變種特攻︰狼人外傳

發佈日期 : 2009年 5月7日     圖 / 文 : 巴斯

總結

直接入正題吧，只差13分鐘就長達兩個小時的這套狼人外傳，雖然不是由頭打到落尾，

可能我喜歡見到 Hugh Jackman 的關係，對我來講沒有悶場，總好睇過那一些講多過做的什麼蜘蛛蝙蝠。

不過片中有一些地方很不合情理，或多或小有點打節扣，我明白看電影不能太過理智，否則對自己沒有好處。

　整體的打鬥場面比我想像之中小，但還可以接受。因為始終是接近兩個小時的電影，不可能由頭打到落尾。

如果5粒星是滿分的話，這套電影我會比3粒星啦~~~

雖然這套不是我覺得最好看的電影，但他日推出光碟的話，都會購入多看一次。

廢話時間

多謝您看完總結，還依然抽時間看廢話時間，不如先看看有關的預告片呢。

  按 Play鍵後，再按 HQ 鍵，可欣賞高畫質版本。

聲效不滿

狼人外傳，擺到明係動作片，無理由唔搵自己覺得最好效果的電影院來欣賞吧，

雖然圓方6號院有上演這套電影，但不知何解，這日的聲效我好不滿意，因為片中一去到爆炸之類大音壓時候，

某一些頻段，居然去唔到而消失左，非常非常之無奈，他日推出光碟時，一定要在家中器材重放一次，先可解開這個結。

 Hugh Jackman 

最近澳洲藉的 Hugh Jackman ，榮獲全球最性感男士獎，呢點我絕對同意。

自 Swordfish 開始，我就開始注意到呢位靚仔，後來 X-Men 覺得他好有型，

而他在 Deception 呢套電影內的造型，更加靚仔到成個舞男咁款。

最近的 Australia  更加是愛死他，因為無論他留鬚，定還是青靚白淨，同樣都係靚仔到無朋友。

Hugh Jackman 為了接拍這套電影，專登去健身院地獄式操一個月，使他原本都好大隻的身驅，更架有線條美，

變種特攻︰狼人外傳，入場的理由就只係想見到他的演出。

  他在這套電影裡的造型，當然就正係 X-Men 內的狼人一樣，只不過進一步交代一下狼人身世吧。

 Hugh Jackman 現在成為我心目中，最喜歡男星呢~~~

    劇情分享    

 以下我想和有看過這套電影的朋友分享，未看這電影的朋友，

絕對影響你入場觀看時候的樂趣，如果你打算看這電影，千萬不要再看下去，否則你一定後侮。

你好，多謝你看完這電影後和我分享我對這電影的感覺。

我最喜歡就是被編劇欺騙後再點醒的感覺，呢套電影也有這些內容，就是我一直都以為女主角死了，

原來去到尾先知佢並無死，而且一直係利用緊狼人。

另外那一對老夫婦，真係好好人架，收留佢，連自己個仔的外套，都送比狼人，

丫.....點知無好收場，那一刻我覺得好可惜架。

呢套片不滿的地方都好多架，唔知你睇完有無同感呢?

不滿情節一

例如擁有咁大力量的人，佢兩兄弟點會上戰場當兵架 ? 

最後兩兄弟又會被軍人捉來打靶，唔係掛~~~~兩兄弟就咁用繩綁著來打靶 ?

我知，聽故唔好駁故丫嘛...... 唉.....

不滿情節二

成班變種人，攻入那個大廈，唔係要鑽石，只係要那個來自外太空的石頭資料，

其實只要搵那個識舜間轉移的變種人，唔需半秒，就可以埋到佢身，一刀指著佢條頸，對方咁咪一定講你知那個石的資料啦。

洗鬼成班變種人殺上去咩，激死人。我知，聽故唔好駁故丫嘛...... 唉.....

不滿情節三

成批變種人集合一起，真係無堅不摧，唔需要做麼什X計劃都天下無敵啦。

我知，聽故唔好駁故丫嘛...... 唉.....

不滿情節四

還記得在拉斯維加斯，明明狼人都控制到佢哥哥，丫~~~牌王居然響呢個時候跳出來解圍，真係好玩野咩~~~

不滿情節五

集變種人精要的11號，講到咁勁，又會話Cut左個頭，就咁容易死，

噓~~~我知，聽故唔好駁故丫嘛...........　

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。