雷霆救兵的 iPad 第二集

iPad免費上網

發佈日期 : 2010年 6月5日     圖 / 文 : 巴斯

買了iPad，唔想上台額外比月費，淨係困在屋企內使用 Wi-Fi都唔係辦法。

以下都有方法可以江湖救急的。

方法1 :牡丹樓免費上網

如果唔怕麻煩，可以走去附近 24小時牡丹樓，內有免費 Wi-Fi，在他們的範圍內，

利用 iPad 的 Wi-Fi 搜尋，就可以來到以下這個操作介面，Click入免費上網的一項，就成功借用他們的 Wi-Fi了。

但有時間限制，每日一次，每次 20分鐘，但...........我覺得係江湖救急就可以，總不能長期咁用吧。

無可能每次上網都走去搵牡丹樓吧。人家唔取笑你，你自己都覺得煩啦。

拿~~~晴晴，妳唔可以咁樣取笑人家架，知無?

方法2 :PCCW 兩個月免費

另一個使 i Pad獲得免費上網方法，可以利用iPad的 Wi-Fi 搜尋，

看看附近除了三姑姐，陳施拉.........這些路人甲乙丙的路由器外，還有沒有PCCW所提供的 Wi-Fi熱點，

有的話就用以下呢個方式去 登記。

留意!!!並非利用瀏覽器去 PCCW 官方網站!!!!係用iPad的 Wi-Fi 搜尋。

因為你當時一定不是上網中，所以先用呢個方法上網，既然不是上網中，你又點可能去到 PCCW的網頁呢? 

所以呢個介面，一定係用iPad的 Wi-Fi 搜尋出來。

進入後就會有呢份表格等你填，填完就即時用得，為期兩個月免費任用。

兩個月之後你自己再決定點啦，無可能一世免費啊。

提提你，呢個PCCW所提供的 Wi-Fi服務，必需要在熱點範圍先可用到，

如果你係座緊車在高速公路飛馳中，又或者身處地方附近無Wi-Fi熱點的話，都係死得。

方法3 :借風

相比起以上的兩個方案，以下的借風就來得實際好多，

借風 ( 借 Phone ) 意思，係利用i Phone 輸出 Wi-Fi來比 iPad上網。

如果 i Phone 用家一直有用開上網計劃，只要在 i Phone 安裝 一個名叫 My Wi 的 apps，

iPad 就可以利用  i Phone 所提供出來的 Wi Fi  上網。

　下圖是由使用 iPhone 內安裝好的 My Wi 後，在使用中所得的圖示。

留意在 iPhone上還會顯示當時的網速。

以下係   iPad 的顯示圖。

可見到 iPad正使用 rdwifi ( 機主 iPhone 名字 )所提供的Wi-Fi來上網。

彭彭聲

放心，由於用呢個方法上網，本身都是由3G轉成 Wi-Fi，所以上網的速度同3G一樣彭彭聲，

就以那個打靶網站 avbuzz.com為例，其縮圖主頁的Loading 足足 5MB有多，

無返咁上下網速，Load一半都成問題，莫講Load整頁。

用呢個方式上來這個網，一Load就彈出來，好開心架。

但用呢個方法的話，iPhone最好係用無限月費計劃啦，呢個年代，網頁唔係圖像化就係短片化，

如果唔係用無限月費計劃的話，走幾轉呢類網站就爆廠啦。

另外能源都係一個問題來，咁樣用法 i Phone的電好快就被吸乾，iPhone最好有外掛後備電囉。

　優點 : 唔需額外再為 iPad上台開新卡。

缺點 :  i Phone的電好快就被吸乾，長期用的話， i Phone必需有後備電池。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。