越洋落毒記

發佈日期 : 2011年 9月10日

好悶呀，不如離開香港做家訪丫，去邊好呢?  不如去珠海啦。

哈~~~~想唔到在香港信德中心上船，用一個小時航程就來到珠海，

跟我座巴士返屋企差唔多時間啊~~~實在利害。

到步後，原來珠海並不是我想像中的樣子，藍天白雲下的這個地方，給我很夏日麼麼茶的感覺。

乜野係夏日麼麼茶 ? 哼!!!!!你唔好扮喇，無奶油唔識的，咁...............唔識就唔好睇落去喇。

整潔又整齊的市容，是我對這個城市的最深印像呀。

今年是我的CAS年，做乜都想著CAS，既然用 Airport Express 加 iPad ，咁簡單就可以去毒害人咁方便。

就算去到海外，我都唔覺得麻煩，所以一定帶埋佢地出發。

在船上開始發白日夢，幻想一下去到目的地，受害者的反應，想想下都Kit一聲笑出來。

珠海的第一站...........

係呀，第一站呀，去到咁遠，唔係話我知做一個家訪咁少下嘛?

唔好理我啦，總之呢篇叫第一站，探訪一位影音發燒友周先生。

他在這個千呎單位內，劃出圖中所見面積玩。

不如透過以下呢個表，對周先生的 7.1家庭影院系統作初步了解吧。

哈~~~~呢個茶几夠晒高啊，初初以為係飯桌，

後來見到飯廳那邊另有飯桌，所以先了解到這是一個大茶几。

器材是給放在一個木製矮桌上。

見到兩聲道 ELAC 座地喇叭和家庭影院 MK Sound 喇叭一起出現，那就可猜到屋主是把器材影音分家了。

見到咁大隻固定幕掛在牆身上，也猜想到屋主對畫面有一定程度要求了吧，

咁大塊 106" 16:9 白布放在客廳，一般市民是不會接受到尤 ，尤其年初一。

投影幕下方，和兩側，都可見到 MK Sound  M7 作為左中右主聲道喇叭。

左右兩個聲道，M7 就貼牆安裝。

透過圖中，可大約猜想到實地，後置和後中置喇叭擺放位置。

投影機方面是 Sanyo Z4000 ，投放 106" 16:9 畫面。

投影機下方，就是大家見慣這個品牌的電動座椅。

周先生的訊源，似乎並不是單一兩款呢~~~~好豐富呀。

呢部 CD機又幾搞野架播。

 MK SOUND  SB12 低音炮 ，這個面積上使用，無論聽歌或睇戲，都有不錯低頻效果。

一對 ELAC 座地喇叭，就如圖放在一左一右的位置上。

既然周先生有玩開兩聲道，和他傾談之間，了解到他平日是不會用 Av amp來聽歌。

咁就得喇~~~~

登登登~~~~凳~~~~各位觀眾~~~~~又到左佢出場的時候喇。

利用呢條另外購買的大細頭光纖線，連接Av amp 和 Airport Express之間，就大功告成。

幼頭接去 Airport Express，粗頭接去 av amp。

 CH LEVEL 鍵

在兩聲道訊源時，由於DENON AVR 3311 可提供優質 2.1聲效關係，

只要確保搖控是處於 AMP的操作層，而當時聲效設定是Stereo模式狀態下，

再按 CH LEVEL ，就會有 2.1獨立調校功能出現，

透過顯示器可見到，能獨立調校一左一右和低音炮聲音輸出量調校。

這個調教是獨立為兩聲道而設的調校，並不會影響 家庭影院多聲道內設定。

對用家來講，真係貼心設計。

周先生所選用的 DENON AVR 3311 Av Amp，屬於新型號，所以在搖控上就設立了 CH LEVEL 一步到位鍵。

圖中所見，就是 DENON AVR 3311 顯示屏所顯示出來調校三個 CH LEVEL 。

 接下來就係播放 iPad /iPhone 內的歌，不過並唔係由 iPad發聲，而係利用無線傳送技術，

使到 Airport Express 接收數據，再以光纖線，送到 av amp 處理發聲。

 由於 iPad內的歌附有縮圖，用家就可以好輕易找到喜歡的歌曲，我就係要周先生體驗呢個非常之吸引的操作。

呢個方法係屬於 AirPlay的一種，今次利用 Airport Express 來代替該功能，使周先生知道效果大約去到邊。

