Nikon D800 到手喇~~~

發佈日期 : 2012年 3月23日    圖 / 文 : 巴斯

昨晚圍內訂了 Nikon D800 單鏡相機的朋友，收到電話取機。

不過有人快樂有人愁，因為只是四位當中，其中兩位收到電話，另外兩位，還要等待。

苦等多時的準機主，當然第一時間到達現場啦。

到步後就立即拿出早前落訂的單據給店員取貨了，兩部同時由店員取出驗貨。

比個貼士你，可否由圖中所見內容而猜到D800機主是誰呢?

無錯喇~~~你睇部NEX-7的手帶，就可以猜到是紅色小人 ^_^

用 NEX-7影完係唔夠架，要做到現場佈導，一定要影完相能直上 Facebook 的相機影先有用架，

所以紅色小人要用兩部機來影，又驗機又影相，好忙呀~~~

如果你係國仁 Fans ，一定憑下圖認出他。

國仁好搞笑，佢一次過拖晒兩部D800埋去個座檯鏡面前影自拍，然後貼上 Facebook。

如果你是國仁的親友，就可見到他在個人 Facebook 內貼出這張相，並提到這機不屬於他呢。

店員一先一後，把兩部 D800開箱給兩位準機主驗機。

熟手的店員把機拿出來做功夫，還提供鏡頭給客人試用相機。

乜野鏡頭? 你自己睇丫~~~~都唔失禮架。

一向用開Nikon機的紅色小人，即時影了幾張相後收貨了。

店員再為紅色小人的這部機，進行基本設定，並貼上保護貼。

紅色小人驗完貨之後...........佢居然把這部機即場在店內交比我.........太感動喇~~~

送比我 ? 當然唔係啦，係借我用一日，我當然唔客氣喇，真係太~太~太~~太~~好人了吧。

好，拖返屋企影輯開箱照先得。

打開盒蓋之後，第一眼見到就係咁。

原來呢個盒係有兩層，第一層內有圖中所見物品，當中包括有中英文版本的玉女心經各一，不過所謂中文版是簡體。

還另外有兩本快速指南，都係中英文版各一。

光碟和保用証都存放在呢一層。

下層共有兩件物品，其中一盒係白色，咁就先睇白色先丫~~~

白盒內是圖中所見附件，當中包括埋細心的 USB線夾。

而這機還附上一粒電池。

睇完白盒，再睇埋最後一盒，咁當然是 D800 機身啦。

兩位準機主一向用開高身大機好慘呀，因為暫時 D800 手柄缺貨，兩位只好忍受著很不習慣的短機身了。

紅色小人借出的D800機身，打算用我自己最深愛的鏡頭來影幾張相，

在我還未擁有蔡司 24mm f1.8 鏡頭之前，就係長期用上她在大機上拍攝，

雖然她屬於 24mm定焦鏡頭，但對焦點好近，就算近距離影食物都可以，加上大光圈，在浪漫光源下進行拍攝都難佢唔到，實在愛死她。

自從用上Sony NEX-7 之後，就無再用大機，自然就再無用上她的機會了。

今次借來 D800，咁就可以有機會用返她，唔知用佢來配 D800，成像會係點呢?

另外，紅色小人的反射鏡皇，我仲未還返比佢，咁又可以順便試埋，好!!!!一於今次就用呢兩支鏡頭來影相啦。

以下時間不如欣賞一下部機的樣子先丫~~~~

待續~~~~~~　

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。