全城搶購 Hit Man & Hit Man Returns

發佈日期 : 2011年 8月8日

要數音響展期間熱爆全場，相信必定是圖中 Katie 手上拿著的這兩隻藍光碟吧。

這兩隻 David Foster & Friends 藍光碟分為第一集( Hit Man ) 和第二集 ( Hit Man Returns )，

這套群星拱照 David Foster ，在音響展內搶盡風頭，但可惜場內並無任何一個參展商有發售，使到熱炯上的發燒友更著急。

國人落藥

點解全場搶購這兩隻碟?原因是國人用這兩隻碟的最精彩片段，在全場最多人排隊的米樂影音示範會內推介，

感染力自然放射線地影響整個音響展，加上這兩隻碟內容實在太精彩，每一個睇過片段的人，都全中毒。

問國人借來封面與 Katie 合照時，立即吸引到其他人仕走過來，追問這碟在場內那裡買到，可見其搶購力之強。

以下這短片，可了解國人在米樂影音示範會內如何落藥的實況。

  VIDEO  

不能錯過的精彩片段!!!!!真係好囉命!!!!!!

巨肺呼吸~~養兵千日!!!!係考驗你的中置時刻了~~~~

剛好有熱心市民，把這段國人推介第二集所出現的片段 Charice 演繹 All by Myself ( 超級氣袋版 ) 放上網，立即 Click 以下播放器吧。

  VIDEO  

精彩片段    一段接一段

如果你以為單單一首半首歌就可以吸引到大家買這碟，咁就錯喇~~

唔該睇埋以下第二集 Jackie Evancho 片段先講。

  VIDEO  

又靚又唱得

第一集精彩片段仲有失明意大利男高音 Andrea Bocelli 與靚女 Katharine McPhee合唱的The Prayer

同樣是欣賞這碟時不能錯過的曲目。

  VIDEO  

都係 Charice 

呢位菲籍女生，除了上述提到過的第二集精彩演出外，其實第一集演繹 I Will Always Love You，

同樣是欣賞這碟時不能錯過的曲目。

  VIDEO  

第二集加送 CD 

這碟內還有其他精彩內容，由於篇幅關係不能一一介紹，我只給這四段片給大家分享，敬請見諒。

大家之所以咁心急撲去買的其中一個理由，就是第一集或第二集可單集購買。

而行貨 售價方面，第一集( $158 ) 第二集 ( $122 )。

第二集更加送多一隻 CD 碟，圖中Katie手裡拿著的是第一集單一藍光碟樣子。

下圖 Katie手裡拿著是第二集內藍光碟和CD碟樣子。

第二集不但比上集平，更加送 CD版本碟。

$122雙碟，其中一隻仲要係藍光碟，唔買點對得住自己? 

TK Chan 有感而發

這篇分享貼出後，TK Chan睇完在Facebook留言，有以下評語，我覺得他寫得好好，大膽在這貼出。

好多謝你的介紹, 對 music video 好耐無咁好既感受。

事實上, 來路人搞既音樂會真正咁為聽好歌既觀眾而設, 不負眾望。

反觀本地製作, 搞到馬戲團加雜技團加廟術跑龍袍舞劇團咁,同場仲加送男女人妖時裝激秀, 現場除左尖叫, 都係尖叫。

其實真正有實力既歌手, 靚衫一套,一張高凳, 一把靚聲, 已經足以把千百觀眾迷倒醉倒。

不過, 歌手可能有實力, 但本地啲作曲填詞人既文化平準, 真係慘不忍睹。 

我唔知點解, 成首歌要押一個字既韻, 而為左押一個字既韻, 加上肚里無半滴墨水, 搞到啲歌詞不知所謂, 

用啼笑皆非形容係客氣, 實則係一塌糊塗, 不倫不類, 狗屁不通。

: 完 : 

星期日散會時，我打過去旺角 DVD Pro，老闆話假期訂唔到貨，要星期一先可以訂貨，而且唔知道是否訂到，

最樂觀都要星期二先知，呢次大鑊喇~~~~老闆，留兩套比我呀~~~~

一套自用，一套送禮，唔該~~~唔該~~~ 

DVD Pro 擠提熱線

電話 : 2332 6326　

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。