韓日 Image girls

發佈日期 : 2008年 1月18日

上星期的今日，日本幕張舉行改裝車展覽，場內有不少Image Girls出現，

除三菱的Image Girls最多，而且表演最吸引之外， Hankook 展區都算係最吸引人的位置了。

由東京乘座京葉線，就可以到達幕張，途經其中一站是迪士尼門口，

由於行程緊密，今次無緣入內玩，下一次來必定不會錯過。

近年韓國已經成為大家心目中的妖精國了，美女多到不得了，長髮，露臍，超短裙，高跟鞋，在妖精國差不多是基本的。

藝能界以李孝莉為首的妖精形象，還有 Ivy靚得死去活來的做型，差不多攻佔整個亞洲區。

就連自稱大日本帝國，都要在他們的頻道上，加上韓國MTV台來增加收視。

今次 Hankook展區內， 一共出動四位 Image Girls，兩位日本代表，兩位韓國代表，

請來兩位更妖精的韓國Model， 日本代表同台需面對超強勁韓國對手，真係.............

以下是有關當日四位Model站在台上的表現片段。

請點擊正中的播放鍵開始

兩位日本 Hankook  代表，都算係唔錯的樣子。

而我就比較喜歡圖中這一位。

但係你睇睇，兩位外援韓國妖精Model，靚到不能形容，仲穿上超性感的戰鬥服，

啊~~~呢件衫邊個設計架，直頭可以得到諾貝爾和平獎啦。

拿拿拿，你千萬唔好問我，佢地叫什麼名，雖然司儀有講，但係講日文我識鬼聽麼，

不如我就暫且叫佢地做傾國同埋傾城，不如左邊的叫傾國啦。

無論是身高，身材，服式，樣子，日本和韓國的Image Girls，實力相距太大，兩位日本代表，差不多係無相機對著她們的，

所有鏡頭，無論是攝錄機鏡頭或數碼相機鏡頭，一一都是向著傾國傾城，現場火藥味濃烈，看看以下的兩張連環圖，就可以感受到一二。

以下時間，看看傾國和傾城的個人表演吧。

傾國還配上肚臍裝飾物。

但係我個人就喜歡傾城多一點呢。

因為她靚得來仲多了一份可愛。

就連側面都一樣咁靚架播。

嘩~~~傾城小姐，條帶都好低啦，妳仲想拉低?鼻血都出晒喇~~~

影完相之後，大會安排猜包剪遊戲，台下勝出的朋友，可以上台得到四位 Image Girls的親筆簽名明信片，

當然可以寫上得獎者的名字啦。拿，你看這張相，係咪傾城可愛一點丫。

得獎者真係開心，可以得到傾城小姐的親筆簽名。

我記得好似大約有十位朋友可以上到台得到簽名的。

大部份的幸運兒都是找傾國和傾城簽名，最慘就係簽完兩位就走，無理會過另外的兩位日本 Image Girls 啊~~~

 有關今次的圖片可到以下這個相簿內得到重溫。

http://www.avbuzz.com/event/album461

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。