9000港元的 iPhone 4

發佈日期 : 2010年 7月31 日     圖 / 文 : 巴斯

7月30日星期五，是一個非常緊張刺激的日子，全城搶購的 iPhone 4 ，市民都鬧住咁買~~~

簽約自首又有，零機價出機又有，總之就係今日要有 iPhone 4 ~~~~~

一向黑仔的我，今日好幸運可以分到一部 32GB版本，但要附接近全費的 $5280 機價 ( 原價 $ 5888 ) 加簽約，先可以脫身。

但唔緊要啦，我等了好好好好好耐架喇，今日終於可以得到，好開心呀~~~

收到機之後真係有點感動~~~~，自從患上家庭影院冷感症之後，呢種心情，好耐無試過喇。

以下時間同大家分享一下開箱圖丫~~~

嘩~~~淨係個盒都好有手感，等我反轉個盒先得。

一直都係數碼通台的我，都係用返數碼通，而且身邊的貧友群都是同台，

無論係通話或短訊，都是比較有利嘛~~

一向以短訊較多的我，同台好緊要架，不過依家有 Facebook 手機版，無論同唔同台都可以在手機上傳字句，

只要有無限數據就話之佢啦~~~~何況今時今日，什麼都圖像化，短片化，無限數據差不多是必需的。

所以這個跟機計劃的月費，也是無限數據。

跟來一張細卡。

睇完卡~~~不如睇機丫~~~

開~~~~

Hello~~~~你好~~~

 iPhone 最痛~~~

 盒內所提供的物品不多，一眼見晒~~~~

奇怪~~~這是什麼東東 ?

啊~~~~原來係用來打開 Sim Card位的匙。

影完呢輯開箱相，是晚上的 7:17 ，歷史記載著呢一刻，我和她相處的時光好短。

大家有無覺得奇怪，全程我都無開過部機來影呢?

因為在我收到部機之後，還未影開箱照時，收到朋友通知，旺角先達正高價急收 iPhone 4，

傳說是有一位國內商人，豪花數百萬，以每部 $10000 接收 32GB  iphone 4，$ 9000元 接收 16GB  iphone 4

期限是呢兩日，消息立即由先達手機場，傳到整個香港手機網站。

下午在網上更出現呢段留言 ;

如果你係我，當然唔會理會佢啦，但我呢類咁無性格的人就唔同喇，轉下手就可以得到 $3000 利潤，我一定放售啦。

尊儼 ? 大拿拿 $3000  ，當然可以放低樽鹽啦。$3000夠我在牡丹樓食好好好好多個虛心樂園餐喇~~~

由於我影完開箱相，都接近晚上 7:30，早就過了對方所定出的時限。

於是我親身來到先達收機場 : 

原來經過幾個小時的高價收機後，很多店鋪都收夠機，我一連問幾間店鋪都唔再收 32GB版本了，

其中一間店員說 $9500呢個價，係下午 4:00的價位，現在個價跌得好急，

仲要用佢最差的演技扮打電話問價，扮完一輪野之後 ，

向我邊講邊按計算機，然後在計算機上按 $8700，說呢一刻只能出到呢個價。

咁我除了講聲唔該，仲可以同佢講乜呢?

我再多問幾間都係唔再收 32GB版本，幸好最後找到一家店鋪終於係收，

由於我無開過部機，連卡都無放過入去，自然無打過電話和發短訊，最後以$9000收我呢部機。

雖然唔可以用最高價位放出，收少了 $500，但都好滿意了。

多謝那位國內商人，唔知佢轉下手可以得到幾多利潤呢?下次有咁荀價，香港歡迎你 ^_^ 

得來的$3000，去 apple 網站補返差價 ( $2888 ) 再訂過部 32GB，有人補貼，玩遲D咁解遮，好開心架。

以下時間，只好等接近一個月後再會喇~~~~我相信今次真係可以用喇掛~~~

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。