全港首批古河除靜電器 Destat II

發佈日期 : 2011年 5月19日

近期當大家大玩CAS的同時，都積極把手上軟件一一數碼化，

而數碼化之中，無論係用那一個格式來重現，在傾倒去電腦硬碟的程序當中，不能缺少的，必定是把光碟除靜電和消磁。

古河除靜電器，是兩聲道發燒友最多人使用的產品，由該風扇所產生負離子，可以達到消除靜電效果。

銀手昨晚行街街時，無意之中在旺角德發商場地庫，

見到新推出的古河除靜電器 Destat II 首批到港，第一時間購入自用。

圖中所見是這款古河除靜電器包裝樣子。

打開包裝蓋後，可以見到葵花寶典一份，仲有部新款機樣子。

拆開個膠袋睇清楚先．．．．．．．．．唔，仲有埋個火牛添。

上一代只是使用4粒AA電池作為能源，今次改為有提供火牛接上電源。

今次呢個唔單只可以接火牛，仲可以充埋電添。

有見到頭部位置有鏍絲嗎?內裡係乜呢...........

拆走鏍絲，可以見到該粒充電池樣子，能見到有幾多mAh嗎?

而開關鍵上面的紅燈，就係同咸蛋超人心口燈一樣，充電池唔夠能源時，佢就會亮起來架喇。

底部仲有一個選擇鍵，可選用每次 10秒或 20秒除靜電過程。

以後只需按一下機面的啟動鍵，就可以為物件以 10秒或 20秒除靜電後，自動設換回備用狀態，

呢方面舊款只提供唯一預設 10秒 。

包裝內，仲有三隻腳架，不過係拆開擺放，用家可以自己選擇用定唔用。

附來的葵花寶典都能照顧到好似我呢類文盲需要，睇完呢張四格畫，都大約知道係點用呢~~~

平日備用狀態就係咁款喇~~~~機面的開關鍵是以綠燈顯示，當運作途中，就轉成紅色。　

丫~~~~講左咁耐，唔記得講價錢添，上一代售約 $2800上下，銀手係用港幣 $3800購入這新款 Destat II。

由於銀手無在其他地方格過價，他都不知道這個價是全港最平定全港最貴架?

最後銀手仲附上葵花寶典比大家修練添，可Click大張圖來睇架播。

可Click 大圖

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。