無聊5D

發佈日期 : 2011年 4月7日            

　昨晚有些交收要在利安家中進行，所以又有機會見面，他強調今次可以欣賞到 5D 效果，聽落有趣味，可以一試。

得知最近利安對膽機著迷，搞到一屋都係膽，而聽歌時間也比過住多，實地可見，果然係好多膽，睇都睇得出係高燒中。

不過家庭影院就唔會用膽機來推啦。

潮流興 CAS ，利安也是其中一份子，WAV檔歌曲是他硬碟上訊源收藏品。

座下來先聽聽音樂熱身一下，但...........播蔡琴就......有點悶。

啊~~~~~寶庫睇到我流口水 ing..............

平日利安就是在這裡切換硬碟架喇，所有珍藏都是透過這裡播放出來。

早前利安擺放了Sony VW- 60出來欣賞，誰不知短時間內，就出售到二手市場，接下來他又打算放售手上的 Sony VW-50，

唔知幾時有水魚...........咳咳咳......Sorry Sorry .........口快快講錯，唔知幾時有買家睇中呢部 VW-50呢? ^_^

不過今日主角無奶油係VW-50，而係 Optoma  GT 720 3D投影機吧。

啊~~~~好多3D檔呀，但找不到3D肉圃團呢~~~~ ^_^ 

呢個時間當然係取出 3D眼鏡來欣賞 3D 畫面啦，

雖然我真係唔適合睇 3D 畫面，但利安播放了一些日本3D電視節目給我看，

一來唔係外面普通可見到的內容，加上內容都算係吸引，都滿意架。

再三一提這部投影機只是 720P解像度，不過唔講真係唔知，仲以為係1080架。

我明白，今時今日一定係買1080 3D投影機啦，又唔係貴。

以 JVC X9 為例，行貨只不過係港幣 $9萬有找，想再經濟少少的話，可選 Sony VPL-VW90ES，行貨都只不過係 $ 7萬多港元，

淨係聽到個價位都開心死啦，相比起 $8千多港元的呢部 Optoma GT 720，只係得 720P。

何況呢個世界上，錢笨唔係問題，無謂作殘自己睇720P丫係咪。

誠意推介各位買 X9 或 VW90  ，如果我自用的話，必選 Optoma GT 720。

5D影院

呢套組合，唔只係3D咁簡單，更唔係 4D，被利安形容為 5D 影院，

原來係 3D 加 2D ............. 且~~~~~~~利安呢個Gap好爛呀，完全接唔到囉~~~

留意圖中右手邊有盒幻視 3D 眼鏡啊~~~明明早買了兩幅原廠的 3D 眼鏡，點解仲有多一盒 3D 眼鏡呢?

等我囉來睇睇先，唔...........個盒印到好靚咁播，包裝都唔錯。

據利安所講，係在淘寶網買的。

原廠 3D眼鏡唔摺得，但係呢款就唔單只可以摺得埋，

仲可以透過 USB充電，加上售價只係 $400人民幣 ( 原廠市值約 $1000港幣 ) ，平咁多，唔怪得會訂購返來啦。

嘿~~~~~訂到返來先知道山寨即係山寨，講到天花龍鳳，又話乜又話物。

使用時，成個畫面灰晒，無黑位可言，$400人民幣化為烏有..........正所謂財到光棍手。

TK Chan終身受用金句 : 

平野無好，好野唔平，越平越唔靚，越靚越唔平。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。