「浪攝流」一 ( 影景 )
發佈日期 : 2011年 6月9日
|
|
|
Fujifilm FinPix X100 以口號「浪攝流」推廣，
起初白痴的我居然覺得「浪攝流」這個名稱好熟，但又講不出在那裡聽過，後來想了大半天先想起，
我所提到咀邊的那個是 剛柔流 ( 沖繩空手道其中的一個流派 ) ，並不是「浪攝流」呢，你話我白痴唔白痴呢?
「浪攝流」意思是指隨心拍攝，表示呢部機係為機主長期處於最佳備用狀態，
因為無人知道幾時會出現百年難得一見的珍貴影像，如能做到人機合一的話，就能隨時拍到好照片...
呢部機唔係單反，賣成萬銀，唔落下藥點賣呀? 為了強化呢個「浪攝流」理念，今次Fujifilm 的 Marketing 醒目呀，
更找來森山大道做代言，並在廣告內發表他的名句 :
「我以前每天就像一條狗在路上到處排泄似的在各處拍攝照片.......」
呢個電視廣告拍攝手法有點似荒木経維影子，相信大家都在電視睇過好多次
但網上另有熱心市民放上 地下版本。
有露點架~~~~
|
|
|
唔........睇過呢個廣告後，呢D咪叫型囉!!!!!!唔係賣相機，係賣型，廢UP一堆話自己係一隻狗，仲要話自己四處排泄，
如果開會果陣我提出用呢句口號的話，我保証比人插到變箭豬，但講呢句說話的人係 森山大道，咁成件事咪即刻型晒囉~~~。
再加個型得來又好抽象的口號 "浪攝流
"浪攝流
至於部機用乜料，什麼晶片，有幾Wide，最大光圈值係幾多，.........乜都唔需要講。
基本上呢個廣告拍完之後，用在Canon又得，用在Sony又得，三星都可以架。
影相要靚，當然買部靚相機就有架啦，邊部靚? 邊部貴咪邊部靚囉。
買唔起貴相機的人影相無可能靚丫，總之想有靚相得到，就買啦~~買啦!!!!係咪?
非常多謝朋友借這部機我玩，感激，感激，再感激，問到我有乜資格試呢部機?並提出評語呢?
我當然有資格試啦，因為我係一個唔識用相機的人，以第一身去用呢部機嘛，在街上亂打一堆相是一般市民會做的事，所以我當之無愧吧。
|
|
|
ND 濾鏡功能
時為下午五時許，陽光依然是很猛烈，一般DC仔用盡設定後，
所影出來的池水，最多只能凍結到如圖所見的樣子，想不靠外置設備做到絲質流水效果就無可能了。
|
|
|
X100內置了其中一款名為 ND 濾鏡功能，
只要把她開啟後，就可以大幅減去光線進入，不過呢個功能只有開和關，並沒有力度調校。
|
|
|
在這個無腳架，無外置濾鏡狀態下，ND 濾鏡功能就可以發揮所長，在大量減光下進行拍攝，
讓快門可以有多一點時間去進行適當曝光，達到絲質流水效果。
講就天下無敵，不如徒手影一張來睇睇先丫~~~~
|
|
|
當然少少手震就無法子架喇，鬼叫無腳架又要影咩~~~
可Click以下圖片看原圖
|
|
|
另外留意上述完成圖是很水平，因為這機有水平顯示屏功能，
用家構圖時，只要如圖把相機的藍色和白色線重疊，使變成一條綠色線，就代表當時正處水平角度，非常方便。
|
|
|
|
|
|
腳架是一般市民唔會帶出街的工具，我相信 森山大道 都唔會丫，何況官方講明「浪攝流」丫嘛，腳乜野架Jack?
用腳架幾無台型呢，所以無!!! 咁無腳架，又要影夜景，咁點影呀?
首先當然要盡開呢部機的光圈啦，最大幾多? 2.0丫嘛，你無睇廣告咩?
