CAS 入門恩物 NuForce Air DAC 

發佈日期 : 2012年 4月14日    圖 / 文 : 巴斯

CAS好~~~~~ CAS勁~~~~ CAS呱呱叫~~~

唔該望住上面讀十次丫   

如果家中的Amp早就內置了 Air Play 功能的話，這個產品就與你無關，

但如果你所擁有的Av amp，並無 Air Play 功能，又想玩下 Air Play , 

又或者家中根本沒有Av amp ，只有最傳統兩聲道 Amp，咁呢件產品就非常適合你了。

早前去旺角聲耀全音，見到呢款 NuForce Air DAC 的數碼解碼器，

她的強項係採用高精度HPX編碼技術， 2.4GHz無線擴頻技術 ，支援音頻訊號達到 16bit / 48KHz，用上優質的 SKAA 無線傳輸技術 。

使用過程中，無需 Wi-Fi 或藍芽配合，自己一組工作。

打開盒蓋後可見到這對收發器，一發一收，不如先講無線傳送器吧。

圖中所見是無線傳送器，蘋果產品用家，就用圖中所見，名為  iTX 的無線傳送器，

只需接上訊源就可以了，由於個人喜歡用 iPad來操作的關係，所以把 iTX 無線傳送器，與 New iPad 接上。

用家如果喜歡的話，

可另外選購名為 uTX 的無線傳送器，係專門給電腦用的 USB 接口。

有發出，自然有接收，透過圖中所見的比例，可大約猜想到這個接收器實物大小。

而這個接收器，可配對最多 4個不同無線傳送器。

附上旅行裝的火牛電源接頭，香港的三腳插頭當然也有提供吧。

接收器背面只有RCA輸出接口和電源接口。

附件當中還有圖中所見的USB轉換接線。

接駁簡單

接駁非常簡單，只需在接收器背面位置接上火牛，然後利用 RCA 線連接 Amp 和接收器就完成接駁了。

絕無任何設定要搞，一插即用。

並有訊號燈顯示給用家知道，是否在接通狀態，因為這個接收器可配對最多 4個不同無線傳送器，所以可作為選擇訊源之用。

把無線傳送器接上 New iPad 後，就算沒有 Air Play功能的 Amp，

都可以立即玩到無線播歌仔架喇~~~

  Video 

咁多款 i乜 i 物，用來播放或操作 CAS ，一定係 iPad的介面最吸引和最好。

當接駁好 NuForce 的 Air DAC 後，只要選取圖中所見 iPad 右上角的選項，

選擇返用 iPad 的 30 pin的Dock位，就可以把 iPad 內的歌，透過無線方式發送出去。

之後就喜歡聽 iPad 內邊首歌，就篤邊個縮圖，Hi-Fi那一邊就會播放出美妙音樂，真係好開心架。

其實你都應該有留意到 iPad畫面夠大，無論用手去操作，或者視覺享受，都是 iPad佔優，

iPhone ，iPod Touch，Nano，由於畫面相對地比較小，那個享受就給比下去了。

家庭共享電腦內的歌曲

iPad 可收納的歌曲總不能容納太多，聽來聽去都係只係那堆歌好無癮，如果有內聯網的話，借助路由器 ( Router ) ，

咁 iPad 就可以透過家庭共享設定，直接讀到家中電腦音樂庫內的歌曲，咁 Hi- Fi 和 NuForce 的 Air DAC ，就可以有更多歌曲得到欣賞了。

咁當然啦，有進一步要求，所以就要做多少少野，如果家中有無線路由器 ( Router ) 的話，只係兩個步驟就能完成 iPad上的設定。

有關 iPad 設定直接讀到電腦內的歌曲，可到以下連結得到重溫。

http://www.avbuzz.com/audio-video/201111/casbb1/0.htm

下圖可見，在 iPad 的操作介面上，除了可選擇播放自己體內的歌曲外，

還可容許選擇讀取家中另外兩部電腦內的歌曲。

留意這個 iPad 操作介面上，會見到 Mac mini 字樣，

那就正好代表  iPad 正顯示位於發燒房的 Mac Mini 所提供歌曲，並如圖所見以縮圖方式顯示歌曲，

喜歡邊首歌就篤邊首歌來欣賞就可以了。

唔喜歡用發燒房的 Mac mini做訊源，只要篤一篤，訊源就被切換成來自客廳的 PC。

整個切換過程，都只係用一隻手指尾來做。

來源有得選擇外，發聲的地方也有得選擇，得到訊源之後一樣可以選擇在那裡發聲，

圖中可見訊源來自客廳的 PC，發聲可以選擇在客廳的舊款Av amp又得，客廳的電腦組合又得，

由於正使用 NuForce 的 Air DAC ，所以在 Dock接頭選項上面用手指尾篤一下，咁發燒房的 Av amp 就發聲了。

個人評價

Air Play係最簡單，而價錢又最平，係玩 CAS 入門起手式。

我咁多次用 Air Play來毒害親友，未失過手，比他們感受過一次後，一一上癮。

AirPlay 當然最好一定係內置在 Av amp身上，但如果無，係唔係無得玩丫?

