我愛香港開心萬歲

發佈日期 : 2011年 2月3日     

去年農曆新年賀歲 72家租客 的表現非常滿意，片中有多段我好喜歡的笑位，

尤其美女賣手機，印像最深刻，這隻藍光碟，至今依然在我家中作為珍藏，

這碟今年必定是親友來拜年時，配合薄屏電視作為自動播放佈景板，無需依靠電視台播的悶片。

當然自己都襯著過年氣氛重溫一下吧。

今年以公共屋村做主題，加上睇完預告片後，成為心目中個人賀歲片第一志願入場支持電影。

這片抱著一定程度希望入場，問心講，上一套好睇好多，但呢套電影勝在人多，呢個講一陣，那個講一堆，

在分散投資下，總有一兩個會喜歡的，全片最好笑係吳君如和黎耀祥的一段替身戲，真係好好笑。

其實自周星馳處死周星馳後，好耐無試過咁好笑了，但全套戲只係呢一段對我來講最好笑，

其他段落，我最多只有會心微笑。

全片最差的莫過於非凡哥出現的那條橋，真係好差，我一邊看一邊搖頭。

另外詹瑞文的出現，我以為是會帶來高潮笑位，但可惜沒有呢。

不過作為賀歲片，還是一看無彷，留意只係一看無彷，並不是必看。

唉......我最有信心的這一套 我愛香港開心萬歲，都只係個人標準之下，其他賀歲片豈不是在我眼中會是鬧劇?

究竟我是否應該入場支持其他賀歲片呢?..........唔還是睇定D先喇~~~

無論我個人評價係點，過年睇賀歲片是有必要的，如果你唔係預售的話........你覺得會臨時買到票嗎?

以下是年初一幾間不同電影院的我愛香港開心萬歲售票實況。

入場時，在戲院職員手上得到下圖所見宣傳品作為紀念，

未知是否全港每一家影院都有得送呢?

免費獲得一套四款的揮春，這是唯一的一款橫度。

另外三款的樣子是如下所見直度。

如果對這套電影感興趣，可先看看以下官方預告片先，睇過之後再作打算。

  VIDEO  

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。