Zoie 日本之旅
發佈日期 : 2011年 12月7日
|
|
|
經濟
輻射並無影響今次在東京的心情，因為到步後無論市面氣氛或電視節目內容，都無任何使我聯想到輻射。
有朋友問燈火管制還存在嗎? 答案是 : 並不存在。
就以新宿最熱鬧的靖國通為例，去年四月落成的七層高 LABI 電器店向街的燈光，
圖中可見幾部，每部幾層樓咁高的顯示屏，照到條街等同日間一樣。
早前實施電器店內的電視機要全關上，要有客人想睇先開的措施，現在都取消了。
現在電器店內的所有電視都是回復正常地開著，店內更加燈火通明。
|
|
|
消費
今年日本經濟咁多年最惡劣的一年，前次來的時候，己見到有年青男女租唔起屋住，晚上靠時租網吧度宿。
今次見到新宿街頭，流浪漢數目比上一次來見多了，使我為日本人擔心。
經過竹下通時，居然見到有三到四間鋪係無人租，由幾十呎到過千呎面積不等，
試想像一下，等同女人街的店鋪，會有幾間無人租的店鋪嗎?
當時有一秒想過拍下來，但最後都無咁做到，唔想帶著一個不開心的心情在這個地方，於是當睇唔到經過就算了。
|
|
|
十算匯價
作為一個遊客，又唔係在該處做大買賣，又唔會花十萬八萬，匯價十算，對一次半次旅遊又差得幾多呢?
如果之前去過日本，真正用過七算或八算的朋友，突然變成十算，又真係好肉痛，
就以到達成田機場後，坐車去酒店咁簡單，明明呢程車之前係港幣 $210，現在十算匯價要港幣 $300，以前坐過的朋友一定肉痛啦，
但可以點呢?唔通行路咩? 覺得貴可以唔去日本，去得的話，就唔好想之前係幾多匯價，免得影響心情。
|
|
|
Zoie
12月9日是Zoie的生日，在這裡預祝 Zoie生日快樂，永遠都好似依家咁開心，超能力永遠跟著 Zoie，直到永遠。
呀 One ~~呀Two~~~呀One Two
Three Four~~~
Happy Birthday To You~~~ Happy Birthday To You~~~
Happy Birthday To Zoie ~~~Happy Birthday To You ~~
.gif)
Zoie 無論係外型或性格上，都非常日本，每次用鏡頭對著她時，總覺得日本是屬於她，在香港影她是很浪費她的才華。
當然今次的作品我是極之滿意吧，日本果然是屬於Zoie的呢。^^
Zoie >>>>>>>.gif)
<<<<< 巴斯
我認識女生之中，擁有藝術才華的除了 Micoko外，Zoie就是另一位了。
Zoie不但修讀化粧課程，而且擁有很多藝術天份，例如廚藝，改衫，手工藝等.......
其中畫畫是她強項之一，曾代表學校得過獎，更有人打算送她海外進修，但因不捨得家人被 Zoie 拒絕。
Zoie做乜都做到，似擁有超能力一樣，有時她有予知能力，有好多次的夢景，在後來真的在現實中出現。
平日影相時，好多時我都未講出口，她就知道我想點，實在利害。
雖然Zoie全身都是充滿著日本元素，但從來沒有去過日本，今次第一次踏足日本，唔開聲，其他人就以為她是日本人呢。
|
|
|
自制証件套
Zoie的藝術天份高，就以出發前的証件套為例，都是要自己加工後先用，完成品實在太可愛了。
|
|
|
與昆蟲的緣份
唔知點解，Zoie好多時候都會遇到小動物或昆蟲。
在日本期間，她分別與台場的螳蜋和新宿的蜻蜓合照過，奇怪是牠們都不會因Zoie靠近而走開，
所以我好相信 Zoie係可以坐筋斗雲架。
|
|
|
Zoie的創意 
Zoie的創意絕對係在我幾十層樓之上，還記得呢一張相，係我最喜歡的一張，
這張相雖然係用我的手指按相機 Shutter，但整幅相的構圖和道具，還有Pose，都是由 Zoie設計。
這日在新宿拍攝過程中，被Zoie無意之中發現在暗角收藏了一支掃把，
Zoie好想利用這枝掃把，當時她就構想到這個畫面了，我只負責按Shutter成像。
在日本人眼中平平無奇的一把掃街用的掃把，Zoie拿在手中，就可以變成一把魔女飛行掃把，真係非常非常之有天份的一個女生。
|
|
|
.GIF)
神乎其技~~~一爪5個
這晚食完晚飯後，Zoie想去夾公仔，龍貓是Zoie的目標。
夾公仔場地係禁止拍攝的，不過我偷偷地拍下，原意只是拍下她玩的過程，
我真係無想過佢居然係咁輕易就一爪5個，實在太利害了，很難相信她不是有超能力的呢。
Video
|
|
|
.GIF)
自轉
這日來到秋葉原，當我正專心找地圖內某一個店鋪位置時，
Zoie唔想打攪著我，自己利用 itouch 在路中自轉拍成以下這個Video。
平日Zoie在家中用轉動椅自拍得多了，在戶外還是第一次。
哈~~~~ 效果出奇的好，實在太利害了。
Video
|
|
|
電器店
圖中呢個係 Sharp 60" 3D電視，正用JVC 3D攝錄機對著大家，讓大家感受一下自己變成3D時的樣子係點。
原意我係叫Zoie好似現在咁做一個Pose交代就可以了。
|
|
|
另一個鏡頭係好似依家咁就可以交代到。
|
|
|
誰不知正式開始時，她二話不說把臉貼近鏡頭，做出搞笑表情，
你知道在一個 60"大畫面的環境下，見到 Zoie大頭係會點呢。
咁大個頭在 60"畫面出現，店鋪最遠的天神村路人甲乙丙都見到Zoie啦!!!!