答案係因為有 NuForce Air DAC ，所以有得玩。

只要把 NuForce Air DAC 接上後，就可以把 i乜i物體內的歌，透過無線方式，在家中心愛Hi-Fi播放出聲音來，

過程無需有 Wi-Fi  或藍芽，更加無需任何設定，一插即用簡單方便，操作起上來蕭灑，而且有趣味性。

iPad體內唔夠歌，又可以播埋電腦果份又得。

平日我所用的 Air Play，是來自 AirPort Express，缺點是只有光纖輸出，如果用家沒有Av amp，

或只有傳統的兩聲道 Amp ，咁就只能放棄用光纖，改為用她的轉換RCA接線輸出，咁樣你要埋我果份都得喇。

NuForce Air DAC 所用上的無線傳送技術，如果用在傳統兩聲道的 Amp，一定比 AirPort Express 好得多。

個人口味排位

以下是我個人對三款 AirPlay 裝置的個人口味排位。

首位 : 原生在 Av amp上的 AirPlay。第二位 :  AirPort Express 光簽輸出。第三位 : NuForce Air DAC 。

有比較過原生 AirPlay 與 AirPort Express 光纖輸出的話，可了解到 AirPort Express 的光纖輸出，

並不是天生作音響訊號傳送設計，由於在無線傳送玩音響，效果都算理想，所以大家都會接受。

但和原生 AirPlay 比較的話，AirPort Express 那份光纖給比下去，幸好有優質的Av amp可以把訊源優化，

所以最終大家都一定接受這個音效，尤其一個普通市民，一定收貨，絕無投訴，但AB比較的話，一定是原生 AirPlay佔優。

在我家組合裡， 個人喜歡 AirPort Express 光纖輸出到 Denon AVR- 4308 效果，

NuForce Air DAC 的出現，對AV amp 光纖表現不佳，或用家根本無Av amp，

只有傳統兩聲道 Amp ，就算有AV Amp，但兩聲道 Amp 靚過 AV amp ，

NuForce Air DAC 一定是入宮第一志願，而並不是光纖輸出的 AirPort Express 。

雖然 NuForce Air DAC 在我個人的口味排位，是放在 AirPort Express 後，但並不表示 NuForce Air DAC 的表現差， 

AirPort Express 光纖輸出相對地效差，靠Av amp來提升表現，

而 NuForce Air DAC 全程都是用音響技術層面出發， SKAA 無線傳輸技術一定好好多，而且效果都不會差。

在我家的器材是 AirPort Express 佔優，唔代表在其他用家器材上一樣，

只得傳統兩聲道 Amp ，你比個光纖佢，根本都接不上，幾靚都無用。

所以呢類用家一定是 NuForce Air DAC 排位高過 AirPort Express 。

要求高少少的話，唔好入MP3做歌仔，入AIFF格式係必然的動作。

請你明白，AipPlay其賣點唔係要把音質打低邊個邊個，唔知點解現在D人咁喜歡打低邊個邊個先安樂。

AipPlay 音質係無可能打低發燒產品或高聲效格式，Air Play是有一定聲效質素，而又玩得開心吸引人的音響娛樂。

是進入CAS 最基本的第一步，只要試過一次在自己的器材上使用，就會對 CAS 產生興趣，容後就會進一步玩高層次的 CAS系統。

以上評價係我個人感受，千萬唔好盡信，要自己親身感受，唔好人話好你就信，信自己丫唔該。

旺角 BO Acoustic 聲耀全音，有為客人作陳列品示範，

出門口前緊記問店員是否有陳列品試，因為缺貨起上來的話，陳列品都會賣埋，

唔想白行，打比陳列室一問 : 3188 1720　

Air DAC + iTX ( Apple 30 Pin ) : HK$1,650

Air DAC + uTX ( 電腦 USB ) : HK$1,480

如果中環對你來講方便的話，米樂影音陳列室，同樣提供陳列品作試用。

地址 :  中環皇后大道中 58號振邦大廈 703室。

查詢電話 : 2521 5999

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。