變種特攻：異能第一戰

發佈日期 : 2011年 6月9日

人類是世界上最聰明生物，比上天還要利害得多，他們覺得食物無需依靠上天給與，上天所分配的數量是錯，

人類要自己製做出更多而且更好味的食物出來補救上天的錯配，正所謂人定勝天~~~~~人類萬歲~~~~~

今年夏天好熱呀，你話一邊啜住杯塑化劑，一邊睇變種特工，你話係幾咁投入呢~~~~啜得越多，就能越投入角色喇~~

好幸運可以唔需被迫睇 3D，而且圓方 6號院巨幕有上演這套電影。

片長 133 分鐘，即兩個多小時架，你知我最怕套戲長，因為困住我咁耐，如果唔好彩劇情齋講，真係悶死人無命賠。

電影吸引人之處，就係可以把平日自己做唔到的事，寄托在電影人物角色當中，如果他們做到，我們就會好投入。

星爺在食神當中鬧到班大廚隻狗咁，平日我們點會咁樣鬧人架? 007又打得又靚仔，仲有秘密武器，

我們邊有佢咁叻丫，所以我們就覺得好睇囉。

片中的變種人，如果我都可以有他們的能力就真係開心死喇，今集有 Hugh Jackman 的一個鏡頭出現，好搞笑，全場都笑架，包括我 ^^

整體呢套電影唔錯架，無悶場，不過又唔係打到反艇果隻播，動作場面係有，

但都只屬零碎動作，他日推出光碟，作為打鬥片段分享就唔會好多，得一兩場吧。

如果你打呢套戲的主意，可先看一看預告片後再作決定。

  VIDEO  

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。