iPad 2面世喇~~~

發佈日期 : 2011年 3月3日            

萬眾期待的 iPad 2 終於和大家見面了。

唔好聽我講廢話~~~~睇片先，好精彩!!!!

  VIDEO  

當我們昨晚還在熟睡中，apple教主在美國現身介紹 iPad 2 的出場，而 apple官方網頁第一時間配合，貼出 iPad 2面世的詳盡資料。

文字硬照還有短片，實在利害，好開心呀~~~

透過以上的硬照，你可見到是 3月11日( 星期五 )於美國正式發售。

第二批會在3月26日在歐洲和日本地區發售，香港未有聲氣，唉......無奈........

今次 iPad2 的售價由 $499美元起，即係我們的貨幣幾錢 ? ............我唔知呀，唯有搵佢幫下手啦~~~

　 意倚~~~曾俊華比我果$6000 咪夠買囉 ，找返錢仲夠食粟米班腩飯，多謝晒呀!!!!!! 

不過話時話，我食虛心樂園餐比較多，我真係唔知粟米班腩飯幾錢呀。^_^

黑白兩色選擇

今次推出黑白兩色選擇...........啊~~有白色?

咁即係解決了早前白色 iPhone 4難產的透色問題了!!!!!!咁是否容後推出白色版本的 iPhone 4呢?

直到剛剛我起床，美國 apple 官網都無提到有白色 iPhone 4的出現。

講返 iPad2，屏幕依然是 9.7 " ，之前傳聞又話大又話細，又話解像度會好高，仲話用和 iPhone 4一樣的 Retina ( 視網膜 )顯示屏。

且~~~~根本就唔係用 Retina ( 視網膜 )顯示屏，解像度依然是1024X768不變，D人亂咁車∼∼∼∼

早前傳說話會有USB接口，結果現在証實係流料~~~~激死人 。

而側身的聲音鍵，加了獨立的靜音鍵，太好了!!!!

前後置鏡頭

二代擁有前後置鏡頭，可以影相拍短片就唔在講啦，仲可以用來玩 FaceTime ，係父母和小朋友的最佳通訊器材。

下圖為iPad2前後鏡頭不同之處 ( 與 Touch 格式差不多 )

雙核心A5處理器

圖中可見，雙核心A5處理器的出現，A4處理器立即Out左了!!!!!!

比起舊款提昇 9倍效能，雖然處理運算效率高了，但電池用量依然可用 10個小時~~~~

二代比一代輕，而且更纖薄。

厚度由原本的13.4mm減少到 8.8mm ，比 iPhone 4更薄，而重量方面，由1.5磅減少到1.3磅。

囉命保護套

首先睇左呢段片了解保護套有幾囉命~~~

  VIDEO  

apple主打呢一款名為 Smart Cover的保護套

留意呢一款保護套和 ipad 2機身連接處，是用磁力方式來固定，我當然無見過實物，

不過大家一定會擔心不小心出脫落而遺失的問題，不過我相信無我想像中咁化學掛，

因為咁大間公司，一定有好多專業入仕測試過先推出，到時見到實物再評論都唔遲。

留意呢款保護套，唔係單單用來保護個屏幕咁簡單，

用家掀開保護蓋時，螢幕會自行開啟，如果蓋著屏幕的話，螢幕會自動進入休眠狀態，

啊~~~~以後開機唔需再拖那條Bar或者開機鍵，太腐敗了吧~~~

我就是死在這個保護套手裡喇~~

呢款機套一共有10個不同顏色選擇。

無見過實物，一時之間都唔知道邊個好睇，A~~你呢，你選邊一個色呀~~~我初步對淺綠色有興趣。

跟機送? 

請勿性幻想，要錢買的，無可能送啦，有兩個價錢架播，因為有唔同物料選擇，

聚酯物料為 $39 美元 ( 即約港幣 $304 )和皮革物料為 $69 美元 ( 即約港幣 $537 )，好好好好好名貴啊~~~~~

咁摺起又真係幾型仔，呢個保護套和我一直用開的原廠套有好大分別，

因為舊款套是把整部機包著，她原色係睇唔到，所以機身是什麼顏色，無所謂。

但呢款新套就唔係咁講喇，因為佢最主要係保護個屏幕，

機身係不在保護範圍，所以部機係乜色就會見得清清楚楚，而且舊機套唔可以好似新套咁輕鬆直立部 iPad。

用了咁耐黑色機身 ( 雖然長期被機套包著 )，係時候轉白色玩下喇~~~~

你呢?你打算買什麼顏色呢?

