失控癲價CD

發佈日期 : 2011年 3月8日            

　CAS一日比一日多人參與，唔係擁有早期一定數量CD碟的朋友，都因為家中藏碟量唔多，

要四出去二手店購買返來啜碟，一些好聽又好音質CD碟，一來可以買返個回憶，二來可享受一下靚錄音，

更開心就是昔日的歌詞填得實在太好，加上那接近完美的旋律，有時真係聽到眼濕濕架。

家中有好硬件，如果無好軟件配合播放，都只不過係一件廢物。

早前國內不小收買佬來香港，把大量有珍藏價值的二手CD碟，一批又一批咁掘返大陸，

而且一去無回頭，永遠不會再出現香港二手市場，香港呢個二手碟寶藏，所淨返的好野真係唔多，

那些頭版鄧麗君、羅文、關正傑、梅艷芳..........想在飾柜望下都難，仲講買?

CAS的興起，使到呢個情況更惡化，由於近日越來越多人加入搶購，二手店所出售的所謂頭版CD價錢，

如銀圈、 1A1、M1、TO ( 東芝版 )、三洋版、日本版、西德版、天龍版、T113韓國版...........

總之有個賣點的話，都可以去到癲價，而且仲日日升緊。

呢個唔係價錢來架下嘛 ? 型號來炸掛~~~　

$1280 ? 你比我呀~~~~

無野下嘛? 我以為樓上果張 $1280 好貴啦，點不知講 煞那光輝 唔代表永恆 果條友仲貴多 $700 添~~~~開價 $1980呀~~~

不過點勁都唔夠關正傑利害，癲到 $4000 找返廿蚊 ?

我真係網底蛙喇~~~~

你唔好以為我係鬧呢間店鋪播，香港係自由市場，CD鋪無人屈客買，明碼實價，無任何問題。

茶餐廳$14杯絲襪奶茶，大酒店可以用茶包沖奶茶，貴10倍收 $140再加埋一都仲得，事實真係無人用槍指著來強迫幫襯。

何況近期賣到癲價的二手店多的是，只不過那些癲價碟都放在收銀處，老闆睇住，我唔夠膽影相咁解。

呢間鋪的靚仔老闆好好人，而且好有禮貌，行家都亂標價，佢無奶油唔係咁做丫。

不過我真係唔信會有人用呢個價去接貨囉。

所謂乜版物版，大家玩了咁耐CD碟，唔多唔少，最低限度都擁有幾隻掛，

呢D版本，你親耳用自己熟識的器材聽過架啦，唔該你話比我知值唔值咁多錢丫?

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。