你都見到我的構思和 Zoie構思分別有幾大吧，明顯 Zoie 構思的可觀性遠大過我。
由此可見，Zoie的創意是遠比我高出十萬九千里，所以好喜歡跟她一起影相呢。
PS : 成像後大家係見唔到 3D 散焦的效果呀。
|
|
|
畫
回港後 Zoie 畫了七張畫，作為紀念和回憶今次日本之旅，每張代表她一日的行程，
以下是她七日的行程畫，簡單的一張畫，就交代了當日所到之處，好有意思，好喜歡。
Day 1 
這晚來到成田機場，剛剛錯過了最後一班去新宿的成田特急，
只好接受多花時間的巴士到新宿，到酒店後都深夜了，幸好入住的酒店是在市中心，無需要再轉車，否則.........
日本之旅第一天就是在這不知不覺間渡過。
|
|
|
Day 2
這日要去原宿為今次拍攝買衫，竹下通自然是首選的地點，
裹原宿的店鋪靚到不得了，不過到步後食少少野，然後先開始行。
買呀~~~試呀~~~行呀~~~噢咁就黃昏了，但未夠數，明日再戰。
返到新宿放下戰利品，再到外面晚餐，今晚主角係拉麵呢~~~~
晚餐後 Zoie突然想食納豆，找完一間又一間的店鋪都失望而回，
幸運地終於在 7-11找到了，Zoie好開心咁返酒店試食人生第一口納豆。
|
|
|
Day 3
昨日原宿買唔夠數，今日來到涉谷續買未完的服飾，尤其係鞋。涉谷109 自然係必到之處，收獲好好呀。
行得實在太開心，要三點幾先食午餐，是最最最好味的一蘭拉麵，
之後到最大的二手連鎖店 Book OFF走轉，點知地庫的古著深深吸引著Zoie，
最後為 Zoie買得開心，取消行程，留在這個古著店尋寶，直到旁晚先離開。
返酒店放下戰利品之後，炸豬扒飯係今日晚餐，好好味呢。
之後去韓國街走了一轉，仲買了一罐Kitty生果返酒店做今晚的甜品。
慢步返到酒店附近，尾聲係 Zoie 表演夾公仔，居然一爪五隻，利害的 Zoie呀!!!!!
|
|
|
Day 4
秋葉原是今天第一站，但好可惜這地方並不是一個好的拍攝景點，影相數量不多，反而找到拉罐麵就比較有趣味性。
之後去了代官山，嘩~~~~D景靚到無朋友，由車站門口就立即可以有靚景出現，加上斜陽的配合，好有氣氛啊，
係咁影影影同埋影，好彩有足夠彈藥，一直影到太陽落山先收手。
返到新宿食义燒拉麵做晚餐，是晚甜品係布丁，在便利店找到的。
|
|
|
Day 5
上野公園係今日的第一站，天不做美，是日下雨，
未開始就下雨粉，所以在車站旁用500日元買了一把透明傘，一般透明傘只需100日元就可以在各便利店買到，
呢把一來大一點，二來傘骨是黑色邊，所以貴五倍，因為入鏡靚一點，值得呢。
上天很照顧啊，幸好只是雨粉，而並不是傾盤大雨，還可以影到心目中的七成景點，
最後雨越來越密，還是去食飯順便避雨。
Zoie換過另一件衫之後，咖喱豬扒飯係今日的午餐，食完就向代代木公園進發，
天氣還是沒有好轉，但幸運是沒有惡化，
在代代木公園門口影得最開心，之後天色越來越黑，滿以為今日就咁收工，
哈~~~點不知因為天色變暗，所以街燈，建築物和車都亮起燈來，
加上雨粉把地染濕，整個畫面靚到無朋友，感謝上天送上咁靚的一個天氣給我們拍攝，感激~感激 ~再感激。
|
|
|
Day 6
是日天氣好好啊，出發去築地市場，先來一個三色飯，去到店鋪是滿座的，
哈~~~~剛剛來到，我第一志願座位上的顧客就起身走，上天實在對我太好了。
食完美味的三色飯之後，就在築地市場內拍攝，內有不少景點呀，
向台場進發，途中經過夕留站轉車時，發現有個空中花園，勁正!!!
配合斜場，加上Zoie超水準表現，無論拍Video或硬照都靚到不得了。
來到台場的摩天輪，時間剛剛好，無需等候，趕到拍攝整個台場做背景的日落景，
摩天輪上的逆光最靚就是這個鐘數，太滿意了吧。
摩天輪轉一圈需時 15分鐘，轉完一圈剛好見不到太陽伯伯了。
拍攝完台場的夜景後就回新宿食晚餐，今晚是牛肉飯呀。
|
|
|
Day 7
時間過得真係快，來到最後一日喇，好唔捨得日本這個地方，
由於黃昏機的關係，Zoie可以在酒店附近由上午一直影到中午先離開，
睇得出Zoie都好唔捨得日本，這個早上她見景就走埋去影，比我積極十倍。
一輯新宿速影就非常之容易就完成了~~~~~上述提到過的 Zoie魔女飛行掃把，就係呢個時間影出來架。
影到咁上下，襯有少少時間，在附近食了拉麵先離開。
上了成田特急之後，滿以為只係影幾張車廂照就收工，
想不到在車廂內太陽伯伯送我們走呀，所以又有一輯成田特急的Video作品。
|
|
|
 |
一 |
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。