Philips-BDP9500
完結篇
發佈日期 : 2010年 6月22日 圖 / 文 : 巴斯
來到分享Philips-BDP9500 最後偕段了!!!今集會總結對這機的評價。
和她相處時間不多，只有幾日時光，但過程是愉快，好~~~~來總結這機吧。
呢部機，在搜畫過程當中，畫面顯示屬非常巨大，雖然以下我沒法提供到實物顯示比例，
但透過畫面上的面積，和出現三分一畫面佔用顯示大小，也應該猜想到畫面顯示是非常巨大，用投影機睇效果更壯觀。
我相信無論有老花或近視的朋友，都一定會好清楚見到咁巨大的畫面顯示吧。
 |
 |
 |
 |
 |
 |
 |
 |
Stop 鍵錯當 Play 鍵按
留意快速搜畫鍵，是與 Stop 鍵平排一起擺放，在快速搜畫期間，如不習慣，
十次會有十次快速搜畫後，心想按 Play，但錯按順手的 Stop 鍵，而吧機停了。
字幕升降
這機其中一個強項，就是字幕升降功能，藍光碟上的隱藏字幕，用家要顯示出來用的時候，
如果不滿意字幕先天高度，可以利用這部機的字幕升降功能，
自行調校到合適高度，是極之方便用家的設計，值得一讚。
我相信最開心一定是使用 2.35:1顯示器的朋友，因為有很多時候，光碟上的字幕，
會出現在畫面最下面的黑邊範圍，使用 2.35:1顯示器的朋友就會看得很痛苦，
這功能就可以把原本出現在黑邊的字幕，升上畫面範圍。
留意這個功能並不是 Philips首創，之前都有機提供這功能，但字幕會有變型而且矇這個副作用。
而這機用了這項功能後，字體依然是 Sharp ，而且不變型，
但也有她的副作用，就是畫面頂部的部份畫面會給 Cut走。
利用阿凡達藍光碟來示範比較適合，因這碟先天字幕設定得比較高，
很多用家都不滿意 ( 我是其中一位 )，
加上畫面是 16:9 ，整個畫面都比較大，更加顯得字幕高，如果字幕能降下，對我來講是適合。
透過以下片段，可親眼目到字幕最高和最低升降幅度。
示範短片
韌體升級
留意好多時候消費者都好開心咁買隻藍光碟返屋企，打算同屋企人一起渡過，
但係當大家一坐埋來，茶几上滿佈各式小食時，好開心咁放隻碟入去架機度時，點知呢個時候，
先同你講話要更新先睇到.........當四姨媽，同六姑姐都O晒咀咁望住你，仲問你係咪無得睇，
我相信最惡毒的粗口，機主一定係脫口而出啦。
有些天上有，地下無的珍貴機種，更加係要用光碟來更新韌體，今時今日屋企真係唔知去邊度搵隻吉碟出來攪，
仲要一時之間唔知去邊度攪，更何況就算攪完，都無晒氣氛啦。
睇套戲遮~~~~唉.........發燒友喎~~~
而我用開好多人睇唔起的 Sony PS3，就從來無發生過呢種情況喇，所以一向體會唔到呢D感受。
通常最大機會都係一些頂級一線機身上發生架啦。
Pro 丫嘛，法拉利都唔係比新牌仔用架啦，用得一線機，當然有返咁上下啦嘛，一定可以幾分鐘攪返惦。
不過唔係發燒友就慘D咁解遮~~~~
呢部機係借返來玩，我邊夠膽幫人升級啊，萬一部機走火入魔，我點賠得起部機比人呢?
可況學大部份 IT 人所講，後日出新韌體，今日去更新的道理，更加唔會第一時間做白老鼠更新啦。
所以我都只係用返原本跟機版本狀態下欣賞。
講到呢部機，你都見啦，播到亞凡達，無問題啊。不過遲下就唔知喇~~~
直到現時為止，最新韌體係 1.0.7 ，手上的係 .......
個人評價
這機整體表現感到滿意，操作速度是我接觸過讀碟等同 PS3 一樣靈活的一部藍光機。
畫面和聲效也沒有任何要投訴，價錢也不算名貴，價值比合理。
機內不設調校畫面功能，但我接觸過有調校畫面功能的藍光機，但所調校每一格的幅度很大，
最終都只是用回預設位置，等同沒有調校功能一樣。
而在這機的設定來講，直出沒有何問題，也是我滿意的畫質，所以沒有得調校畫面，對我來講沒有影響。
之前擁有的所謂中高級藍光機，我真係忍夠了，速度慢到不屬於呢個世紀，你用埋我果份喇，
用PS3不知幾開心，我又真係唔覺得兩者比較，差到一個天一個地，但運作和操作慢，我就唔開心，
無奶油用一部自己唔喜歡的機架，所以都係用PS3多，但家中都希望有部叫做藍光機，所以近日都會試下D平民藍光機。
今次多謝朋友借給我這部機，給我知道她的操作是多滿意。
最後決定
雖然我對這機的表現感到滿意，但身邊有多位高燒和有一定經驗的發燒友向我表示，不應買 Philips，
其中一位向我講 : 想要生活好，咪買飛利浦。而另一位又向我講 : 用親飛利浦，壞到你估唔到。
他們最主要是話容易壞，雖然我極不同意，最起碼買這機借比我玩的朋友心裡就一定不同意啦，何況我這幾日用都無事發生丫。
而我自己覺得他們咁樣講，對 Philips 很不公平，由於該兩位朋友堅持不準我買，
還說有路人甲乙丙睇完我的筆記而去買這機，萬一真係壞，係唔係我負責先。
拿拿拿，一講到負責，我最出名就係一個唔負責任的負責人，加上他們的經驗和資歷都在我之上好多億光年。
何況我不是發燒友，只係想擁有一部操作快，畫面和聲效過得去的機就可以了，
基於人有我有的心態，無話邊部機唔買，邊部機一定要買，雖然我心係想買Philips-BDP9500 ，
但我唔想同他們爭論，唔好煩我!!!!!!!!
最終我..............
進入重溫四集內容
| 第四集 完結篇 | 第三集 菜單圖 |
 |
 |
| 第二集 讀碟速度 (實証) | 第一集 開箱圖 |
 |
 |
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。