TRON: Legacy 創戰紀 3D

發佈日期 : 2010年 12月28日            圖 / 文 : 巴斯 

　我靚仔嗎?

睇我呢一身做型就知道我係去睇 TRON: Legacy 創戰紀 啦，

我問身邊的衰朋友點睇我呢一身打扮，他們居然叫 瘡疤記。我咁有型，被改個咁嘔心的名，太過份喇~~~  

我好憎你地呀!!!!!!!

$130 IMAX巨幕午夜場

我個人唔喜歡 3D，唔代表全人類討厭啊，

事實上見到 isquare IMAX 3D 淨開 12：10 午夜埸，票價 $130所有靚位都曝晒，你就可知普通市民係幾咁喜歡 3D了吧。

仲有半夜 3:00場添架!!!!!

但半夜三更點睇呀?由於冇得睇第一志願 IMAX 3D，只好轉看The One 百老匯。

話時話，呢間戲院的小食部，成為自Palace IFC及AMC Pacific Place後第三家可售賣酒精飲品，並給客人帶進場內飲用的電影院。

小食部居然仲有 意大利 Pizzia 叫，嘩~~~遲D有無打邊爐架 ? 

這家戲院票價$95，就可享有上身立體視覺效果，下身體感震動的雙重享受。

由九月中開始，戲院不再免費派發立體眼鏡。

入場前先發覺冇帶立體眼鏡來的話，唔緊要，可在埸加$6購買。

錢   一向係可解決大部份原本唔係問題的問題架嘛~~~

由於有備而來，所以無需多附$12買立體眼鏡，何況大拿拿 $12，一時之間都唔知去邊度籌得到。

不過下一次如果即慶睇3D電影的話，咁無咁好彩了。

雖然呢套電影係第二集，但由於我無睇過第一集，根本唔知第一集講乜，

有意圖及企圖先睇第一集先再入場，但上網查過當年 1982年的預告片，

嘩~~~~~~我見到個畫面就唔想睇了，真係趕客囉~~~~。

  VIDEO  

Tron 1982 Trailer

總結

聖誕期間，冇一套電影吸引我入埸，但陪朋友就只看了這套電影。

這套電影，片長 126分鐘 ( 超過 2小時 )，入埸前緊記先去洗手間，否則播放途中，一出一入，影響人家兩次。

3D頭暈症在一小時後出現，部份時間我冇載眼鏡休息一下，而眼鏡夾鼻就全程忍受著。

這套3D效果並不是長期處於高3D效果，只有幾個叫做有3D的強烈效果。

內容方面，始終覺得 2個多小時拖得太長，如果剪成 90分鐘會緊凑一點。

可能一直對這電影打定輸數，原來又冇想像中咁差。

不過又唔好誤會，唔會叫精彩囉，劇情一般啦，全片叫有兩埸大動作場面，可以在他日推出光碟時，作為炸機之用，

為配合劇情，當年靚仔，今日的老角 Jeff Bridges 大量美肌效果，

而今集第一男主角Garrett Hedlund 表現一般，而女角Olivia Wilde算係靚女一名，表現也是一般，但係我睇過佢咁多作品之中，最靚的做型。

以下是三位重要演員，曾經主演過那一套電影的資料 :

Jeff Bridges

Garrett Hedlund 

Olivia Wilde

如果對這套電影感興的話，可先看看以下官方預告片先，睇過之後再作打算。

  VIDEO  

Tron : Legacy - Official  Trailer 

完

百老匯 The One 介紹

這個在九月中全新落成的 百老匯 The One 戲院，這日終有機會來到尖沙咀 The One商場內欣賞電影了，

內有總數有六家迷你影院，分佈在 六樓、八樓和十樓。

如果你是攝影發燒友的話，一定會知道The One商場，前身正是東英大廈，因為行內很有名的天祥攝影器材公司，昔日正是在上址嘛~~

如乘座地鐵的話，可在尖沙咀站 B1 出口上地面步行最近。

拖拉互動地圖

如果你唔清楚商場位置，

可用滑鼠參閱以下的拖拉圖，了解附近的環境。

用滑鼠按實圖片後，再上下左右拖拉圖片，就可以360度球形觀察到附近環境。

這裡交通很方便，除了地鐵可到之外，還有多個來自不同路線的巴士分站，也在街口附近。

The One一來是新商場有新鮮感，二來裝修得很美，不過時裝店都是集中在  I.T 這個品牌的分銷店為主。

商場內無論是室內和室外的燈光都很足夠，整體是舒適的感覺，比附近的 iSquare 和K11商場來講，氣氛好好多。

戲院大堂雖然是分三層，而人手售票處位於六樓。

以電影院來講，The One 百老匯小食部，是香港罕有酒牌的電影院小食部。

她成為自Palace IFC及AMC Pacific Place後第三家可售賣的酒精飲品，並給客人帶進場內飲用。

所以會見到這個小食部有大量酒樽作為裝飾，目的就是給消費者見到，飲品除了氣水外，還可以有酒精飲品作為選擇。

震動椅

這裡的座椅，是自圓方電影院後，有提供震動椅的電影院。

留意圖中所現，電影院內並不是清一色震動椅，而是一半屬於震動，另一半是普通座椅，

呢種設計，是給觀眾多一個選擇權，留意是兩者票價相同，值得一讚，而我當然是會選震動椅吧。

圖中黃色邊的就是代表屬於震動椅。

由這個角度可見，座位斜度滿意，萬一碰到前面油炸鬼情侶都阻不到自己。

不過始終是迷你影院，銀幕不是很大，所以買票時就要買得近一點了。

華麗小壁燈，使到這裡多一分貴氣。

前後行之間的通道比較寬敞，腳短的人還可以伸展雙腳的啊~~更有可能離地添架。

雖然買票時有清楚顯示那一個座位是屬於震動椅，

但來到實地的話，用肉眼是無法分得出兩者的分別，而座椅也舒適。

我很喜歡這裡的整體感覺，相信未來的日子，我會盡量不去旺角或其他區的舊戲院看電影了。

何況這裡有多一個震動椅的電影院給我選擇。

The One 同樣是擁有免費的 apps 給大家用，內裡也一些小小優惠可以找到，出發前可以看看。

如果覺得價錢唔夠大眾化，唔緊要，後面街就是加連威老道，平價衫，地道食市多得很。

無論買衫定係食飯，一定有地方適合你。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。