超級戰艦: 異形海戰 IMAX
發佈日期 : 2012年 4月13日 圖 / 文 : 巴斯
|
|
|
未開始講呢套電影之前，想講一講題外話，
就係近日 Google 推出了一個名為 ( Zombie Survival Map 喪屍求生地圖 )
|
|
|
地圖內清楚指示身處的所在位置，最近可以找到的槍械店、軍事設施、醫院、警局、飛機場、油站.............等詳細資料。
大家明明都知呢個世界係無喪屍架啦，點解 Google 要咁做呢?
可能我想多左，因為我幻想呢個 Map似乎係為大家好，想同大家講一D野，但又怕產生公眾恐慌，所以索性用喪屍求生地圖，
萬一到時真係會發生超級特大災難時大家用得著，咁就清楚明白Google 的苦心，
相反如果根本無任何事發生，又唔會比人話，你知依家D人幾惡架啦，我覺得高招。
|
|
|
如果萬一真係有超級特大災難發生的話.......................
咁 Google Glass 咪好好用囉。
 |
 |
 |
 |
 |
 |
有關這個喪屍求生地圖，詳情可去這個網址內參觀一下。
|
|
|
超級戰艦: 異形海戰 IMAX
言歸正傳，超級戰艦: 異形海戰 ，其故事改編自孩之寶的玩具 Battleship ( 變型金剛也是孩之寶其下的玩具 )
外星人襲地球，加上 2012年的末日預言，使到大家關注自己的未來，這電影也是講述外星人襲地球，
帶著上述的心情去欣賞這套電影，會更投入。
望到頸都長，終於等到呢套電影 4月12日在香港上畫了!!!!!
由於要遷就朋友的關係，唔可以選擇有震動座椅的圓方電影院作為第一選擇的電影院，
而尖沙咀區就只有 iSquare 的 IMAX 是我喜歡的電影院。萬幸是這套電影並非3D，否則我又無得睇了。
 |
 |
|
|
|
呢套一線片，無可能臨時要買就買到票啦，
訂票都唔係大晒架，要早訂，否則..........
|
|
|
這裡的座位勝在夠斜，畫面又夠大，
非常適合睇這類動作電影呢，那怕該套電影本來是否有用 IMAX來拍攝。
 |
 |
|
|
|
|
|
|
而我也是第一次在電影院內見到百週年紀念的新環球 Logo，加上IMAX的巨幕下，好有氣勢啊~~~~
硬照是無法表達出來的，一定要看動畫片呢。
Video
|
|
|
個人評價
片長 131分鐘，即兩個多小時，當初真係好驚無咁多事發生，又係不停講講講同埋講，我就死比佢睇了。
原來只係開頭半個小時要交代劇情，之後就無悶場，咁當然無可能由頭打到落尾吧。
而第一個動作場面，就係在開場後大約 35分鐘出現，在預告片中香港中銀大廈被欄腰削斷，就在呢個時候出現。
不過我可以話你知，就算唔係動作場面的時候，都唔會覺得悶，一定好睇過變型金剛囉。
導演處理海戰好得，爆得好睇，射得又好睇。
片中大量用上我近年極之迷戀的逆光和擾光法做氣氛，滿足我視覺享受。
擾光效果有來自 50-300 mm Zoom， 150 mm Prime 或 Movie Prime 效果都有用上，不過以 Movie Prime 數量佔多。
變型金剛和亞凡達幕後班底，你覺得特技會唔咩，做得不知幾好，動作場面設計都好得架，不過或多或少都有變型金剛的影子在所難免。
無論如何，他日推出光碟，我一定利用家中器材來欣賞多一次。
如果這幾日你有空的話，不彷把呢套電影，列為入場第一志願要睇的電影丫。
劇情方面，千萬唔可以有要求了，因為只要想著外星人可以用咁高科技來到地球，
又點需要親身下來和地球人打呢，一粒米咁細的炸彈，在大氣層一爆，整個地球都玩完了，如果係咁，就無戲做架喇。
首先唔可以太理智去睇呢套戲先得，否則就會對呢套戲反感，
何況帶個腦入場來睇呢類科幻片，對自己一點好處都沒有，個人覺得，提供官能刺激就可以了。
散場請留步
散場時，如果唔趕時間，請留步，等謝幕名單表出完後 ( 需時約 7分鐘 ) ，就會出現一段少少的片段。
內容係使你感覺到會有續集的出現，其實呢段可睇可唔睇，段片內容都唔知有無一分鐘長添，
所以我話如果唔趕時間就等囉。
|
|
|
純動作頂告片段
Video
|
|
|
 |
一 |
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。