TK Chan 理解與評價

發佈日期 : 2011年 11月14日    撰文 : TK Chan

不如直接演釋,巴斯既感覺, 其實新機同舊機個畫面差唔多一樣。

不過舊機應該停產, 所以以後買既就一定 4K 機??? 

呢個 e-shift 技術, 同數碼相既插值原理 - interpolation 差唔多, 不過插值智能高好多, 

因為係會將左右上下四粒 pixel 去比較然後產生粒新既中位數值 pixel 插入去。

Jvc 既 e-shift 技術, 照圖解只係將原有圖像偏移去上、下、右、三個方面產生多​三粒素像, 

點睇都係原有粒素像一模一樣既數值, 應該唔會係畫面上既解像度有增多左既數據得益, 

搞得唔好, 分分鐘畫面會變「鞋」左, 換言之, X70 粒晶片既密度都係得 1920 X 1080, 

只係用軟件技術去倍線而己, 同以前「發難渣」倍線器一樣。

但未睇過實機, 唔敢講實際畫面表現係點。不過, 我沉日同 Brayan 地飲茶傾開另一個問題,

如果你去周海櫻既AB側試, 睇下可唔可以做埋呢個比較。

Bryan 而家用緊 X-7 + Anarmorphic lens 播 100" 2.35 銀幕, 咁 X-70 直接 zoom 大去到2.35 銀幕既解像度,

 是否可以同 X-7 + anarmorphic lens 有得比? 照理論, X70 多 X7 四倍既「解像度」,

就算唔用 anamorphic lens 唔靚過都唔會輸。如果用埋, 又是否靚到無朋友??? 

因為我而家叫緊 Bryan 賣 X7 換 X70 。個 anarmorphic lens 是否有需要保留定係賣埋回錢入袋。 

老實講, 如果 X-70 zoom 大已經有 X7+ anarmorphic lens 咁靚,以 100" 銀幕黎講已經足夠有突, 

再加個 lens 只係錦上添花而己, 如果去到 150" 或者更大啲既幕就唔同講法, 但咁就要先買過間大屋先。:):):)

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。