Pioneer LX 72 開箱毆鬥

發佈日期 : 2009年 12月14日     圖 : A-Keung /  受苦人 

撰文 : 巴斯

三星期前

收到開心上車盤的家訪主人翁受苦人的電郵，內容如下 : 

今日打機班機友買了部 Pioneer LX82，我當然好厚面皮咁借回來玩玩啦。

兩個字,"好掂"， 完全殺底我部天龍1709,其它野唔講.底音表現我好喜歡.收放比1709快.

沒有1709咁肥.底音清爽好多.總之我之後會買P記 ICE POWER AMP

天龍 1709 ＝ 西洋佬打拳。

Pioneer LX82 ＝泳春的吋徑。

Pioneer LX 82好過天龍 1709就唔洗人講，貴咁多唔堅過佢都冇天理，但係又值唔值得俾多萬幾蚊出來買呢。

而買左返來，家裡其它的器材和地方又發唔發揮到部機呢，這個就係問題所在喇。

以上就係受苦人電郵心聲，早前A-Keung和 Brian都試過把 Denon 3310和Denon 4308 帶到受苦人家中踢館，

但兩次都未能成功打動到受苦人換機念頭，想唔到 Pioneer 呢部 LX- 82，使受苦人心動。

三星期後

剛剛過去的星期六黃昏，受苦人經過旺角，

發現一部連拾荒者都無興趣的Pioneer LX 72，被棄置垃圾桶旁...............

圖中可見拾荒者專心執她的汽水罐，對旁邊的Pioneer LX 72 視若無睹。

上面呢兩張相，係受苦人和大家開的一個玩笑。

由於旺角阿二無線電是屬於Pioneer 香港行貨第一拆家關係，價錢比較合理，所以受苦人就選擇在呢間店鋪購入。

當你見到呢篇文的時候，受苦人剛好成功出售他的舊愛 Denon AVR-1709 到二手市場。

呢部機去年受苦人以港幣 $3200 買返來，一年之後的今日放售，勁蝕 $1400，圍起上來，每日唔見接近 $4，真係難為了他呢~~~~

可惡的受苦人，離開店鋪時，立即飛的士，但他並不是第一時間返家，而係去發揚人人毒我，我毒人人精神，

受苦人飛的士就係因為要去找 受害人 <<<<A-Keung。

上到樓，受苦人狂按門鐘，在無心理準備之下的 A-Keung 只有以下呢個表情...........

由於當時我未能抽空出席呢個盛況，幸好 A-Keung 把過Pioneer LX-72開箱圖過程，

拍下來和大家分享，圖片就是先由受苦人拆開繩結開始。

打開紙箱之後，就是如圖見到一些配件和搖控器。

受苦人再把內膽拿出來，就可以見到左圖的樣子了。

再把保護用品拿走後，就可以見到非常靚仔的 Pioneer LX-72真身。

來一張前後分別圖，還有搖控樣子。

附件逐件睇

A-Keung 剛購入不到兩個月的 Denon AVC 3310，呢日就要與 Pioneer LX-72 ，在 A-Keung家中，來個毆鬥。

兩雄相遇，當然要來一張合照先啦~~~~

結果

結果用了大約三個小時，由 A-Keung自己提供的聽歌 CD，或者動作電影軟件藍光碟的聲效測試後，

A-Keung 斬釘截鐵地叫受苦人把機拿走，因為他下定決心，也要買部 Pioneer 來取代他購入不到兩個月的 Denon  AVC 3310。

嘿嘿嘿 ~~~~A-Keung 中毒後，受苦人就功德完滿，把 Pioneer LX-72 包好之後，爭取時間和 Pioneer LX-72 一起回家啦~~~

剛剛收到受苦人的再次電郵內容如下 : 

我好喜歡個樣.同我套櫃容為一體.黑到令立立

全文完

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。