胡琳Bianca Live (2CD+DVD)

發佈日期 : 2011年 7月3日

在CD店以 $179 購入了這隻剛推出的 胡琳 ~ Bianca Live (2CD+DVD) 

今時今日，打開電視機，連師拉劇或者天氣報導都高清1080i畫面。

包裝內的DVD，無論係施捨比我，又或者屈我比埋錢買，我都係唔會播來睇，

DVD影完相可以放埋一邊等封塵，地球上又多了一件我無選擇下而擁有的垃圾了。

唱片公司自欺欺人又好，又或者所謂市場策略又好，相信藍光碟容後先會推出，不過唔緊要，聽住CD先囉。

唱片一共收錄了 28首歌曲在內，屬於雙碟版本，各自收錄14首歌曲在內。

一街都係爵士樂CD，不少的篇曲搞到好以酒店大堂菲律賓大樂隊咁款。真係好想同佢講放過我啦!!!

但呢個 Live Show完全無呢個咁差的感覺，聽得出篇曲花了心思，並不是交行貨。

專程由紐約飛來 8 位爵士樂好手做今次演出，並不是白費架。

暫時喜歡 "暗裡著迷"，"那有一天不想您"，"忘情水"和"東風"合共四首曲目。

初步勁喜歡 "暗裡著迷"，篇曲尤其吸引，用 Av Amp的 Stereo 2.1模式欣賞，那個低音鼓真係好鬼死正。

唔知係唔係聽慣了華仔的版本，今次聽胡琳演繹，頭幾秒我想不起是什麼歌曲，好有新鮮感，我居然覺得仲正過華仔呀。

 不過她唱第一句歌詞時，可不可不要這麼樣徘徊"在"目光內，點解佢唱個"在" 字的發音咁怪。

但唔好誤會，我唔係咁執著咬字的人，好聽就可以了，我不但接受，反而....有少少喜歡添 ( 係咪有點盲目  ^_^ )

無論篇曲還是胡琳演繹呢首歌，都係咁正，所以"暗裡著迷"係我全碟之中聽完又聽，聽完再聽的一節。

排第二位最喜歡係黎明原曲的 "那有一天不想您"同第三位都係華仔作品"忘情水"，是不能錯過的歌曲啊。

碟內幾首喜歡的歌曲，該一節都是有胡琳談話內容作為開頭，如果第一次全碟聽當然不是問題啦，

但如果歌曲作為日後重溫的話，每次想聽該首歌曲，都要聽一次胡琳相同談話，就唔係咁想。

幸好全碟我最喜歡的 "暗裡著迷"，沒有這個問題，幸運~~幸運。

呢隻碟都可以算係近日必買的碟，現場錄音效果，以我唔係發燒友來講，好滿意架喇。

  VIDEO  

把紙盒打開之後，

可見到內裡有一本書仔和一個厚身膠盒。

好明顯膠盒內是收藏光碟之用啦~~~

這本被我形容為書仔的物品，是圖片集加歌詞。

有幾多頁?~~~~~我無數過啊，你咁得閒，

不如你數丫，數完講我知丫~~~ ^_^

由這個角度可大約猜想到書仔的厚度。

講完本書仔，講返光碟喇。

圖中用手做比例，可大約猜想到實物大小，而膠盒存放著 2CD+1DVD。

透過這角度可大約猜想到實物是有層數，作為分隔三隻光碟。

三隻碟分別以黑白紅三個不同顏色來區別。

黑色和白色是CD碟 1和 碟 2。

而紅色是屬於全區碼 DVD 。

唔打算買藍光碟的朋友就可以透過DVD來重溫當日演出，

如果打算向藍光碟埋手，一定唔睇DVD啦，一個字就係.....

等!!!

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。