大追捕 

發佈日期 : 2012年 3月19日    圖 / 文 : 巴斯

大追捕 ，又係一套我誤會而入場的電影，我以為係一套動作片，點知........原來係一套誰是兇手的電影。

不過就算係一套誰是兇手的內容，只要劇本有份量，我臨時轉Channel係無問題的。

但可惜這個劇本和導演的手法，對我個人古怪口味來講，完全唔識欣賞。

劇本的大岡是沒有問題，但佈局實在是很悶。

全片只係開頭那一段極暴力的畫面係最好睇，就連聲效都可得到滿分!!!!

好難忘記那個坑渠蓋重擊打落頭部的聲效，真係好正，動作設計和音響效果應記一功。

過了這一段之後，劇情與張家輝是否有在片中修身，拉不上任何關係，

最心痛係張家輝咁努力去修身做好呢個角色，想唔到係白白浪費。

咁辛苦操到咁Fit，只係為那短短一兩分鐘的畫面 ? 我個人覺得好可惜。

劇情遊花園唔在講，最慘就係拖時間，帶我遊來遊去，又無高潮位，節奏又慢，

片長 108分鐘，好以過了好長~~好長~~時間，由朋友多次轉換座姿，

可見並不投入這套電影內容，所以散場後都無談有關這套電影的內容。

全片反而做得最好係黃敏德，張家輝做得唔差，但由於角色的關係，發揮唔到。

雖然圓方有震動座椅，但由於是劇情片的關係，得物無所用。

唔想再睇多一次呢套電影，他日出碟，更加唔好搞我，我真係唔識欣賞。

以上只係我個人膚淺的個人評價，千萬唔好盡信，

正所謂，認真你就輸了，一套對你來講，係本世紀最好的一套電影，可能因我的膚淺評價而白白錯過。

  Video 

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。