銀手淪陷了

銀手淪陷了

發佈日期 : 2012年 1月7日圖 / 文 : 巴斯

三星宣佈，自推出 Note至上星期為止，售出100萬部的紀錄。

我出 Note的期間，見到 Facebook有唔少人貼出 iPhone 4s 訂戶退訂單的貼圖，

加上黃金時間電視廣告以地氈式轟炸，似乎 Note 的勢頭真係好勁。

前日銀手午飯經過電器店見到Note，之後整日都好心散，無法投入工作，去到黃昏..............終於淪陷了，

聖誕期間聚會，銀手係眾人之中，其中一位取笑我的人 : 佢話睇我用得部Note幾耐，嘿嘿嘿，原來.........

哈............我唔想比人打，唔講喇唔講喇，下刪十萬字。

黑Note

銀手是白色 4S 用家，要放棄 iOS系統轉投 Android 再加 4S 二手差價，

一定要好有決心先做到，能夠踏出呢步，實在唔容易。

不過我可以講你知，你一定後侮，後侮咁遲先轉過來 Note。^_^

一直後侮自己購入白蛇的銀手，今次有機會轉色，第一志願一定係黑Note啦。

無機套?

銀手第一志願的百老匯無晒機套送，仲唔走人咩，

個機套去三星香港官網可見，建議零售價 $248，呢個機套跟機有一個送 ( 非賣品 )

不過屬於上台出Note的用家係無機套送的，呢批用家想要呢個套，又唔想咁貴買，只可以在外作私人交易，

因為有唔少人想擁有兩個作後備用，就算易手私人轉售，全新未開封成交價都要約 $198。

無得送機套，銀手一定唔會采佢啦，最後在中原電器行，以 $5998買到，跟機唔只有原裝機套，

仲有副廠充電器和充電一塊，再多一隻 mircoSD USB讀卡器。

聯絡人資料

銀手醒目，出機時捉住店員，要把 iPhone 4S 體內的聯絡人資料，過戶到Note，

負責招待銀手的店員，口述比銀手知，返到屋企透過電腦點做點做，銀手一句都聽唔入耳，

主動希望店員可以透過第三方手機來做藍芽過戶聯絡人資料，但這位店員好似聽不明白，

幸好站在店員後面的高級職員，一聽就知乜事，高級職員答應，

如果銀手真係買的話，他會為銀手做呢個聯絡人資料過戶工作。

銀手好開心咁離開店鋪，第一時間撲去數碼通換返張細大卡，因為有殖入Note體內的聯絡人資料關係，

未返到屋企，銀手就可以一邊上網一邊打電話四處報喜。

當你見到呢篇文章的時候，銀手正努力地學習使用中，今早又Whatsapp來傾有關Note了，

...........唔........似乎，又多一個離開 iPhone ，返唔到轉頭的人了，單係那個5.3"的螢幕就使人跪低。

長氣提多一次，如果正打算買部新智能手機的朋友們，請你停一停，想一想，

今時今日，iPhone 係咪真係仲係你的第一選擇? 唯一的選擇?

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆ avbuzz.com精神，人人毒我，我毒人人 ◆

　謝謝收看這篇文章，你是第個收看這篇文章的讀者。