V-LINK開盒圖

發佈日期 : 2011年 9月7日

對於玩 CAS 的朋友來講，如果唔想花費太多購入萬元級以上的解碼器，又想達到一定程度聲效得著，

這部由 MF所打做的 USB to SPDIF 利器 V-LINK，也能對應 24 bit / 96 Khz ，以這個價位，其吸引力，是市場之冠。

身價 $1180 ，以兩聲道發燒器材來講，根本唔係錢。

要入門感受一下 CAS 所帶來的樂趣，這個花費算是經濟吧。

經自己器材或去其他人家中作比較後，都同樣發覺只售 $200 的 HA INFO U2 國產同類產品給比下去。

由於HA INFO U2 是國仁送給我的禮物，我總不可能變賣她吧，於是就把 HA INFO U2 用在PC上，而 V-LINK就用在 iMac上吧。

以下是 V-LINK的開盒分享圖。

把膠盒打開後，可透過手的比例猜想到V-LINK實物大小。

兩端分別是 USB 接頭輸入，和另一端光纖或同軸輸出。

由於我想八掛一下內裡是什麼值 $1180，所以我拆開來看看。

只需拆去 USB 的一方三粒縲絲，就可以把底板套出來。

金屬盒在底板的一左一右，設有坑位給底板套上，

避免底板上下接觸到金屬盒。

抽出底板可見到她正面和背面樣子。

嘩~~~細粒到呢~~~

幸好透過相機拍下，就可清楚現到晶片上的字，

否則我就真係睇唔到佢寫乜?

個人評價

為達到 Hi Fi 用來睇的理念，當然係唔接線咁影返張相啦~~~係咪?

你又唔係在我家聽過，有幾滿意，或者有幾差，只得我知，我話乜都得架啦，所以都係影張相比大家幻想一下就夠吧。

留意一下我並唔係接駁去發燒房用，我發燒房的CAS係用電腦 HDMI接駁去我好滿意的 Denon 4308身上使用。

你睇依家呢部 V-LINK，係接駁去圖中所見的柴油式Av amp身上，發聲都仲要係大家唔會睇得上眼的喇叭仔，

CAS在我個人古怪口味當中，其中一環是要和 2.1組合接上，

那個低音炮對我來講，很重要，沒有這個( 點壹)，我對CAS的興趣是大減。

所以底音炮係用了一隻  MK Sound KX12，屬於一隻 12" 的低音炮。

千萬唔好誤會，我唔係用佢來聽打心口歌，佢最囉命係聽慢歌 Un Un下D低頻出來，

驚天地泣鬼神就一定無佢份，不過以放書台組合來講，好滿意呢套 V-LINK加  2.1效果。

不過如果要求唔太高的話，而又一早買左 HA INFO U2 的朋友，

我就唔係好建議換機，因為兩者差價五倍之多，雖然係人都聽得出V-LINK表現係好過 HA INFO U2 。

但有無好五倍先!!!!拿拿拿，一講到呢D話題，我就唔識講架喇，自己決定啦。

另外上星期同朋友在電話傾過，對方話試過用V-LINK，發覺仲衰過佢就咁用 HDMI 出 ，所以話呢，兩聲道，每個人標準都唔一樣，

唔好信人，信自己丫，最緊要係自己開心，聽音樂又影響唔到人，話之佢啦。

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。