Samsung UA55C9000
發佈日期 : 2010年 9月3日 圖 / 文 : 巴斯
只差 $20 就達 7 萬港元的 Samsung UA55C9000 電視，真係好想擁有呀，
不過咁名貴，我相信今生今世都無資格買得起，就算供都唔會供得起。
雖然買唔起，但我好想進一步了解下呢部電視，所以約了店鋪去實地試下部機，
比我攪下部機，影返幾張相留念，當自己買了，心想都係自欺欺人的一個好方法。
這日來到 IFC內的 AV Life店內參觀和試用。
C9000之所以咁吸引我，主要係她的畫質，搖控和前面的感應操作盤，而她的薄身，更比早前的舊型號更薄!!!!
雖然她的賣點係 3D ，但我真係對電視的 3D 一點都不感興趣，還有少少反感，所以呢部機的 3D效果唔關我樹~~
畫面的面積是 55" 16:9 ，播放訊源如果同樣是 16:9畫面，整個畫面就會給填到滿，
加上 Samsung 畫質取向是亮麗和Sharp，所以出來的效果真係好囉命~~~~~
鈦金屬外殼
UA55C9000 以超薄光滑鈦金屬打做的外殼，只有 7.98mm纖薄機身，夠晒線條又有美感，更加簡約又時尚。
連背面都一樣咁靚仔~~~~真係無野好講~~~~~
但係背面典解咁光滑啊，咁接線在那一個位置接上呢?
啊~~~~原來在底座的位置接上線材，我非常滿意呢個設計呢。
可能我自己擺放電視的背牆是一面鏡的關係，如果站在電視正面，
依然係可透過鏡的反映而見到電視背面，UA55C9000 的背面靚成咁，如果她入我門的話，平日都可以欣賞到她美麗的背部~~~
 |
 |
7.98mm即係幾厚先得架，講個數目字出來、鬼知實物幾厚咩?
透過實物的比較，你無需再埋會數目字了。
睇佢個身薄到呢~~~比起 iPhome4還要薄呢!!!!!!!!
 |
 |
透過手的比例，你可猜想到實物薄得幾咁緊要~~~~
掛牆款式
可能你又會問，咁薄的電視，比個底座佔據了厚度，咁是否可以改成掛牆款式呢?
答案係可以轉成掛牆款式，以下的短片就可以給你一個好詳盡的答案。
VIDEO
3D眼鏡
雖然我個人對 3D無興趣，但事實上全人類都要 3D ，UA55C9000 當然唔小得就係 3D眼鏡啦。
C9000 亦沿用三星3DTV採用的主動快門式 (Active Shutter type) 3D眼鏡，
支援1920 x 1080高解像度，相比傳統偏光眼鏡，有優勢好多呢~~~
一粒餅電，可連續睇 50個小時先需要換電。
智能輕觸式搖控
講到呢個搖控就真係巴閉喇~~~~屬於智能輕觸式屏幕，
搖控身上附有一個 3吋屏幕，呢個屏幕唔單只日常作為普通操作鍵，
還擁有Wi-Fi無線連接，即時與電視正播放途中的影像，同步收看同一畫面。
更可連接DLNA兼容的手提裝置，透過遙控器瀏覽操作裝置內的音樂、相片及影像等多媒體內容。
以下硬照可見到電視畫面上，與搖控身上的顯示器，同步播放相同畫面。
透過以下短片，可一目了然見到搖控與電視同步的過程，非常簡單的操作!!!!.GIF)
VIDEO
係咪好正呢，有時睇睇下電視，人有三急，就算要進行核爆投彈長時間作戰，又或者想行去廚房睇下煲湯煲成點，
都可以帶同搖控，離開電視機，一路行一路睇，去目的地依然睇緊，唔會錯過節目重要情節。
不過我自己就覺得每朝起身梳洗時有呢部搖控跟身，一邊梳洗，一邊睇晨早新聞會好開心囉~~~~
左圖是搖控正面樣子，右圖是搖控背面樣子。
 |
 |
你不會在搖控背面找到電芯位置，因為這個搖控是用USB充電，無需電芯呢~~~
左圖所見，就是搖控側面的USB充電接口，而右圖可見這個搖控，提供耳機接駁插口。
搖控本身是有喇叭發聲的，如果用家覺得有需要的話，可接上耳筒，咁樣搖控的喇叭就唔會出聲，自動改為耳機先有聲架喇，
而聲音大小，依然是在輕觸式屏幕上調校。
 |
 |
智能輕觸式屏幕，在不同的操作功能下，有不同的頁數更換顯示。
 |
 |
智能輕觸式屏幕內，可直接點畫面上而得到所需的操作。
無論是收看電視節目，或藍光碟時，都是在這個畫面上調校聲音大小。
 |
 |
 |
 |
感應器腳座
C9000 可以適合座檯式及掛牆式放，店鋪內所擺放的款式是座檯式，圖中所見的腳座，並不是一個普通的腳座。
圖中這個位置，附有感應器，用家只要如圖把手放近腳座的話，原本收藏在隱閉處的操作盤，就會伸展出來給用家手動操作，
當用家操作完，把手離開操作盤後，感應器知道後，就會自動把操作盤收起來。
 |
 |
 |
 |
以上的硬照是沒法表達到真實操作情況，以下片段會更容易見到實際操作。
VIDEO
個人評價
呢D咁型又咁高科技的電視，真係有驚喜，
以前只係日本一線機先會有，想唔到今日，居然由韓國奪位，日本牌子機今次真係響起了警鐘。
Samsung 電視，在今日的畫質上，實在取悅觀眾，而且他們的款式都做得非常之唔錯，
C9000 更加係攻佔了電視山頭，開始有領導地位，C9000 明顯係省招牌之作。
現在只欠他們的品質，由於還是新產品，是否耐用還需要一點時間去証實，
如果Samsung 能在品質上做好的話，再係咁落去，相信整個電視市場，都會落入 Samsung 上手!!!
睇過今次的示範和對這機有進一步了解後，如果我中了六合彩的話，
售價 7萬港元的這一部 C9000 ，一定是我換電視的首選。
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。