溝通

發佈日期 : 2011年 2月24日            

　呢張貼紙，反映人與人之間溝通互不信任，以前的人比較單純，唔會傷害對方，現代人，什麼都要追究責任。

有次見酒樓點心亞姐推點心車經過，

客人問 : 有叉燒餐飽嗎?

亞姐答: 無啊，波蘿叉燒飽好嗎? ( 笑容滿面再說 ) 好食架，脆皮香口，好多客試過都喜歡。

客人回應 : 唔好食，係咪你負責先?

亞姐立即收回笑容，她似乎知道錯了，今後只做份內事就夠，

下次答一個字 "無" ，不必要的個人意見，還是留下來自己享用吧。

從始世上又少了一個熱心人仕了。

這貼紙的警告字眼，明眼人一睇就知道，第一身要保護的並不是顧客，而係佢自己。

如果我是老闆，還會加上 : 

連接電源線至這接頭者，必需有認可合法電工牌，

否則可導致人身受傷或財產受損失，害己害人。

不過........一個擁有合法電工牌的人，又會否在香港為你接上這個禁品呢?

其實我並唔適合在這個世界生存，尤其面對這年頭的陌生人，我更加驚。

每次我寫入耳式耳機的時候，最尾都會順手寫埋以下字句 :

隔音耳機在街上用危險 ? 當然非常危險啦，其實在街上都應該唔好帶手機，

就算帶的話，當手機在街上響的時候，連望來電顯示都唔好望，

而且一邊要少心避過由天空跌下來的漒水樽，但另一邊又要小心騎樓底會整幅倒下。

直到步行到室內安全的環境下，先好看未接來電號碼嘛，

在街上聽手機都咁危險，何況用耳機聽歌呢? 係咪? 

所以我相信無人會在街上聽歌咁危險吧，不過我就會喇。

你覺得我係講真心說話嗎? 答案係否定，但我必需要咁寫，否則第一個受傷害的並不是別人，而是自己。

原來呢個年代，陌生人之間，係要咁樣溝通的。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。