等

發佈日期 : 2011年 11月19日    圖 / 文 : 巴斯

早前宣佈 Nano 第一代電池有問題，需要換機，唔知好彩定唔好彩，我有份囉。

呢日終於有時間............Sorry終於有機會經過總壇，開業咁耐，都無去過，

換機係需要預先在網上登記預約的，但我呢日只係順道經過，試下撞彩一問。

原來都係一定要預約先可以接受處理架，不過好有禮貌的工作人員見我所需服務，唔會阻太多時間，

於是就用手上iPad，即時幫我做頂約手續，

幸運地他們都接受我即時的預約，我等了約兩分鐘就輪到我。

而登記部機的手續好簡單，問我電郵地址，聯絡電話，姓乜名乜，然後佢輸入有關呢部Nano機的資料，咁我就可以帶埋部舊機離開，

無錯，係帶埋部舊機離開，而唔係新機，因為我係需要等 4- 6個星期，先可以收到電郵通知我來替換新機。

不過...........好耐之前我都無再用呢部只有4GB容量 的 Nano，佢換部機比我，

我都係放埋一邊唔用架啦，賣又唔值錢，不過有件咁事，咪做埋佢咁解，心情一點都無開心感覺。

特別鳴謝

和妹妹之間的 imessage 溝通，由前日開始，無固雙方都無法傳送內容，我搞了好多好多次都無法解決，

但我和其他朋友的 imessage 溝通是沒有任何問題，只針對我和妹妹。

在店內問職員問題，理論上係要預約的，當我完成了有關Nano手續後，

在無預約的情況下，我以為可以三言兩語，職員答到我。

我向其中一位個樣好似明星的工作人員發問，

八兩金? 痴線!!!!靚仔來架，真係好靚仔的，佢第一時間問我有無預約，我當然話無啦，

但佢好清楚解釋我知，無預約理論上係唔受理，佢只能提供最簡單的回答，唔想阻其他一早預約的人。

太好了，但由於一向表達能力低的我，把他帶去遊花園，

他提供了幾個不同的解決方法，但都不成功，阻了他不少時間，幸好聰明的他最終知我的問題所在，

最後他教我 重置設定，咁就解決了，感激!!!感激!!!再感激!!!

困擾我幾日的問題，一時之間解決了的心情多好呢。

在這裡非常多謝這位靚仔職員的幫助，我自己知自己不對，我係唔可以無預約就去問職員技術上問題，

如果人人都好似我咁，一來對一早預約的朋友唔公平，二來又使到職員難做。

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。