好無癮
發佈日期 : 2012年 3月28日 圖 / 文 : 巴斯
|
|
|
 |
 |
上星期五經過電器店，見到自由行買到 New iPad，圖中所見，唔洗我講都知他們要硬食其他貨品，先可以即時用原價買到 New iPad 現貨。
不過唔緊要，明碼實價，無半點欺騙成份，最緊要用家買得開心，不過要我咁樣硬食其他貨品，我自問就過唔到自己。
在這裡再一次多謝紅色小人多訂一部給我，我唔需要為 New iPad 四處撲，Un Un腳等收貨，感激~~感激~~再感激。
|
|
|
由於紅色小人選擇在他工作的地方收貨，所以收貨當晚，相約食晚飯，順便交收，同行還有國仁一起。
嘩~~~有兩位影音界名人一起收貨和食飯，真係心理和生理都得到前所未有的滿足。
你睇國仁幾開心咁第一時間把玩 New iPad。
|
|
|
一開機，國仁見到個畫面都第一時間叫了出來，理由係 NewiPad 的畫面密度明顯比之前兩代密好多，
而且最最最最重要係色溫是和全線 Apple 電腦顯示屏體齊，如果用開Apple 電腦的用家，
無可能會睇錯 New iPad 與前兩代的效果，因為那個色溫係一睇就知屬於 New iPad 的了。
國仁順手用 New iPad 影了面前的凍啡，嘩~~~真係靚到佢呢。
靚 : 係指未按鍵影相，見到咁大杯凍啡出晒汗咁款，在 9.7" 視網膜 Retina 顯示屏出現，紅色小人和國仁都嘩嘩聲。
影完相之後在 New iPad 上重溫，同樣係殺死人。
下圖就係由國仁現場所影的該杯凍啡。
相片為 500萬像素 ( 1936X 2596 ) 原圖 EXIF資料，無後製直出 ( 縮圖都無經後製，Resize Only )
可Click以下圖片看原圖
 |
|
|
|
由於太吸引的關係，國仁立即上傳這張圖到他的 Facebook 專頁分享。
|
|
|
如果你是國仁的 fans，上星期五晚，應該在國仁 Facebook專頁見到呢段貼文。
拿~~有國仁認証，你話堅唔堅先。
 |
|
|
|
還有自拍必備的前鏡頭，屬 VGA品質。
|
|
|
500萬像素 iSight 後鏡頭，質素就比前鏡頭好好多了，
話時話呢個 iSight 鏡頭真係幾堅，剛剛國仁所拍的照片，是食店室內環境的死物照片，原來用來影人都還可以架播。
你睇睇，如果唔係用發燒的角度睇，係咪好正先。
用呢個質素在 Facebook發相，邊有任何問題呢?
相片為 500萬像素 ( 1936X 2596 ) 原圖 EXIF資料，無後製直出 ( 縮圖都無經後製，Resize Only )
可Click以下圖片看原圖
9.7" 2048 X 1536 ( 264 ppi )的 Retina 顯示屏真係唔講得笑，味精就一直係架喇，
不過一定唔夠三星咁濃味， Retina 顯示屏靚得來自然囉。
不過所謂靚，只係在 Retina 顯示屏上看是靚，落返電腦睇，只屬於還可以的質素，
如果同 iPhone 4S 所影的作比較，iPhone 4S會靚好多。
|
|
|
一場誤會
我一直以為咁大塊平版，如果要影桌面上的食物時，來自天花板的燈光，一定比 New iPad 自己個影撞住。
哈~~~原來係我太幼稚了，留意下圖 Zoie 現在握著 New iPad 的距離，正是剛剛好可以影到碟上食物最近對焦距離。
留意 New iPad 因對焦距離，被迫離開主體有一段距離， New iPad 自己的影，根本係唔會落到主體上。
下圖可見到實地的 New iPad 自己的影，有排都未影響到主體啊。
|
|
|
你睇，現場是大家熟識的 和民居食屋，這裡的燈光大家熟過我，
對攝影來講，一定唔會叫做好環境，在這裡影相，絕對是考色溫的環境。
下圖可見成像後的濕潤肉質和應有的魚肉顏色，是無被錯誤色溫而搞壞，
雖然話畫質無iPhone咁好，但如果用來做 Facebook 相，質素可接受架。
如果你正肚餓的話，起碼這相會使你有吞口水的感覺吧。
相片為 500萬像素 ( 1936X 2596 ) 原圖 EXIF資料，無後製直出 ( 縮圖都無經後製，Resize Only )
可Click以下圖片看原圖
|
|
|
再看一次 New iPad 對主體的距離，並不影響來自天花板上的光源。
|
|
|
小用
拿拿拿，效果好還好，唔係最好丫嘛，我係咪淪落到要用 New iPad 來拍片或影相先 ?
