遙控直升機     Parrot AR.Drone

發佈日期 : 2010年 9月9日     圖 / 文 : 巴斯   Model :  Phoenix

近期有朋友購入一款名為 Parrot AR.Drone  遙控四螺旋槳直升機。

呢款機，最吸引係用  iPod touch / iPhone 或 iPad 來作為搖控，

並且有視像鏡頭，畫面在 iPod touch / iPhone 或 iPad 屏幕上見到。

覺得幾有趣，所以借來玩下，今次找來 Phoenix，為大家做這件玩具的比例和操作時的Model。

眼前所見，就係遙控直升機包裝喇~~~~

透過 Phoenix身軀，可大約猜想到實物有多大部啊~~~~

把盒打開後，就係呢個樣子喇~~~~

圖中所見，就係呢部機的充電池，充電 90分鐘，就可以飛行約 15分鐘。

透過 Phoenix雙手，可大約猜想到實物大少。

充電池接上火牛充電後，就可以直接套上機身。

圖中所見，就是擺放電池位置，把蓋放上後，就可以去玩架喇~~~~

跟機有兩個機身款式替換，圖中所見的係第一款。

呢部機一共有兩個不同位置的鏡頭，一個位於機頭，一個位於機底，

機身前方的鏡頭，像素係 640 x 480。

透過影像串流在 iPod touch / iPhone 或 iPad 屏幕上播返出來。

機底除鏡頭外，還提供有超音波感應器，用來測量高度。

由於是只有 640 x 480像素的細鏡頭，透過影像串流在屏幕上播放出來的效果，

質素並不可以和數碼相機作比較，何況這個影像，並不可以 Save 下來作為Video檔記錄，純係觀察之用。

圖中大家也可見到屏幕上的操作桿，所有動作都是在這個介面上操作，

頂部有緊急鍵，一按部機就會停下來架喇~~~

呢部機，係首個以碳纖維、堅硬 PA66 塑膠所打做，

屬於無刷發動機的四螺旋槳直升機。

呢部機，室內及室外都可以用， Phoenix 圖中手持的狀態，是屬於室內狀態。

如果要戶外飛行的話，

可換上如圖的另一款機身，這機身設計，是針對減少風阻，確保直升機的高度機動性，所以適合戶外使用。

換機身好容易架喇~~~就咁就可以換到，無需任何工具。

機身就講完喇~~~係唔係可以開始玩呢~~~~

單是機身是不會飛上天，一定要有搖控，

 這機是透過 iPod touch / iPhone 或 iPad 來操作，

以上用家只需下載官方名為 Free Flight 的免費 apps 就可以成為這部機的搖控了。

 由於 Phoenix 並非呢方面高手，怕飛行時發生不必要意外，

所以還是把螺旋槳套上室內狀態來玩。

呢部機和搖控之間，係透過 Wi-Fi 無線網絡接通，但不要誤會和 路由器 router拉上任何關係，

玩的時候，只係需要呢部機和搖控(  iPod touch / iPhone 或 iPad ) 就可以，連網都唔需要上。

以下係 Phoenix 在現場玩呢部機的過程。

  VIDEO  

個人評價

呢部機在操作上要花少少時間去熟習她的操作方式，

喜歡入門級直升機的朋友可以一試呀~~如果官方可以把鏡頭所見到的畫面，容許錄影下來就會係一個好大的賣點喇~~~

講左咁耐，都唔記得講呢部機係身價 $2299港元。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。