊佢!!!

唔好玩野喇!!!!家陣係2007年，睇變型金剛啦，無啦啦攪什麼集體回憶鐵甲威龍啊!!!

幸好我是租回來，否則又要到二手店去出售，又唔見大錢。

一個唔知道自己買緊乜野的人...............唉，真係好可憐。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。