雷霆救兵的 iPad 上集 Pocket Wi-Fi 篇
發佈日期 : 2010年 6月1日 圖 / 文 : 巴斯
一個剛買了 iPad的人，離開店鋪一刻，其實只係買了 i Pad的軀殼，而沒有買到她的靈魂，
因為一部無上網功能的 i Pad，只係得兩成功力。
千萬不要同我講什麼 Wi-Fi 熱點或只在家中使用啊。
呢部機對我來講係帶出街和親友聚會的利器，並不是遷就指定位置使用，不能上網的i Pad等同廢鐵。
剛由水貨店，以海鮮價 $6880購入 64GB Wi-Fi版 i Pad的雷霆救兵，接著就是要買入 Pocket Wi-Fi ，作為給 iPad無線上網的工具。
雷霆救兵一直用開 Viliv S5，他早就幫襯數碼通，以月費 $198任用上網計劃 ( 綑綁 24個月約 )
這個月費計劃所提供的上網接收能力，只要收到手機的地方，就可以上到網，一直得到雷霆救兵的歡心。
 |
 |
雷霆救兵並不需要為iPad開新台上網，他只要購入市面上的 Pocket Wi-Fi ，
把原本插在 Viliv S5 體內的數碼通卡，改放入Pocket Wi-Fi 體內，就可以把這張卡，
分派出無線 Wi-Fi 出來給多部機共用，所以他就可以無需再開新台給 i Pad 了。
雷霆救兵出手前，去了解過圖中這款最多人熟識的 Pocket Wi-Fi ，呢款由 HUAWEI 出品的Pocket Wi-Fi，
PCCW 和 3仔台，都係用佢來給客戶使用的，她同一時間可以分比最多五部機用。
雷霆救兵同樣都可以把他的數碼通卡插入去體內後，分比最多五部機無線上網。
 |
 |
 |
 |
 |
 |
D-Link
在商場走一轉後，最終覺得這款 D-Link 型號為 DIR- 457U，
以 Router 路由器 式設計的 ( 3G Modem) Pocket Wi-Fi 更適合雷霆救兵所需。
哈，今次我們找來 iPad妹 ( 晴晴 ) 當今次的Model，透過她身軀比例，可大約猜想到 D-Link Pocket Wi-Fi 實物大小。
開箱圖
以下時間影返一輯開箱圖先。 噢~~~ 晴晴你都想影嗎?
好丫一齊影啦，丫~~~妳又幾醒，識得用手繩架播。
呢款 D-Link Pocket Wi-Fi 開盒後，
一目了然地可以見到所包含的東西，包括跟機的一個電池。
 |
 |
電池
所以雷霆救兵額外多買一個電池作後備之用，嘩~~~機價 $ 1580 ，但是單一個電池購買就索價 $450 ，
含著淚的 雷霆救兵 向我說 : 感覺有點像被打劫。
圖為這款收納在體內的電池樣子。
官方發報電池可用5個小時，但你知一定係報最佳狀態下所以用5個小時啦，
問售貨員就話最多頂 3小時，雷霆救兵就話他一般用 1.5小時都無需換電，
再耐一點就未試過，暫時未証實到售貨員所講的時間，試到講我們知啦。
放卡位
左圖可見雷霆救兵 所用的數碼通卡，現在不插在Viliv S5體內，改插在 D-Link身上就可以同時比多部機一起共用了。
所以雷霆救兵 的Viliv和iPad都可以同時利用呢一張卡的無限量月費上網。
 |
 |
強啊~~~~~晴晴居然識直度構圖?
呢款 D-Link Pocket Wi-Fi 運作時是如左圖的燈可見，而運作時不算火熱，但就會暖。
她除了同一時間可提供到最多 16部機分享外，萬一在用完電的時候，依然可一邊充電，一邊上網。
右圖可見是用這款 USB 接位作充電之用。
 |
 |
透過實物作比例，可大約猜想到這款 Pocket Wi-Fi 和一部 iPhone作比較的話，
無論厚度和大小，整個體積都是接近一樣。
攪惦~~~~晴晴話知你，她真係無我咁好氣，既然上得網仲講咁多無無謂謂的野做乜。
去嬰兒用品網睇睇有無新貨先得，聽講有款新奶咀口感唔錯，有咬口，如果有就 Select All 。
借風
可能你會問，雷霆救兵有 i Phone，點解唔借風呢 ? 意思係利用i Phone 輸出 Wi-Fi來比 iPad上網
且~~~~~雷霆救兵如果要我講佢先知，佢就唔係雷霆救兵啦。
雷霆救兵出外使用上網比率，屬於高用量人仕，平日他的 iPhone 一日電池用量都是緊緊夠用，
一次半次分比 i Pad 用下無所謂，但長貧難顧，所以他都係選擇自給自足啦。
市面有圖中所見的這類救命充電器，可使 iPhone 的能源得到即時補充，售價由 $2XX - $6XX都有，
先唔講大陸電會爆炸咁得人驚，但你睇樣衰到佢呢.............。
 |
 |
祖藍腔 : 我接受唔到..........囉!!!!
待續~~~~~~
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。