長假必看 : 倩女幽魂 2011

發佈日期 : 2011年 4月24日            

　4月28日正式上畫的倩女幽魂 2011，在這個復活節期間，

於某一些電影院作有限度上演每日一場，反應都唔錯架，臨開場先打算買票的話當然無運行啦。

可能是試反應，就算圓方電影院，都唔會提供到 6號院上畫，只係安排比較細的 11號院上映。

劇情方面與昔日距離好大，而我都無打算佢會照足版本來拍攝，事實上我好喜歡今次呢個版本，

在 96分鐘電影內容埋面，我無一刻覺得悶。

所有演員我都好滿意，演姥姥的惠英紅，無論做型和演技，都是比昔日的姥姥為好。

樊少皇更不在話下，入鏡後完全說服到我相信他好打得，就連演搞笑角色的徐錦江我都相當滿意。

而靚到成個仙女咁的劉亦菲，演聶小倩更加係滿意到極點，單係望住佢都滿足喇~~~

前幾日在今日VIP節目內見到時裝打扮的她，靚得死去活來。

我一直以為古天樂是演哥哥的角色，點知原來係演燕赤霞，但他的演出一樣使我感到滿意。

哥哥寧采臣深入民心的做型，今次由在新少林寺見過的演員余少群今次來演，真係好難投入呀。

唯一無法接受是...............他。

呢套片唔多唔小都加入不少CG，雖然唔可以同荷里活相比，但都唔係太失禮架，我滿意架播。

整體都滿意呢套戲，將來推出光碟的話，一定睇多次。

誠意推介我自邊的朋友在呢個長假期睇呢套片。如果你對這套電影感興趣的話，可收看預告片再決定是否入場觀看丫。

  VIDEO  

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。