 Face Time

你睇下，用咁大個顯示器來玩 Face Time幾開心!!!!

正如介紹所講，老人家和小朋友，一定好喜歡這個功能。

跟機搞鬼 Photo Booth 

今次跟機內置有多呢一個名為 Photo Booth 的搞鬼apps，係把鏡頭拍出來的影像同步分成九格，

而且仲會把人樣，以哈哈鏡方式惡搞，比小朋友玩，一定笑到流口水呀。

免費的跟機 apps 還有以下這一堆，想得到更多免費 apps，當然就係自己搞啦~~~

 iMovie for iPad 

由於 iPad 2有鏡頭關係，拍完片唔需要倒落電腦，唔好再倒來倒去喇。

Apple會為 iPad2推出 iMovie for iPad 呢個收費 apps，

用佢來把拍好短片在這個 9.7"顯示屏上拖拉剪輯會好開心囉。

嘩~~~~你睇你睇~~~~拍完D片，就地正法，Upload完上Facebook或Youtube，未返到屋企，就接受萬人讚好喇~~~

Camera Connection Kit 

早前有個傻仔，聽傳說第二代 iPad 會有USB接口，佢居然第一時間把套 Camera Connection Kit 二手賤賣，

哈~~~~依家見到第二代依然係用個 30 Pin來接 Camera Connection Kit ，真係喊到收唔到聲，

個傻仔係邊個? 咪就係寫呢篇文章個條傻仔囉~~~~

AV Adapter

強項仲有呢D功能架播~~~不過對我個人來講，

唔係咁用得上，不過到時推出再算啦！話晒都係HDMI輸出嘛~~~

美國售價

iPad 2 有三個容量給用家選擇購買，分別是下圖表所見。

仲有埋美國本土的3G上台價目表添~~~似乎在美國本土，3G+Wi-Fi版是要被綑縛呢~~~

　IOS 4.3不日推出

大家還記得早前推出的 IOS 4.3 Beta 版嗎? 內裡提供了一項超好用的 Wi-Fi 熱點功能，

就是容許 iPhone內的 3G上網功能，分享給 iPad 共享，而 iPad 又可以對應到利用作為上網之用。

對於同時擁有 iPhone和 iPad 的用家來講，方便得來又節省金錢。

在 apple官方網頁這日都顯示，提醒大家 IOS 4.3不日推出的消息。

既言iPad可以借用 iPhone所分享出來的網絡，咁即係 iPad可以周街上到網，因此，3G版的 iPad對我來講，是不必要的。

所以我打算向淨 Wi-Fi版埋手。

美國購入

如果打算找美國親友幫你買的話，千萬不要以為用上述官方所提供的銀碼就可以買到，

美國是有消費稅的，每區稅率不同，以L.A.為例，稅率 10% ， 

假設打算購入價值 $4668的32GB Wi-Fi版本，就要附出約港幣 $467 稅款。

而且iPad呢類電子產品，是要額外再收取約港幣$90的環保費，

之後就係運費，無理由座船來香港掛，以 fedex為例，iPad重約 1.3磅，

加埋個盒，附件呀咁，計佢大約 2磅，4 日時間速遞費大約  ( 港幣 $700 )，加加埋都係一條數來架。

個人幻想

舊機只有 256MB Ram，利用 Camera Connection Kit來Load大量相片，

又或者去一些圖像較多的網站時，都會因為不夠Ram而跳走。

由於第二代新機可以容許用來剪 720高清片，加上要運算其他高流量 apps，

所以第二代內置512MB RAM ，足足多舊機一倍。

另外，由於現時所用的 IOS 4.2.1是提供繁體而且有繁體輸入法在內，

所以我不擔心購入美國頭一批貨IOS 4.3會不對應繁體和手寫輸入繁體。

反而我擔心自己無乜可能會買到第一批貨就真呢~~~唯有發夢啦~~~

放血價

雖然我係發夢，但香港 apple官方網頁暫時無得賣 iPad 2，係鐵一般的事實，咁佢又唔會乜都唔做播，

即時放血大行動，把 iPad一代售價調低，入場費由 $2988起 ( 原價 $3888起 )，

呢個動作，第一代 iPad二手價，即時又有新的指標了。

如果昨天買了 iPad的朋友..................噢 Sorry 早買早享受，遲買平幾舊 呢句安尉說話都幫唔到你喇~~~

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。