電視升降路軌

發佈日期 : 2011年 10月17日

 還記得在我 2002年期間，家訪的一位網友 Hans，當時還未有薄屏電視的出現，

這個電視機升降座係幾咁偉大的發明，佢可以把一部虎背熊腰顯像管電視，輕易地隱藏起來，

幸運的我當年有拍下這個 Video，今日得以重溫，還在回味當中。

  Video 

　錯過了的朋友可透過以下網址得到重溫當年的筆記。

http://www.avbuzz.com/audio-video/200803/hans/0.htm

升降路軌 2011

有睇 J2台今集安樂窩節目嗎? 

節目介紹電視升降路軌呀，我強調係路軌，並唔係 9年前的座，意思係更省位置。

今時今日，各位家中電視機都轉成薄屏電視，可以節省很多空間。

想唔到原來今時今日，依然有推出為薄屏電視而設的升降器，好利害呀，而且更纖薄~~~~~~~

以下就係今集 J2台安樂窩節目內片段，

呢款路軌真係好得呀，近日有打算裝修的朋友，一定不要錯過呀!!!!

  Video 

嘻嘻..........大家睇完片段都會知道，今集的嘉賓係叮汀。^^

本來在呢個書桌上是沒有電視機的，經那位女設計師一按書柜上的暗鍵，

一直收藏在頂部的薄屏電視就慢慢降下來。

片段內有提到這個裝置可用搖控操作，實在太完美喇!!!!!

不過就無詳細講述這個搖控是 RF還是紅外線。

　片段內，汀叮也問到有關隱藏路軌，會否在維修上做成不便，

你睇下圖，原來係用暗門把這個路軌隱藏起來架，萬一要進行維修時，絕無難度啦。

但係唔知幾錢架呢? 真係好吸引，睇完有點後侮當日裝修唔用呢個方式呀~~~

不過我都仲有個小問題，就係片段中所見電視，

大約四十多吋上下，未知是否能承受 50"或以上的型號呢?

 180 度轉動

後來我在 Youtube 見到呢個座，仲堅!!!!!角度仲可以轉到達 180 度添，

不過也是由於可轉角度的關係，所要佔用的空間相對就比上述的大喇，

睇佢運作時摩打咁靜，相信唔會平得去邊，分分鐘名貴過部電視，但要型就當然要錢啦係咪? ^_^

  Video 

今集還有汀叮介紹呢間屋的其他各個部份架，

如果錯過了的朋友，可去TVB網頁得到重溫架。

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。