天凶之城

發佈日期 : 2010年 11月19日            圖 / 文 : 巴斯 

　宣傳所見 : 

科幻特技電影《天凶之城》是荷李活又一刀仔鋸大樹之作，

整套電影估計只用了 1000萬美元成本，拍攝 42天時間，攝影連後期電腦製作團隊更只得20人，

卻非誠意欠奉，只因幕後團隊相信有創意夠技巧，便可拍出扣人心弦的賣座作品。

預告片太清彩，好期待這套電影推出，

內容煲到咁大，見到當時人類科技，與現在差不多，但要面對咁大堆頭外星人來攻擊，好想知佢點埋尾。

很幸運，呢套電影無擾民的 3D 版本，咁就即係，可以在我好喜歡的圓方6號院欣賞呢套電影喇~~~

有少少擔心開頭要交代一大堆人物背景，擔心會有悶場出現。

這片一開始頭三秒鐘就立即講多串強光降落地球，當時真係好開心，以為自己的擔心係多餘，想唔到一開始就係戲肉，正!!!!

但原來只係得分幾兩分鐘，之後就............講講講，我明白劇情係要人物交代，所以我忍。

比返 92分鐘我!!!!!!!

點知...........成套戲九成時間都係在屋內走來走去，一係就上了天台，再唔係就由天台又走返落地下..........

大部份時間都淨得D怪聲，無見過外星人出現，播到一大半時間之後，先見到第一部外星人戰機出現，

出現無幾多個外星人畫面之後，又影返D人在該大廈走來走去。

悶到我呢........最終捱到去尾段，唉...............那堆外星人，全都係可以重生，

大佬呀!!!!!外星人與地球人實力強弱到咁樣景地，咁點睇呀!!!

ID4都話用電腦病毒入侵來埋尾丫，佢居然係無打算埋尾，真係講外星人圖殺地球人，

真係火都起埋!!!!!!垃圾片一套!!!!

電影業咪就係比呢類垃圾電影玩死囉!!!家庭影院冷感症，源頭咪就係呢D垃圾電影引起囉!!!

先唔計損失 $65票價，最重要就係人生有幾多個 92分鐘來浪費呢 ? 

我就白白浪費了人生寶貴的 92分鐘給這電影，現在更白痴到再多附出時間來鬧這套垃圾電影~~~ 　

不過散場時，聽到同場的路人甲乙丙同佢朋友講，期待下集的出現!!!!我當時聽到真係好唔開心，

點解一套咁垃圾的電影，居然會有人覺得無問題，咁.........好明顯有問題的人係我喇。

所以話呢，信我就一定死硬，信我的話，可能錯過了你一生中覺得最好看的電影也無不可。

對這電影有幻想的朋友，可先欣賞下一預告片先決定是否入場。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。