妳.......
發佈日期 : 2011年 1月13日
aa2.gif){kind=small}
無意之中在家中天台廢墟找到她，這部曾經是 Sony 旗艦，在我心目中最好，又最愛的 DVD 機。
當我發現她時，她不再轉動了，那一刻我很不開心，不知何解，心裡就響起了這一首歌來 ....
請點擊以下播放器收聽
歌詞係咁樣寫的............
眼淚在心裡流 此際 怎麼開口?
前事在心裡飄浮 情意 令人太難受
眼淚在心裡流 請你開一開口
隨便一聲或隨便一句 算是問候朋友
離別你 自離別你 心痛苦比處死更難受 靈魂已失
心彷彿死去 心死問誰可救
我不開心並不是她壞了咁簡單，而係回望返當日係幾咁喜歡佢，
我回想返，當日係幾咁投入影音器材世界，
我回想返，當時分別在旺角和自住的屋苑，都有影視會席，作為租碟之用，我回想很多很多當時畫面.........。
正如上述歌詞一樣，眼淚在心裡流........
珍惜?
當我發現她時，她的轉盤不會轉動，
我好肯定，只要我拿去沙田樂聞維修有限公司，一定修好，
我心雖然不開心，但並不代表我會去把她修好，因為我知道就算修好，都係唔會再用。
當日由於我太珍惜她，在她還有二手價值時，我一次又一次錯過出售機會，
日子一日一日的過，不斷更換器材的期間，有無一刻打算用佢呢?
答案係~~~無!!!!!無一刻打算用佢，放埋一邊，就係放埋一邊，
一放就.......咁多年了，其實佢今日能通到電都係一個奇蹟了。
同器材談戀愛?
唔好同器材談戀愛，是千載不變的事實， 但我偏偏就是感情用事，我咁樣叫珍惜器材嗎?
唔係，我係虐待佢，把她獨單的關在黑房裡，
任由她回想自己曾經在主人心目中光輝的日子，回想著昔日主人在店鋪接她回家的畫面，幻想主人有一天再用上她。
可惜是...日子一天一天的過，直到主人發現她時，她早成為一件廢鐵。
如果當日把她出售，最起碼，都有一位新主人愛惜她，使她再發光發熱下去...........
Hi Vi125期中文版有詳細介紹這部當時頂級DVD機皇，當中也有一則廣告可以得到重溫。
 |
 |
 |
 |
區碼
當年DVD機，區碼執行得好緊，加上是新科技，一部 2區機，正路並不可能變成全區碼出售的。
但有高手就可以做到，而 S7000 更是當中唯一可改到給用家自己啪掣轉區，
所以一部 S7000啪掣版，高峰期就曾經被炒到接近成萬銀一部。
我並唔係第一批玩 DVD的用家，S7000啪掣版，我係後來先知道，所以我手上這機，只是日本 2區改機版本。
這是 DVP-S7000 的開關鍵。
S7000 平日備用狀態時，係紅燈，當開機狀態，就會係變成綠燈。
 |
 |
S7000的樣子，對當時的我來講，係一個非常非常之靚仔又型的設計，
她的面版可以下滑，並且放入光碟後，並不一定要強制關上面版的。
 |
 |
 |
 |
DVD CD VCD都得，不過我一直以來，都無試過放VCD入去，究竟播唔播到VCD都唔知道。
CD方面，更被大眾評為最佳轉盤，我當然是用增線器配合使用了吧。
這機最吸引人之處，是其雙光頭設計，影像和CD光頭是獨立的。
 |
 |
她的搖控由於好大個，用得好唔方便，但係靚仔到不得了。
 |
 |
由於呢部機是2區日本版機，所以其搖控上，都是日文。
 |
 |
雖然機背可見到有色差輸出，但並不是代表後期有增線功能的色差接口。
她只是一個普通色差的輸出吧。
用了保護膠來保護鍍金端子不被氧化，咁又點呢?
咪又係壞了，其實手上有幾多器材係真係用壞丫，咪又係每一件都係自己唔要佢，耐用又如何? 發燒友喎∼∼∼
 |
 |
這是 S7000的背面樣子。
字幕機
如果你都是一位 S7000 用家的話，圖中這個孔，你的機未必有。
那個年代的DVD碟，都是以 1區為主，由於區碼不一樣的關係， 1區碟是不可能內置有中文字幕。
於是DVD字幕機就面世了，但很多時字幕都追得唔準，非常困擾。
後來有部奇辰牌字幕機，可解決有關問題，但代價是要改裝 DVD機，
完成後就可利用DATA線，連接字幕機和DVD機一起運作。
再每次用約 $45買入該套DVD專用字幕，就可以欣賞到有中文字幕的內容了。
畫質 ? 一定有少少影響啦，但唔識英文，可以點丫~~~
不過
無錯，一定又係有不過的時間出現啦~~~
店員又好雜誌又好，都話有方法架，就係買兩條千千聲的S端子線接駁，咁就可以減少衰減的訊號喇，柜面比錢啦傻仔。
改 DVD 機，買字幕機，以後每套DVD買對應的字幕盒，店鋪發過豬頭呢~~
 |
 |
圖中所見，S7000機上的，正是該部奇辰牌字幕機，她不但可接上DVD字幕盒，同時也兼容LD字幕盒。
 |
 |
圖中可見，同時兼容LD和DVD字幕盒。
由於佢兼容LD字幕盒，咁舊有的LD專用中文字幕機，又唔要喇，咪又放在一邊無用啦~~~咁就多件垃圾架喇~~~
DVD字幕盒 ，每套 $45 ，同吸毒係無任何分別架~~~~
 |
 |
 |
 |
變壓
2區機自然是 100 V啦，與香港電壓不一樣，所以要變壓牛，聽其他道友講，唔好買大陸平價野，要買有質素的變壓牛，
邊隻好? 道友話海韻的$600- $800英國環牛囉。老闆，唔該比........
拿....發燒友D錢，就係咁容易得到架喇~~~~
 |
 |
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。