煞破天劫 精彩

發佈日期 : 2010年 11月17日            圖 / 文 : 巴斯 

丹素華盛頓 2009 年拍過套 騎劫列車123 截停地鐵，事隔一套 末世天書 之後，今次來截火車?得唔得架?

成套戲只係得架火車係咁標，又唔可以停得太早，太早停就無古仔講啦，

如果太遲開車的話，開頭肯定用好多時間來交代人物，咁就一定悶死人無命賠。

　起初睇完預告片，加上見到片長 98 分鐘，個心十五十六，是否入場睇呢?

不過我對丹素華盛頓信心，點都大過 布斯韋利士 ，

 上一套 騎劫列車123 我又覺得好好呀，唔睇又唔知係咪一樣咁好睇呢，死就死啦，一於入場睇下先。

由於我個人覺得呢套係緊張動作片，加上係火車高速奔跑，

期間又一定唔知撞到什麼東東，又一輪爆炸咁掛 ~~~~所以要搵間音效比較好的電影院來欣賞。

很幸運，呢套電影無那個擾民的 3D 版本，咁就即係，可以在我好喜歡的圓方6號院欣賞呢套電影喇~~~

唔...........習慣了這裡的震動椅，其他戲院的所謂超低音，真係把鬼喇~~~呢度係咪好好? 唔係。

但係座椅震動嘛，點都好過其他電影院丫，收貨架喇，

要勁就返屋企睇囉。

呢套電影係話真人真事改篇，入場時的要求就高一點了，希望滿意啦~~~

丹素華盛頓今次和星空奇遇記演隊長的 基斯派恩 Chris Pine 做對手戲，

兩位都演得尚算合格，反而劇情就好滿意喇。

無後侮用$65買票入場睇架，

丹素華盛頓 一向都係用劇情吸引我多，呢套動作場面都唔多架，但劇情緊張，近日如果大家無地方去的話，

呢套電影係幫大家解悶的好工具來呢~~~他日出碟的話，會再看多一次。

對這套電影有興趣的朋友，可先看看預告片先再作決定丫~~

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。