反斗車王 2

發佈日期 : 2011年 8月24日

首先多謝 Nakiter 送給我這套反斗車王紀念品，多謝你記得我喜歡呀，感激感激，下次請妳食飯同睇戲丫 ^_^

我好喜歡呢套電影架，由第一集開始，到早前推出的外傳藍光碟，都係收藏品呀。

而外傳就更加討我歡心，因為係分成多個獨立故事，一點都不覺得悶。

呢個暑假都有睇呢套電影的續集，不過無時間打字和大家分享咁解吧。

2D唔易搵

好彩呢套都算係大片，唔想睇3D，仲有質素較好的細院播放，

雖然圓方最大銀幕 6 號 和 1號 院都無上 2D，不過仲有在細院比我座震動椅，

對我呢類3D恐懼症的廢人來講，好好彩架喇。

因為又要符合2D，仲要係粵語，在這個全民 3D 生態環境下，命中率真係唔簡單架。

好似我早兩日想在圓方睇 2D 死神來了5 都無呀，因為全院淨 3D，無2D場，死未?

前菜

幸運地反斗車王最終能在粵語 2D畫面下收睇，畫質好正，唔會頭暈，滿意度極高。

開場前，原來有反斗奇兵 迷你Show 夏威夷假期 睇，內容同樣咁正，他日出碟，一定跟埋喇掛~~~

哈~~~~開場前都有前菜呀~~~好合口味啊。

個人評價

今次閃電王唔再係主角喇，佢係配角，主線都落在哨牙嘜身上，雖然係咁，

但都無唔滿意，因為哨牙嘜都好搞笑，所以我唔介意由佢擔正架，整體都好滿意劇情。

配音方面，葛民輝 和 林海峰，好就一定架啦，估唔到林欣彤都一樣配得唔錯，

而且找來其他明星來一起配音，又真係幾有誠意架，例如 : 秦沛，羅家英，黎耀祥，歐錦棠...........

不過我覺得飛彈麥克 由 秦沛來聲演，相比起飛彈麥克在畫面上的身手來講，

秦沛就演得有點老，不過呢個問題都唔係好大，我可接受到吧。

如果你在呢個暑假，仲未睇呢套戲的話，不如睇睇預告片，然後再考慮一下丫~~~~

  VIDEO  

以下係上述提到過的反斗奇兵片段。

以下只係節錄版，並非全段播出，睇住先，總好過無丫~~~　

  VIDEO  

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。