G.E.M.~GET EVERYBODY MOVING CONCERT 2011

藍光推出了~~

發佈日期 : 2011年 12月18日    圖 / 文 : 巴斯

13歲自己創作一曲睡公主參加比賽而入行，19歲在紅館開個人演唱會，而且首首歌都咁好聽，

十分喜歡而且欣賞的一個唱作歌手，演唱會當然入場支持啦。

12月17日星期六，我............我..........終於等到 G.E.M 呢隻藍光碟的推出了。

我真係等左好好好好耐，由當日步出演唱會當晚就開始等，幸好在耶誕前推出，

咁樣在平安夜，就可以在家中與朋友一起睇住呢隻碟，一邊打邊爐，一邊睇。

點解唔用投影機睇? 哈~~依家D人仲點會陪你在黑媽媽的房間，仲要座定定睇咁悶架。

我自己一個就會，普通市民係唔會咁樣做，依家D人同一時間要做幾樣野先得安樂架嘛，點可能座定定丫，呢隻碟淨演唱會部份都138分鐘。

我就無本事可以迫到人地在一個黑媽媽的環境下，眼定定咁睇返成隻碟喇。

普通市民一定選擇在客廳燈光火著的環境下，做下呢樣，做下果樣，所以用部 50"電視睇開心好多。

圖為碟正面和背面樣子。

盒內除有藍光碟外，還有一本小冊子，

有幾多頁 ? 你自己數下丫。

收錄138分鐘的演唱會內容，還有四條聲軌放在碟內，

一隻單層25GB可收納到而保持應有質素嗎?

以下係今次碟內所收錄的曲目，當中還收錄有三首製作特輯。

special features

 13:46

哈~~~那位攝影師真有眼光，一眼就睇到佢的出現，

在大約 13分46秒，當G.E.M.多謝大的時候，鏡頭就影著她呀.........原來當日她和我欣賞同一場。

個人評價

我係先睇 special features ，因為有 A.I.N.Y. (piano version) ，第一眼真係嚇親我，畫質好差，我以為整隻碟都係咁差呀。

後來在正式內容觀看先放心返，只係 special features 差吧。

雖然呢個演唱會，係香港擁有最好器材的 Video Channel拍攝，但唔可以和蔡琴演唱會示範級作比較，

因為呢個演唱會放好多煙做氣氛， Video Channel 在咁惡劣的環境下，都一樣唔可以達到最佳畫質。

不過我所指係最佳畫質， 只係用發燒友的立場去看，而且仲要用投影機放大畫面來睇的評價，

如果普通市民，用正常家用電視來睇的話，一定無投訴，唔好乜都要達發燒級先可以睇，唔該用心去睇製作上的內容仲好吧。

聲效方面，我還是喜歡用 DTS HDMA來欣賞適合我個人口味。

呢隻碟的聲畫質素，最差佢一定無份，最靚又未輪到佢，不過不失，我相信喜歡 G.M.E.的音樂都會喜歡呢隻碟。

最 High一定係 Get Everybody Moving ，平日聽唱片都聽到好似一大班人操兵咁樣的節奏，

來到演唱會更加強烈的節奏感，而且又爆晒碎紙，勁High。

而全場合唱 Where Did U Go 就最有氣氛。

情人一開始是接近清唱，都好好聽架喇，去到 37:59第一下Bass響起，正到不得了~~

整個演唱會我最不喜歡她唱 忐忑 ，本身我一直以來都不喜歡呢首歌，更唔識得笑呢首歌，總之就係好討厭呢一首歌，

就算係G.E.M.唱我都唔喜歡。

容許我拉開少少話題，我知所以喜歡G.E.M.除了她的歌好聽之外，個人仲好搞笑。

以下呢段自彈自唱木吉 + 加鋼琴版的 One Button，

唱得好好，一定要睇呀。

G.E.M. - "One Button" 木吉他 + 鋼琴版

  Video 

放開拳頭

真係要多謝那位熱心市民，把其中一段高清質素的情人，放上網分享，我日睇夜睇來等呢隻碟推出架。

依家我手藍光碟，唔需再睇佢喇，在這裡多謝那位熱心市民。

其實官方應該多放高畫質片段上網，等多D人發Link幫佢宣傳一下嘛。

時代唔同架喇，放開拳頭啦，你會得到更多的。

如果你無打算買呢隻碟的話，睇下呢段片，可能另你改觀。

  Video 

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。