|
Fujifilm X-Pro1 上集 試機相直出 發佈日期 : 2012年 3月8日 圖 / 文 : 巴斯 Model : Zoie
黑膠樂園版主 Lee HC，好錫我，把剛購入自己都未有空玩過的 Fujifilm X-Pro1連 35mm/ f1.4 鏡頭， 無條件借我玩了一個下午，請受小人一拜。
這輯相是基於以下拍攝狀態 : 手動光圈快門，無打反光版，不用閃燈，ISO 設定 1600， 無用遮光罩的情況下，全程用 Fujinon 35mm/ f1.4 鏡頭進行拍攝。 整輯每一張相均為 1630 萬像素 ( 3264X4896 ) 原圖 EXIF資料，無後製直出 ( 縮圖都無經後製，Resize Only )
陰天街景 強調是日陰天有微雨，一部好機，一枝好鏡，還有優秀Model， 無論室內或室外，只需要週街拍，任何一處都可以成為靚景。 顏色真係好恐佈~~~好囉命呀!!!!!!!
小弟雙膝跪地中.................
無打板全靠天然光，$1萬 3280港元淨 Body，就係比返呢D質素你。 呢輯相，就可以睇到呢枝身價 $4880港元的 Fujinon 35mm/ f1.4 鏡頭，配合 Fujifilm X-Pro1 的表現係點。
直出D色都可以靚成咁，還需要有後製的必要嗎? 如果還要後製再推的話，真係死好多人~~~~
Fujinon 35mm/ f1.4 鏡頭乘 1.5之後約 53mm ，成像咪就係咁囉。 天然光加廣告飾櫃做背景，盡開光圈，仲要四圍搵靚景?
輕身，躇意，可換鏡頭， Fujifilm X-Pro1身價貴過某一些大機喇~~~~~~ 是否值得? 你話呢 ?
陰天下的諾士佛臺 諾士佛臺你去過架，條街，Sorry應該係條巷有幾光你好清楚， 呢日仲要係陰天，你睇在呢部相機之下條街光到呢~~~~我再強調無打板。
美麗華商場射燈 密閉的商場設計，無天然光透入，光源來自商鋪玻璃飾櫃的射燈和商場所提供的天花射燈。 自動白平衡靠你喇，唔好話囉張乜卡物卡出來搞啊，機主比左 $1萬 3280港元機價，你叫佢囉張卡出來自己搞白平衡? 今時今日，有相機兼容功能的 iPhone手機， 都唔會叫機主搞白平衡啦。
請問成象有乜問題呀? 室內，無打板，自動白平衡呀老細，拿拿臨比錢買啦。
THE ONE 混合光源 利用 THE ONE 商場的天花板射燈，混合來自落地大玻璃所透入的天然光， 在這個由混合光源所組成的地方拍攝。
陳洪相機店門口 經過陳洪相機店門口，擺明就係來踢館架喇。 這個位置的光線，你熟識過我丫，室內藥材鋪式白光管加少許射燈。 成像後請問有乜問題? 我入來呢度影，係想比飾櫃內的舊相機和舊鏡頭，睇下依家D數碼相機科技係幾咁利害。
你睇D舊機望住部 X-Pro1個人表演，真係心都實晒，曾幾何時，飾櫃內的機，又點會無風光過呢?只不過今日他們............. 在白光管之下 Zoie的臉滑到呢~~~而且唔會因為白光管而變得慘白，問你死未， 直頭係囉你命 3000.............咳咳咳，Sorry Sorry，應該係囉你命 $1萬 3280。
橫街窄巷 仲未夠? 橫街窄巷都可以架播，唔計有大光圈鏡，都有 ISO 1600 在手， 身處陰天後巷，D膚色有問題咩? 響正坑渠前添~~~~
就咁馬路中間丫都可以架播，影響到顏色咩?
混合光源 剛剛是身處 The One商場內部拍攝，現在不如試下商場外的混合光源丫，兩者的比例不同吧。 就來到 K11商鋪前進行拍攝吧。
天然光的比重較多，仲正添~~~
公園 不如求其搵個公園丫~~~純靠自然光 ( 陰天 )
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
有無人可以講我知究竟發生乜野事呀~~~~~
可Click以下圖片看原圖 