係播~~~~廣告無講過最大光圈有 2.0，淨係有提過通處排泄炸播。^^
盡開光圈後，就單膝跪地，把部相機放在鞋面上 ( 成萬銀部機，你唔會捨得放公眾地下掛 )，然後低炒埋去，
由於現場光唔係漆黑，有一定程度射燈，除非手真係好唔定，否則都仲可以頂得住。
由於呢部機有顯示屏，唔似得大機咁無得睇，所以在呢個低炒角度，仲可以睇到屏幕上的水平儀是否達標先按鍵影。
可Click以下圖片看原圖
在原圖可以見到有少少震，如果用作參展就一定唔合格啦，但縮細作為分享就無任何問題。
而且在 ISO 800 狀態下的暗位我都收晒貨，何況我唔係喜歡聞相的人?
|
|
|
一掃全景
一掃全景呢個功能今日好普通架喇，X100有呢個功能都唔係什麼驚喜掛，唔知係唔係我的問題，在日光日白我都會失手架，
呢張係其中一張失手的例子，你睇到是那一個位置失手嗎? 所以影完最好即時放大來睇睇先離開。
可Click以下圖片看原圖
|
|
|
一般市民要佢用一掃全景，我們都會就咁打橫部機掃就算，
但有人就會好似 Zoie依家咁，先把部機打直放，然後再向橫掃。
|
|
|
咁出來的成品，就會上下影多好多景物，在日光日白之下，路人因為他們在活動，駁不到出現疊影是正常。
不過固定的物件就唔係咁講法喇，成像圖除了最右手邊尾位做得最唔好外，左手邊眼鏡鋪附近的石級，水牌和天台都有小問題。
不過我都係覺得係我個人問題，係我操作得唔好，影多幾次總有一張得掛。
可Click以下圖片看原圖
|
|
|
最近對焦點
呢部機最近對焦點 10cm，即係平日我用 iPhone 4 來影飲飲食食近距拍角度就唔可以達成，
如果係都要做到唔係唔得，照影，影完返屋企一張一張咁Crop囉，不過Crop完仲係唔係我想要的效果，又係另一回事了。
以下呢張就係影食物相最近距離的成像，留意我係好唔生性咁隊到最埋去影，基本上過了一點火，所以會見到少少失焦。
呢點或多或少影響著我個人微距影食物的習慣。
首先 X100影得近就要按花花鍵先，因為佢個花花笨唔可以長期鎖定，今次用完，下次又要按過。
由於一向影得比較近，次次叫起手都唔記得第一時間按花花，所以用起上來唔習慣。
另外部機起動比一般機仔慢，但速度還可接受到.....Sorry應該是還可忍受到。
可Click以下圖片看原圖
|
|
|
Snapshot
因為宣傳上強調「浪攝流」隨心拍攝丫嘛~~以下時間，不如正式開始 Snapshot 吧。
|
|
|
下面 12張由X100所拍攝 Snapshot 當中，我最喜歡是世貿中心，碼頭和 1881樓睇。
呢三張相，基本上唔執相直出都好靚好Sharp，所以呢部機貴得有道理，但值唔值成萬銀就.........
可Click以下圖片看原圖
 |
 |
 |
 |
 |
 |
 |
 |
|
 |
 |
 |
|
|
|
森山大道講過 : 「當使用單反相機時，
你很自然會注意對焦、構圖等細節，那麼在拍攝時也許已經錯過了那個觸動你的時機。
但是使用輕便相機，你就可以隨著你當下的念頭與想法任意拍攝。
...而且在新宿的街頭，假如你拿出單眼相機要拍人，對方會把頭轉開。
但是輕便相機就不會這麼顯眼讓人排拒，甚至你可以在不看著觀景窗的狀態把相機對著想拍的標的（人）拍攝而不讓他察覺。」
可Click以下圖片看原圖
 |
 |
 |
 |
 |
 |
 |
 |
 |
|
|
|
題外話
你有睇過呢部以攝影為題的電影嗎?這是影響著我攝影取向和睇法的電影，由廣末涼子演出，拍得非常之好，而且帶出正面訊息。
當我見到一輯好的作品，我從來唔會開始第一句就去問人家係用什麼器材影，
因為咁樣係好侮辱作者，而且暴露出自己係幾咁膚淺的醜態，
暴露出自己覺得呢輯相之所以吸引，只要買到該部相機，就可以影到相同質素的相，
呢輯相之所以吸引，只是作者早過自己買到該部相機，作品成功和該攝影師無關。
好的作品是用心去影，而唔係用金，否則呢個世界上最好的攝影師，應該就是十大首富了。
碰上喜歡的作品，通常會問攝影師當時用什麼心態或者用什麼曝光組合去影，
又或是影之前有什麼準備功夫要注意，咁樣先係對攝影正確態度。
待續.................
|
|
|
|
|
|
 |
一 |
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。