輪到跟身的 NEX-7 或用大機，都未輪到用 New iPad 掛。
如果我係 Zoie 咁可愛，週街用 New iPad 來拍照當然無問題，
不過你試想像一下我好似 Zoie 做同一動作，你們一定會忍唔住衝埋來打我囉。
New iPad 始終唔係一部相機，鏡頭唔會好闊。
影好近的東西當然無問題，但要影闊景，就需要走遠一些先影到，唔係咁方便，影相都係用返相機。
何況咁樣拿住部機週圍影，我真係唔想人家以為我在搞行為藝術啊。
|
|
|
自 iOS 5.0 更新之後，Home 鍵可以唔用都無問題了。
|
|
|
底蓋與面貼
iPad 1 黑色專用套，係我覺得最無敵的設計，除了配合當時我喜歡的黑色機身外，
個套貼身到好似蝙蝠俠一樣的裁剪，都是深深吸引著我的理由。
日子一日一日過去，我看厭了這個套，換新機，套就好自然要找新款式。
行了很多不同地區的店鋪，都找不到合心意的套，最終我先購入一個，
聲稱厚度只有 0.9mm 磨沙表面底殼來保護底部，並貼上保護面貼，合共 $208。
|
|
|
Retina 顯示屏咁靚，我點可能接受到用磨沙貼呢，一定係高清貼吧。
你睇，白色 iPad 和白Note放在一起時都好襯呀~~Like爆，今日我係第一日覺得白 Note靚仔 ^_^
|
|
|
外套
但只靠那個保護貼的話，萬一要跟背包帶出街的話，背包內的雜物對 New iPad 的Retina 顯示屏會好危險。
於是我又行了好多不同地方，終於在腦場見到呢個牌子的專用套，非常適合我使用，喜歡她是夠貼身蕭洒。
|
|
|
這個套好緊身而且有彈力，頂部有類似帽的設計，
可反到後面去，是我喜歡的設計。
 |
 |
 |
 |
|
|
|
而且背面有一層硬身底背，我可安心把 New iPad 放在背包，
有了這個硬身底背，背包內的雜物，就不易撞到 New iPad 的 Retina 顯示屏。
 |
 |
|
|
|
睇睇，幾貼身。
 |
 |
|
|
|
放入 New iPad 後的正面和背面樣子。
 |
 |
|
|
|
原來我錯
一直以來 iPad都是用無限數據月費計劃，我好幼稚咁，以為我比了高用量月費，就可以喜歡點用都得，
後來由這家電訊公司發言人口中得知，原來我自己係屬於不受歡迎的一批人，
原來我唔應該用量咁高，使到其他人要補貼我，我一直影響到其他唔係用無限數據月費的人都唔知。
之後再發生取消無限月費計劃事件，睇完以下在記者會裡的官方回應，尤期那張咀臉，我真係覺得自己原來係咁乞兒，
我知錯了，由我得到 New iPad Wi-Fi 版本之後，決定唔再打搞呢家公司，
不再續約這家電訊公司，就連智能手機無限上網月費計劃都一起取消，改為去其他唔覺得我係影響緊其他人的公司光顧。
在這裡向該公司說對不起，你們是對的，錯的是我，既然我係咁唔受歡迎，
我做乜仲要個個月比錢佢洗咁賤格呢，何況佢都大把錢，根本唔Care我這微生物吧，再見........Sorry............應該係永別先真。
Video
|
|
|
能源問題
過熱問題? Out晒喇，唔係過熱咁簡單，係另一個問題。
displaymate 做左個測試，話當顯示話 100%充好電， 其實再要充多一個鐘先真係叫 100% 充滿電。
佢地覺得係充電計算程式出錯導致，但 apple 發言人話,
如果顯示話 100% 再繼續充的話，係會損害電池, 所以唔鼓勵大家咁做。
而 displaymate 公司仲發現當充電時，如果同時睇 video 或者玩 game ，New iPad係會停止充電功能。
嘿.......打算一邊打機一邊充電，咁當打完機之後，以為可以行人，咁就中招了。
Apple 到最後都堅持自己充電無問題，仲有其他內容，你有興趣就自己睇喇........
|
|
|
CF 卡問題
Camera Kit 配上兩代 iPad 的 CF 卡過相要夾卡或夾讀卡器問題，來到 New iPad 依然未解決，但 SD Card 就依舊無問題，
不過由於我轉了相機的關係，大機可同時接上 SD 或 CF 卡，NEX-7 用 SD 卡，咁不能對應 CF卡對我來講，影響並不大。
不過我可以講你知 ，三星的 Note 透過OTG接駁，係無呢個問題存在囉，所以我對 New iPad 又多一個失望。
在可見的未來，相信我唔會再換 iPad 了..................
你睇佢.........幫唔到我，仲要我答好，究竟乜野態度? 你講丫!!!!
|
|
|
個人感想
今次隔代換 iPad ，目的只係把睇厭了的黑色機身，換成白色，容量由 32GB增大到 64GB後，可放多些歌和圖片，係咁多。
多出來的相機功能和1080P拍片，和我一點關係都無，試問咁樣心態去買玩具返來，又點會有驚喜呢?
我唔知點解教主可以放咁長假期，都唔返公司處理事務，再係咁落去，
教主努力得返來的地盤就會被其他產品吞食返晒架喇，唉................有乜理由隔代換機都可以得咁少改進?
我記得以前我買玩具後，開心期好長，但現在所買的玩具，開心期好短，
New iPad係最最最短的一件，都無一日就無興趣了。
我心想，用了幾千蚊買這個玩具，萬一比我選多一次，可能我用相同的價錢，
買張機票去東京玩幾日，影下相 ( 呢幾日正係櫻花期，上野公園一定好靚 ) ，可能仲開心過依家囉。
自從 三星白 Note 入宮之後，iPad 早就無再同我一起出街了，因為 Note做到晒 iPad 九成我所需要的功能，
而且某方面做得比 iPad更好， iPad 的存在價值，
就只係做家訪時用來毒人，平日就係用來配合 Remote 這個 app來玩 CAS。
由於家中三套CAS系統，都係必需要用 Remote 這個 apple獨家 app來操作，所以我不能沒有 iPad。
|
|
|
|
|
|
我仲要靠個套來增加新鮮感，真係好悲哀，點解我會變成咁? 唉.........睇埋無聊的開箱相吧，點解無聊?
箱內的物品，唔開都知係乜啦，影果個同睇果個都係好無癮。
|
|
|
 |
 |
|
|
|
 |
 |
|
|
|
 |
 |
|
|
|
 |
 |
|
|
|
|
|
|
|
|
|
 |
 |
 |
 |
|
|
|
 |
一 |
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。
