たこ焼道場 蝦餅墨魚丸
發佈日期 : 2008年 11月28日
|
|
|
來到呢條街，一定要幫襯最最最最最出名食燒墨魚丸的 たこ焼道場，呢間鋪營業時間，由早上11:00-晚上10:00，年終無休。
佢由昭和36年就創業到今日架喇，真係好長時間，成功唔簡單架。
呢度每日都大排長龍，最少都要輪候 10-15分鐘架喇，點解咁出名? 一定係好好味吧。
如果你以為呢度的燒墨魚丸，就咁篤比你食，就大錯特錯喇~~
|
|
|
就咁睇呢個畫面，與香港店鋪做法無什麼大分別。
見到上圖右下角的價錢牌嗎?
400日元 ( 以8算為換算單位約港幣 $32 ) 8個。
550日元 ( 以8算為換算單位約港幣 $44 ) 12個。
650日元 ( 以8算為換算單位約港幣 $52 ) 15個。
850日元 ( 以8算為換算單位約港幣 $68 ) 20個。
|
|
|
但係交到客人手上的時候，就笨唔係就咁比個紙兜裝著墨魚丸，而係用蝦餅來夾著墨魚丸一起食。
呢個蝦餅你見慣架， 平日在香港見到呢個蝦餅都食到停唔到口啦，
今次來到日本，仲要係用來包住新鮮出爐，又香又暖的墨魚丸，在深秋的晚上食，真係人都癲。
唔知大家平日食呢個蝦餅時，係咪好喜歡放在口，由得佢黏著口呢?幾好玩架 ^_^。
Vivica為方便拍攝和進食，所以把佢對摺一下，就變成這個樣子了。
|
|
|
而內裡就係咁架喇，內有被Vivica鑑生壓偏的墨魚丸<<<<<( 好可鄰啊 )，
還有半溶當中的芝士，最後當然最唔少得的係那個醬汁啦~~~
|
|
|
你試想像一下，一口咬落去的那個煙韌口感真係好囉命~~
提意不要一人一份，事關呢條街仲有其他美食可要試，買一份來分享就無咁容易飽，留肚試其他美食嘛~~
|
|
|
以下看看Vivica對這個墨魚蝦餅有什麼評價吧。
VIDEO
|
|
|
透過以下地圖位置，可大約知道與難波地鐵站的距離。
|
|
|
互動拖拉地圖
透過以下拖拉地圖，利用滑鼠作360度球形轉身，就可以看得更清楚現場環境。
|
|
|
|
|
|
 |
一 |
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。