Sony NEX-7人像表現
發佈日期 : 2012年 1月24日 圖 / 文 : 巴斯
|
|
|
銀手購入 NEX-7 的第二天( 年廿八)，他自己暫時不玩一日，為的就是借這部機給我試用，在這裡萬分感激他，
對我來講，如果要打 NEX-7 主意的話，我並不會當她是一部DC，
而係要她達到單鏡反光機的標準，否定單鏡反光機在我心目中的重要性。
由於有人強調她的ISO好勁，ISO 處於 1600都好滑，真係好想知由 ISO 800起跳又會係點。
購入 NEX-7 對我來講等同換相機系統，買得她，就唔會用單鏡反光機，所以考慮得比較認真。
當然這個標準只是我自己定，無需要同任何人交代，只要我自己覺得就可以了。
唔知好彩定唔好彩，這日山頂非常大霧，絕對唔係試機的日子，
但明日就是年廿九，我無可能霸住部機兩日，仲要年初一先比返部機比銀手架，
買幾千蚊部機，要咁試法，人唔笑狗都吠，
你見圍內有無人試完先決定買丫? 無!!!!!
他們未出就預訂，邊有我咁麻煩，我自己都唔好意思，借一日都覺得醜啦，何況兩日?
當你見到示範相的時候，請你唔好驚，唔好亂，因為執相已經成為我的個人歷史，部機對主力人像攝影的我來講，係零缺點!!!
單鏡反光機在我的攝影之路，經走到盡頭........
如果想一夜之間把自己的攝影技術提升十倍，NEX-7 係唯一選擇。
以下Mark哥講出晒我的心聲。
Video
|
|
|
這輯相是基於以下拍攝狀態 : 全手動光圈快門，無打反光版，不用閃燈，ISO 設定 800 或 1600，鏡頭為 24mm/ f1.8。
整輯每一張相均為 2400萬 ( 6000X4000 ) 原圖 EXIF資料，無後製直出 ( 縮圖都無經後製，Resize Only )
可Click以下圖片看原圖
|
|
|
初初開始時，霧不是太大，還可以正常拍攝.............但之後就一步一步的惡劣下去...........
可Click以下圖片看原圖
|
|
|
|
|
|
霧的出現，使到試散景效果無法得到測試，
但換來一個好 mood。
可Click以下圖片看原圖
|
|
|
本來有霧都一樣可以影，不過似乎越來越大........能見度一再收窄。
可Click以下圖片看原圖
|
|
|
後來能見度去到咁樣...........其實我初初都以為咁樣仲可以影，點知好大風，加上氣溫下降，影張相遮，無謂冷親 Zoie，
何況太大風，吹到 Zoie的帽也飛跌了兩次，所以要入室內避一避。
可Click以下圖片看原圖
|
|
|
夾著濕氣的風真係好冷，何況不太多脂肪的 Zoie 呢。
影完呢張，立即走到室內去避。
可Click以下圖片看原圖
|
|
|
混合光源
人像攝影領域裡，最喜歡在混合光源下拍攝，混合光源意思是在室內的射燈照明下，同時有天然日光的出現，
出來的效果總是靚得死去活來，邊度有混合光源?
日間商場或餐廳落地玻璃前，都唔難找到呢D混合光源。
來到這餐廳，找了一張近落地玻璃的座位坐下來拍攝混合光源試機相。
這枝 24mm / f1.8 定焦鏡頭的表現，真係無任何投訴，有呢D散景好開心架喇。
可Click以下圖片看原圖
|
|
|
操作零難度
呢部機的右上角兩個分別是光圈和快門扭，唔單只方便就手咁簡單，最最最最仲要係佢可以實時影響到屏幕和成像的光暗，
即係話眼望住個屏幕，就咁推呢兩個光圈或快門扭，唔需睇測光錶，就可以預覽到張相的成像光暗，記住!!!!係單手!!!
方便到咁樣，睇住個畫面來調光圈快門，失敗率接近零啦。
即時跪低
入到餐廳在這個混合光源環境，無助手，無打板，無閃燈，眼見部機表現咁樣，即時跪低。
放大後留意眼蓋的閃粉，真係好囉命。
可Click以下圖片看原圖
|
|
|
可Click以下圖片看原圖
|
|
|
面對咁樣質素的成像，靚成咁，仲邊有說話講?
無錯Zoie的確是在這裡補過粧先再拍攝，但你睇其他出現在畫面上的豐富顏色，和化粧有關嗎?
長髮的漸變和化粧有關嗎? 龍眼紅棗茶的暖色和化粧有關嗎?
我的單鏡機加我拍攝技巧，好似依家咁，唔執相直出 ? 自問做唔到喇。
可Click以下圖片看原圖
|
|
|
|
|
|
留意右手邊的這一張相，你見部機係高過 Zoie的頭，但並唔代表我要企起身影，
事實上我只係打直舉高部相機，眼望屏幕構圖，就咁卡擦，
整個過程，由舉機到卡擦，用了兩秒，家中的單鏡反光機即時失寵，跌落萬丈深坑，依家都仲未有回音。
可Click以下圖片看原圖
|
|
|
|
|
|
山頂這個商場，相信大家熟過我，商場頂部是透射天然光的玻璃，
依然是混合光源環境下拍攝，和餐廳的不同是天然光來自頂頭。
夠照嗎? 太開心了吧。
可Click以下圖片看原圖
|
|
|
咁又點呢 ? 洗唔洗咁滑呀~~~ISO 1600 呀~~~
可Click以下圖片看原圖
|
|
|
不如咁丫~~~~我都係舉機構圖架炸。
可Click以下圖片看原圖
|
|
|
咁又點呀~~~24mm/ f1.8唔失禮掛。
可Click以下圖片看原圖
|
|
|
係唔係成日都要在混合光源之下先影得丫? 咁唔係混合光源係咪唔洗影相呢?