圖中所見，當在 iPad /  iphone 播放歌曲時，如果在接上 Airport Express 環境下，就會見到圖中所見的 AirPlay 標記，

按一下就可以給用家選擇直接用 iPad 發聲，還是用 Airport Express 使到 av amp發聲。

由於我把 Airport Express 改名成為 Base Station 999，所以不會以 Airport Express 這個名稱顯示出來。

 帶去的 iPad /  iphone ，所收納都是發燒友 聽慣聽熟曲目，

現在用唔同訊源，在周先生所屬器材上使用，

無需十萬八萬，附出只是小小金錢，用另一個方式玩得更開心。

正式開始喇，下圖呢隻碟，發燒友一定擁有啦，只不過大家擁有很多不同版本吧，還記得這隻玻璃 CD版本售價嗎?  ^_^

當中  ワインレッドの心 呢首歌，發燒友聽到就會雙膝跪地，點可能唔放落去毒害其也人呢?

先先我係用 iPhone 來吸引周先生，目的是讓他輕視用手機播音樂檔，他果然中招，

當我用手裡 iPhone 播出歌曲，在他自己的器材上播放時，  ワインレッドの心  一開始那個電子結他聲一出，真係好囉命。

那個 2.1效果，簡直對他的 AV amp 來講是打通任督二脈 一樣。

請原諒我長氣，我再三強調 2.1的低音炮，並不是用來下下打心口而設，聽慢歌的低頻，就係靠呢個低頻 Un出來，

呢種低頻效果，如果在純兩聲道要做到的話，

用家一定要花費好大在純兩聲道器材上，先可以得到相同效果，我之所以千方百計都要介紹給其他人，就係咁解。

利用 av amp 出 2.1只係成功了一半，因為就咁用CD機聽，都可以欣賞到相同 2.1效果，所以未達到我要介紹CAS目的。

當我確定周先生開始中毒時，呢個時候，我就不再用 iPhone，改為交個 iPad比周先生自己選曲，

正如我再三講，CAS的精要，就是用 iPad 去找歌來聽，周先生見到一個又一個精美縮圖唱片封面，在自己的手指之間走動，

輕輕一篤歌名，就播出該首歌曲，那個擁有感和操控著全世界的感覺出晒來，在這個環境下，他又點會唔心動呢? 

嘿嘿嘿.........死未?

接下來周先生在 iPad 內選了他喜歡又熟識的歌，好似老鷹樂隊必聽果首歌呢~~~

用 Av amp 2.1 聽，效果好過他自己兩聲道組合好多倍。

唔...........呢條 CAS不歸路..............嘿嘿嘿

其實周先生整個中毒過程，周太太都見到和感受到，

周太太眼見周先生好喜歡以這個方式聽歌，周太太也立即過來，把 Airport Express 用相機拍下，還查問有關iPad資料，打算送給周先生。

好Sweet呀，周太太真係好，我事後先醒覺到，當時應該拍下周太太心急用手機拍 Airport Express 的甜樣，可惜我錯過了這個美好回憶。

 ~~~>.<~~~

所以話呢，有錢買相機，但相就唔識得去影，你話有乜資格學人換相機丫? 算喇都過左去，講乜都無用。

之後周先生用呢個方式，聽了iPad內多首歌曲，最後依依不捨的送別我們。

不過我相信當你見到呢篇文章貼出街時候，周先生應該是在家中欣賞CAS為他帶來的樂趣吧。

第二站

好喇~~~開心的時間過得特別快，又係時間講Bye Bye，周先生呢個千呎單位我們參觀完喇，

相信大家利用周先生這個單位，都算係熱過身了吧，可以去下一個景點了。

原來周先生有另一個市值 3千萬人民幣 ( 還在升值中......... ) 的獨立屋會帶我們去參觀，

珠海第二站家訪，就係去他這座連同地庫四層高的別墅。

這座別墅的私人後園，有個碼頭仔，更可以自己種喜歡的植物。

下一集見丫~~~~Bye Bye~~~~

全文完

  其他家訪重溫

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。