機都未到手。連加兩次價?

發佈日期 : 2012年 2月23日    圖 / 文 : 巴斯

下圖是攝於農曆年前，在Sony NEX-7剛推出香港市場時 18-200mm鏡頭在香港 Sony官方網頁的售價。

當時官方網頁所見的售價是 $5990。

新年過後，全線鏡頭立即加價，現在去官方網頁，可見到新的售價是 $6490 ，

咁.........即係加多了~~~

三下五落二，三九廿七，車七平八，馬八進九，出前一丁。 計到喇~~~~

係加多左 $500，嘩，無啦啦遲一水貨貴$500，真係慘，

但萬萬想唔到，昨日居然聽到有傳聞，話下水貨仲要再加價!!!!

我機都未收到，鏡頭就加兩次價，無野下嘛? 

咪喇，我都唔理消息係咪真，拿拿臨買左枝天涯鏡先喇。

年初四在百老匯訂的套裝是跟 24mm1.8，18-200mm呢枝鏡係必買的鏡頭，遲早都係要買，咁就依家買喇。

黃昏約了朋友，但未夠鐘，剛巧經過呢間相機店。

見到個價錢............

唔買就笨喇，唔該，請問係咪行貨?店員答係。

加上係品牌店鋪，即比，雖然平得唔夠$200，但係心理上好過一點嘛，

因為無機都買鏡頭，個心唔知點咁架，現在平了 $190 心理上補償返少少罪惡感囉，

何況 $190可以買到好~~好~~~好多個牡丹樓的虛心樂園餐架喇。

有香港原廠保用証架，又無開過封條，

加上品牌店，一向細膽的我可放心買。

雖然真係收我 $6300，但單據就一定要印正價喇。

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。