AirPort Express 用途二 旅行良伴 ( 文字篇 )
發佈日期 : 2011年 10月10日
|
|
|
近期有睇過家訪的話，相信都了解到用家能輕易利用 AirPort Express 達到 AirPlay 功能，
使到舊款 Av amp都能享受到 AirPlay 所帶來的樂趣。
在分享的貼文內，也應該對她的簡易使用，得到了解。
上次接上的是最右手邊的光纖接口，今次用來作另一用途，主角就是最左手邊的 LAN 接口。
酒店房間原本提供Wi-Fi咁就開心死啦，但一般酒店房間都只係提供一條 LAN線比住客接上Notebook用，
問題係我們現在多數身上用來上網的裝置，都是以平版電腦或智能手機為主，
她們身上跟本就無LAN線接口，只能依靠 Wi-Fi 上網。如果用家帶埋 AirPort Express出門，咁就開心好多喇。
因為佢在酒店房間內，可以化身成為一部 Wi-Fi 分享器，用來把酒店房間所提供的LAN線，轉化成 Wi-Fi 派街坊之用。
何況用Wi-Fi上網的話，大家就可以用你的上網裝置，在床上或洗手間都可以自由走動上網，方便好多。
早前由 Zoie 示範的 AirPort Express 旅行良伴功能短片，相信大家對 AirPort Express 第二個用途有初步了解，
短片中只是給大家見到使用時，方便到連小學生都識得用的過程。
以下需要用一些文字上的補充。
密碼設立
和其他路由器一樣，AirPort Express 預設使用時，是無需密碼輸入，
目的是確保每一位用家開盒後，就算無電腦在的情況下，依然一定使用到，無需強迫用家作初次設定先可用到咁白痴。
AirPort Express身上並無任何按鍵去進行密碼設定，如用家要進行設定，透過電腦是唯一的方法。
Apple產品係自己友，所以Mac系統係無需要另裝軟件去進行密碼設定，只需開啟 Mac 內置一個叫 Airport工具程式 就可以進行設定。
不過PC用家都唔難架，只需安裝該軟件後，就可以進行密碼設定。
|
|
|
十部機同時分享
請放心 AirPort Express 所轉化出來的只是最普通Wi-Fi，請勿誤以為只是 Apple機先可以用到，事實上無咁繁雜架。
無論是什麼牌子手機或Notebook，又或者平版電腦，只要她們有Wi-Fi功能，
都可以找到AirPort Express，而借佢所發放出來的Wi-Fi上網架。
通常同行的朋友，都會被安排入住附近的房間，
所以大家就可以一起分享由這部機所分享出來的 Wi-Fi了，
AirPort Express最多可以同一時間分享給十部機使用，我相信呢個數目大家應該滿意了吧。
只需在其中一間房接上，其他房的朋友，無論半夜三更又好，大清早都好，
都可以無需打擾對方，而享用到由他房間分享出來的Wi-Fi，更可因此用 Whatapps來互通，
連房間號碼都可以唔打添架，所以話佢係 旅行良伴當之無愧。
Wi-Fi覆蓋範圍很強，只要是左鄰右里的話，接收一定無問題。
|
|
|
三腳轉兩腳
AirPort Express 是世界電壓，無論去到世界任何一個國家，見插頭就可以插入去用。
雖然是世界電壓，但並不代表一個電源插頭可通用，
在影片裡可以見到Zoie所用的版本是屬於香港13A插頭，例如去到日本，美國，中國大陸，台灣等地，
都是接不上當地的兩腳接口的，呢個時候就要用三腳轉兩腳的轉換頭了。
|
|
|
市面上有這類售價約港幣 $6 - $7 的三腳轉兩腳轉換頭，可解決有關問題。
但由於13A天生大頭的關係，如果只是自己單一接上牆身使用當然問題不大，但如果她是要和其他電器插頭共用一個拖板的話，
由於她的頭好大個，她身體會佔用了兩腳拖板上最少兩個位，使到拖板的使用口減少。
例如一個四位兩腳拖板，可能最終只可以接上兩個 13A大頭插頭。
|
|
|
圖中可見，AirPort Express 身上的13A插頭，
是可以輕易拆走，目的是給用家自己更換適合當地的電源插頭。
旅行套裝插頭
呢個世界無咁荀架，可自由更換，並唔代表免費送比你，所以Apple原廠有提供如下圖所見的全球旅行套裝插頭，
每套 $300 ( 找返$2 )，無散賣。
本來港幣 $300並不是很名貴的貨品，但以身價 $748 的 AirPort Express 來講，
接近她的機價一半來買個轉插，明明在市面買個 $6 - $7 三腳轉兩腳轉換頭可解決問題，
遍遍要用接近100倍價錢買這個全球旅行套裝，我就接受唔到...........囉。
.JPG) |
.JPG) |
|
|
|
雜廠散件
雖然原廠無散賣單一個兩腳插，但市面上有雜廠推出呢款可以適合日本，美國，或是中國大陸的兩腳插。
雜廠售價當然平好多，呢個係朋友送比我用的，他說在腦場用$48買到，佢只係經過見適合我用而買比我，
佢無在全港19區格過價，所以都唔知係全港最平定最貴架播。
都係果句啦，唔係原廠出，我真係唔知佢有無毒氣放出來，又或者用用下爆炸囉，
我條命賤就無所謂，我講明唔建議其他人用架，不過我自己就用得好開心，相信你明我真正意思架啦，係咪?
即係叫你唔好用雜廠囉 ^^ ，你知依家D人架啦，我一定係要咁講架，請見諒。
透過以下短片，可進一步了解到更換插頭的過程。
Video
|
|
|
香港的13A插頭，搞到AirPort Express個頭好大個，勁醜樣呀，
幸好佢可以出發前在家中轉成細頭先出門，咁放入行李箱時都收得好一點丫。
|
|
|
唔用正廠旅行套裝，有人就會用雜廠的散件兩腳頭。
|
|
|
同樣的方式更換。
|
|
|
放大睇的話，會見到有少少虛位，我無用過原廠，唔知是否沒有任何虛位?
但呢個雜廠就有喇，不過只係影響到外觀，並對接電源時，無任何不良影響，更不會用用下斷電。
|
|
|
目光放遠D，唔好咁近睇就唔係好覺個虛位大。
|
|
|
由於兩腳容易收藏，所以在備用狀態下可以把腳收得更加好。
| 使用狀態 | 備用狀態 |
 |
 |
|
|
|
Travel Router
呢個功能，只係 AirPort Express 其中一個功能，如果只係為呢個單一功能而買 AirPort Express ，
咁身價 $748 的AirPort Express就好唔化算了。
如果你對呢個功能有興趣的話，可以無需因此而購入 AirPort Express ，
因為市面上有很多呢類功能的代替品，價錢都只係港幣 $2XX- $300 咁上下。
以下是眾多牌子之中，其中一款，有興趣的朋友可作參考。
http://www.everbesthk.com/1-home/highlight/0294-%2016may11/6802.htm
|
|
|
如果早前錯過了Zoie的介紹，可Click以下播放器得到重溫。
Video
|
|
|
 |
一 |
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。