包膠

發佈日期 : 2011年 12月26日    圖 / 文 : 巴斯

手機做到咁薄係工程師與科技的精細結合，每薄 1mm 都得來不易，我就無法接受到用一個厚殼來包住佢，

更難接受到加殼後好似一隻怪獸咁款，但如果完全無保護，我又過唔到自己那關。

在我眼中，唯一可接受到，只是包膠。

過去把 iPhone 4 貼透明膠，貼完好似無貼一樣，但就多了一層保護，貼得好滿意。

呢日一出機，就把白Note帶來包膠，電話預約的同時，知道了包一部 Note，貼背部加側邊收費 $200 。

考指力

工序先貼背面，把一塊膠料剪裁，是第一步。

用暖風筒一邊吹，一邊貼和收縮。

我覺時最難係四隻角，包完唔可以見到有摺紋，

圖中可見，膠貼現在蓋著整個底部，這一刻的蓋是時無法拆開。

要用手指加壓啊。

包好背面之後，再圍邊貼上幼幼的膠貼。

連條邊都貼好之後，就完成貼呢個動作喇，而也是完成了一半的工序，

接下來就係把本來封死了的底開返出來。

透過下圖可見到，正在圍邊開返出來。

搞惦~~~蓋可以正常的拆出來了。

考刀功

接下來之後就係最最最最考刀功的時刻，以下時間，係要把本來被封著的孔，一一用刀開返出來。

就好似左圖的收音咪，和耳機孔，筆插位...........呢D一一要都要開返D洞出來用。

留意手機鏡頭位置，一早用保貼萬用膠來保護鏡頭。

保貼萬用膠依然被膠貼封死在內，現在要用介刀切回出來。

由於底蓋被拆出來之後，還是要用介刀修邊。

你睇，邊的手功藝真係利害。

前面多出來的保護膠用了一撕就完成整個大約半個小時的過程了。

如果你唔想用一D怪獸殼來加厚部機，你可以教慮一下先達頂樓的星暉。

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。