Toshiba 55X1000H LED REGZA 

發佈日期 : 2011年 4 月12日            

　55吋薄屏電視在市場上的價位都唔係優惠，Toshiba最新推出的LED REGZA 55X1000H，更叫價$ 52990港元。

賣咁貴，首先係用上 3072枚LED動態背光燈，分為 512個區域，

每個區域的LED背光亮度，都能微調，9,000,000:1動態對比度是她賣點之一。

ClearScan 400技術可把50格影像信號以4倍的每秒 200格方式重現，大大減少殘影的問題。

最後一個賣點係屏幕 1000cd/m2 光亮度，有人話樓上鋪有計傾，唔知呢間有無得傾呢 ? ^_^

　 雖然部機側邊無 Card Reader，但有 2組 USB 接口，基於八掛心態之下，

透過我帶來的 Card Reader ，直接讀取卡上，較早前用單鏡反光機所拍攝到的原相。

首先會出現右圖所見的縮圖目錄表，由於每張圖片容量較大，需要一點耐性先可以Load齊圖中所見的縮圖表。

播放方式當然可以用手動一張一張，或以幻燈片方式播放。

　嘩~~~~55"畫面之下的原圖，強烈陽光感，色彩奪目，靚到不得了，其他售貨員雖然平日都見慣呢個 55"畫面，

但平日只係睇電視或藍光碟，來自單鏡反光機原圖片，還是第一次見。

大家都拿 SoSo 真人和 55" 電視作比較，搞到 SoSo唔知應該開心定尷尬。^_^

　跟機來有一幅 3D 眼鏡，用圖中這個彩盒存放。

　打開彩盒之後，就出現一個無印紙盒，內裡存放著一些配件。

包括圖中這個巨大保護膠盒，存放著3D眼鏡一幅。

　這幅 3D眼鏡能源來自眼鏡側邊褸形電芯，用跟機來的這個迷你鏍絲鈚，就可以打開蓋去換電芯。　

而這幅眼鏡，是可摺起來方便收藏，在眼鏡底部位置，可見到這幅眼鏡的電源開關。

鼻樑是固定，沒有像 JVC 的3D眼鏡提供 3個不同Size去替換。

跟來還附上抹鏡布一條。

　哈~~~~還有可自行後加的銀鏡繩呢~~~~

　不如戴上臉，試一試好唔好款丫~~~~

款式還可以吧，但依然都是那一句，不像JVC有三款鼻樑大小款式替換咁貼心吧。　

　還附上玉女心經和搖控一個。

　好啦，正式用呢幅 3D 眼鏡去睇下先~~~~~當然係播放 3D 亞凡達啦，話時話真係倒米，

居然用 Panasonic 3D碟贈品來試 Toshiba 3D電視機  ^_^ 

　原來 SoSo是第一次看 3D電視呀~~~~佢話好得意。

而我自己就覺得3D效果滿意啦，話晒呢隻都係靚碟嘛~~~

　圖中所見是呢部機的菜單設定。

2D轉3D功能當然有啦，無先出奇丫~~~

　圖中所見係呢部機所提供的節目表介面。

　店員真係唔話得，好落力咁搬了部電視下來給大家見一見背面係點，真係大工程。

心水清的朋友一定留意到，圖中少了跟機來安裝在電視機下面的喇叭，

無錯，大家無法見到該隻喇叭，因為他們未有空去把這隻喇叭安裝上去。

圖中所見，就係接駁喇叭的位置接口。

官方圖就可見到該隻喇叭呢~~~

就咁擺放在椅上，唔知真實比例，勞煩 So So埋去做一做比例，可大約猜想到實物大小，55"真係幾巨架。

跟機來有一個原廠腳座，如果用家唔打算用，可選擇另行安裝到牆身上，但要額外比幾百元安裝連背架費。

呢部 55"厚 50mm，你睇個腳座幾阻位，可以的話，都係裝到牆身上開心D喇~~~~

　難得見到背面，可進一步了解接線位置佈局係點樣。

原來接位係以圖中所見 Y 型分兩個組別擺放。

　透過以下圖片可以進一步了解各個接位的樣子。

華仁影音地址 : 

九龍旺角西洋菜街 51號友誠商業中心10樓全層

電話：2787 7992 或  2787 7993

九龍旺角花園街75 -77號花園商業大廈4字樓 401- 402室

電話：2398 3022


營業時間：11:30am - 9:30pm

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。