選去全室內的商場，利用來自飾櫃和頂頭射燈做光源，成像咁樣，可能你部DC機得啦，我手上果D就唔得喇。
100%之下，留意眼晴 Sharp 到叫救命，用緊 ISO 1600 架，塊面有無滑成咁啊~~~無開美肌模式架，
黃子華腔 >>>>> ( 係咪痴線架? )
這刻，我真係唔想還返部機比銀手。
可Click以下圖片看原圖
|
|
|
濃霧
商場影夠，外面環境比剛剛入來更惡劣，但...........更有Mood，
這是用舊的山頂纜車改建而成的客務中心，如果你係遊客，你會唔影呢個景嗎? 仲唔排晒隊咩。
就是因為天氣惡劣，無人，一個人都無。
Zoie真係一裸幸運星，山頂日日都有得影，霧鎖山頂就唔知幾時先有，仲要我倆有空先可成事。
圖中可見車尾都見唔到，能見渡有幾多，後面是蒙主體 Zoie 依然 Sharp，再三強調，好 Mood。
濃霧下的 SkinTone ，我收晒貨架喇。
可Click以下圖片看原圖
|
|
|
你覺得平日可以咁樣影法咩。
可Click以下圖片看原圖
|
|
|
入口來架，你唔好話我知又打板又搞一大輪先影，在NEX-7之下，單手舉機就卡擦了。
無遊人出入就更加可以影多幾張添。
可Click以下圖片看原圖
|
|
|
不如你話我知，客務中心內的燈光又會有幾好丫，
NEX-7 加 24mm/ f1.8 的表現真係無野好講。
可Click以下圖片看原圖
|
|
|
室外太冷了，Zoie的厚衫都頂唔住，最後行去巴士站前，都忍唔住影埋呢個位先捨得走。
可Click以下圖片看原圖
|
|
|
|
|
|
真係好囉命~~~
可Click以下圖片看原圖
|
|
|
急灣落斜
如果你以為上巴士就叫收工的話，咁就真係大錯特錯了，時為 5:00 ，你有想像過在一部急彎落斜中的巴士進行拍攝嗎?
圖中可見巴士正在落斜轉彎中，ISO 被我鎖死在 800 ，光圈盡開 1.8。
你覺得呢張相還可以嗎? 我收晒貨啦。
可Click以下圖片看原圖
|
|
|
撞彩 ? 咁丫，咁係咪撞彩呀? 巴士下層落斜中 ISO 800~~~
可Click以下圖片看原圖
|
|
|
ISO依然是被鎖定為 800，其實可以去到 1600的，只不過我想考驗部機吧，
留意窗外和手上毛毛光位無爆的同時，後排座椅的暗位都可以清楚見到。
在這個環境下，Zoie的 SkinTone 還可以嗎? 我就無話可說了。
呢部機的表現，真係O晒咀~~~~
可Click以下圖片看原圖
|
|
|
來到中環，時為傍晚 5: 30，街上光線，如果手夠定，用來影景勉強還可以，
但影人，唔夠光膚色就唔出，黑晒面咁款，張相你要喇，唔可以再用ISO 800了，改為 ISO 1600下拍攝。
因此，以下圖片，當你睇原圖時，可見到這機的 ISO 1600 暗位表現。
依然是不用閃光燈，依靠吸取現場光線成像。
可Click以下圖片看原圖
|
|
|
|
|
|
ISO 1600 光圈 1.8，快門大把貨在手，用了 1/100 秒成像。
有問題嗎? 就算有都係我的問題。
可Click以下圖片看原圖
|
|
|
可Click以下圖片看原圖
|
|
|
可Click以下圖片看原圖
|
|
|
可Click以下圖片看原圖
|
|
|
個人選擇
其實再試都係多餘，NEX-7的出現，對我來講，轉系統是鐵一般的事實擺在眼前。
iPhone ( iOS ) 轉 Samsung GALAXY Note ( Android ) 都不夠單鏡反光機轉系統咁大鑊，
手上的鏡頭全都用不上，最慘係買了數月的 24mm / f1.4 和可拍攝影片的單鏡反光機。
全新的NEX-7系統，就是貪佢夠細部，唔好同我講用接環，把大機的鏡頭接上去用，咁醜樣我情願唔影。
我希望大家唔好買入呢部機，因為我都唔想咁多人用，人人都係呢部機，你話幾無意思呢?
天與地都有講到，點解要人人都要用同一樣的東西呢? 所以請你睇完呢篇文章，唔好買呢部機，用其他機，好耐都唔該。
每部機都有佢的缺點，何況每個人影的主題喜好不一樣，我只是站在人像攝影角度而言。
呢部機影人像或死物的時候，對焦好快，爽到不得了，但唔代表可以用來影賽車，又或者你喜歡影寵物，
打算影輯狗向西奔走，凍結牠四腳離地的動態，又或者用來打雀，要影牠們在水面滑行捕魚，又或者打算捕足獅子撲兔的一刻，
NEX-7會使你感到失望，媽聲四起，因為佢對焦能力，真係無單鏡機咁快。
你問關二哥最好用的武器是什麼，他一定答你青龍偃月刀，但如果蠱惑仔信了走去用，咁就死得人多了。
蠱惑仔應該用進可攻退可守的摺凳而唔係青龍偃月刀，所以做決定之前，唔該清楚自己究竟適合用什麼機，
我? 你話呢 ?
題外話 : 把NEX-7成像作品傾倒去 Samsung GALAXY Note內以 5.3" 味精Mon 觀看，你會感動流淚到天明..............
|
|
|
 |
一 |
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。
