Minolta RF Rokkor 250mm F5.6 反射式鏡頭
咁就一萬元
發佈日期 : 2012年 3月22日 圖 / 文 : 巴斯
|
|
|
早前發表了一輯以 Wall E作主題的攝影作品，鏡頭是用上了反射式鏡頭。
這支被稱為反射鏡之皇的 Minolta RF Rokkor-X ，被改成 Nikon mount，
她是一支射程達 250mm，恆定光圈為 5.6 的定焦鏡頭，最近對焦點為 2.5米。
這支鏡當年剛推出的時候，只售約千多港元，時至今日，可遇而不可求，被炒到一萬港元癲價的鏡頭，屬於紅色小人擁有的第二支同款鏡頭，
紅色小人數月前把外觀較舊的這款鏡，透過二手買賣換成現在約九成新外觀的一支。
近日他借我配合Sony NEX-7 相機使用，感覺良好。
反射鏡皇名不虛傳，真係有料到，由成像效果到體積或是樣子，無任何投訴。
不過是否值得用一萬港元擁有，又作別論，不如睇過成像圖，自己評價丫。
|
|
|
反射鏡
反射鏡是用最短的鏡身，可影到較遠的景物，
背景會得到幅作用的圈圈散景效果，而這一款獨特的圈圈散景，也只有在反射鏡先找到。
很多人，包括我，用反射鏡唔係因為她面世的原意，反而係她的圈圈散景，所以有人索性稱反射鏡為圈圈鏡。
也就是因為我心術不正，被前輩鬧到反轉再反轉。
|
|
|
她的出現，只是在內部兩段反射設計，可以大大縮短鏡頭的長度，不過質素一般都不會太好，
成像後，影像一般都顯得鬆散，唔Sharp都似乎是反射鏡的專利，所以反射鏡一直被發燒友評為二線鏡頭。
但這支鏡成像完全無上述的問題出現，只留下我呢類人最喜歡的圈圈副作用在成像裡。
加上 Minolta 絕版鏡頭，也是這鏡頭之所以炒到癲價的最大理由。
|
|
|
這支鏡之所以炒到癲價，其中一個埋由係其顏色，
以發燒友眼中的二線鏡頭來作比較，顏色真係唔錯，我收晒貨架喇。
可Click以下圖片看原圖
|
|
|
配合接環使用
被改成 nikon mount 的這枝鏡頭，當然不能直接地接上 NEX-7 的 E mount 上，接入圖所見的轉接環後，就可以接上使用。
接上後手動對焦是必然的事實，不過 NEX-7 強項功能之一，就是手動對焦提示，
使原本是一件苦差的手動對焦，反變成樂趣 ( 容後介紹 ) 。
接環不涉及鏡片，駁上接環並不會影響原本成像質素。
|
|
|
以下時間，不如欣賞一下樣子吧。
|
|
|
萬元級反射鏡皇，產地來源也是其中一個稱皇的理由。
|
|
|
最近對焦點由 2.5米起跳。
|
|
|
射程範圍一直去到無限遠。
|
|
|
5.6 光圈
光圈恆定為 5.6 ，雖然不算大，但在NEX-7 的高 ISO狀態下，
以我個人忍受 NEX-7 ISO 1600能耐為例 ，只要不是在太暗的環境下，應該大把貨在手的，方便我不用腳。
|
|
|
絕配 NEX-7
這款反射鏡是反射鏡中最短，其體積細少輕身，方便攜帶，加上成像有一定的質素，就是其稱皇理由之一，
透過手掌作比例，就算加上轉接環後，鏡頭總長度也極之短，其直徑也不會影響到與NEX-7的配襯，外形依然簫灑。
以一支 250mm長焦距鏡頭來講，真係短得驚人，單係外型都加分不少。
|
|
|
手動對焦提示
250mm本身是長程，配上NEX-7 之後還要多乘 1.5倍，即實質到達目的地是 375mm，加上是手動對焦，
如果單靠透過那細小的LCD屏幕觀察，要確保中焦位置是100%準確，相信難唔到大家，但我自問就無可能做到 100%準確命中。
下圖會見到NEX-7的 LCD屏幕內，可見到有不應該出現的紅色，其實就係上述所提到的 手動對焦提示 功能，
紅色出現的地方，正係中焦位置。( 如用家不喜歡以紅色顯示，可自選其他顏色 )
試幻想一下我當時，就係用手轉動反射鏡的對焦環，當紅色出現在Wall E 和Eve 身上，
我就 100%確保Wall E 和Eve 身上中焦，而不是中了草堆。
這個時候我先去影這張相就萬無一失吧。
命中率高，成功感自然大，呢D咪就係攝影樂趣囉。
|
|
|
拿~~~比多一個例子你，請看看圖中，你話我依家手動對焦後，中焦位置係邊一度呢?
叻仔，就係草堆，而唔係Wall E 和Eve 身上，所以我要再轉動對焦環，直到紅色顯示到 Wall E 和Eve為止，係咪小學生都識得對呀?
唔..........呢D帝皇式服務，係咪好腐敗呢?
長期係咁操作手動對焦的話，仲唔廢晒你武功 ? 真係害死武功高強人仕架，你武功高強唔好用喇，都係由我呢類無基本功的人來用吧。
|
|
|
和你們分享影呢張相時候的實況丫，你睇，我的構圖係要貼地，唔通我爬地來影咩 ，
NEX-7的 LCD屏幕可以向上反，我只把相機放在地上，需單膝跪地來操作相機...........乜野係單膝跪地?
呢~~~咪好似電影未來戰士入面，阿諾裸體出場咁呢~~~ ^_^
|
|
|
成像後的中焦位置，命中位置係咪 100%丫，唔怕你放大圖睇架播。
呢個手動對焦提示，靠得住架，真係100%信得過。
可Click以下圖片看原圖
我最愛的 NEX-7 ，其中一個強項，就是其 LCD 屏幕能反上反落，不但方便我單膝跪地，就可以貼地構圖，
碰上如圖所見無後路容身之處，她依然可以佔盡地方，用盡每一寸空間，方便到無朋友。
你睇，在吐惡劣的靜境下，用家依然可靠這個被反上來的LCD屏幕構圖，對焦，調校曝光值。
就是因為 NEX-7擁有上述強項，使到配合這枝反射鏡時便易操作，達到得心應手，進一步享受攝影樂趣。
|
|
|
撞彩 ? 咁你睇埋下面那堆原圖喇~~~~~自動對焦失效架，我無得開返個自動對焦來影啊，所以騙不到人呢。
當然唔少得係睇D圈圈靚唔靚啦，呢D圈圈幅產品，都係呢枝反射式鏡頭叫價萬元的其中一個理由啊。
可Click以下圖片看原圖
|
|
|
可Click以下圖片看原圖
 |
 |
|
|
|
|
|
|
可Click以下圖片看原圖
 |
 |
|
|
|
|
|
|
可Click以下圖片看原圖
 |
 |
|
|
|
待續................
|
|
|
 |
一 |
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。
